​സെക്രട്ടേറിയറ്റിലേക്ക്​ മുട്ടയെറിഞ്ഞ്​ മഹിളാമോർച്ച

തിരുവനന്തപുരം: സ്വര്‍ണക്കടത്ത് കേസില്‍ മുഖ്യമന്ത്രിയുടെ രാജി ആവശ്യ​പ്പെട്ട്​ മഹിളാമോര്‍ച്ച പ്രവര്‍ത്തകര്‍ സെക്രട്ടേറിയറ്റിലേക്ക് മുട്ട​യെറിഞ്ഞു. പ്രകടനമായെത്തിയ പ്രവര്‍ത്തകരെ സമരഗേറ്റിന് മുന്നില്‍ പൊലീസ് തടഞ്ഞു. പിന്നാലേ പ്രവര്‍ത്തകര്‍ സെക്രട്ടേറിയറ്റിലേക്ക് മുട്ടയെറിയുകയായിരുന്നു. പൊലീസും സമരക്കാരും തമ്മിൽ ഉന്തുംതള്ളുമുണ്ടായി. ബാരിക്കേഡിന്​ മുകളിൽ കയറിയ പ്രവര്‍ത്തകരെ പൊലീസ് ബലം പ്രയോഗിച്ച്​ താഴെ ഇറക്കി. സമരത്തിനിടെ കുഴഞ്ഞുവീണ ഒരു പ്രവർത്തകയെ ആശുപത്രിയിലേക്ക് മാറ്റി. നേതാക്കളായ ജയാരാജീവ്, ശ്രീകലാ രാധാകൃഷ്ണന്‍, ലീന, സ്വപ്ന, സന്ധ്യ, രജിത തുടങ്ങിയവര്‍ നേതൃത്വം നല്‍കി. സമരഗേറ്റിന് ഉള്ളിലേക്ക് വീണ മുട്ട ഫയര്‍ഫോഴ്‌സ് കഴുകിമാറ്റി.