തിരുവനന്തപുരത്തുനിന്ന് കൂടുതൽ വിദേശ സർവിസുകൾ

ശംഖുംമുഖം: തിരുവനന്തപുരം രാജ്യാന്തര വിമാനത്താവളത്തിൽനിന്ന് അബൂദബി, ദമ്മാം എന്നിവിടങ്ങളിലേക്ക് ഇൻഡിഗോ എയർലൈൻസ് സർവിസുകൾ തുടങ്ങുന്നു. തിരുവനന്തപുരം-അബൂദബി സർവിസ് നാളെ മുതൽ തുടങ്ങും. തിങ്കൾ, ബുധൻ, വെള്ളി ദിവസങ്ങളിലായിരിക്കും സർവിസ്‌. രാത്രി 9.30ന് തിരുവനന്തപുരത്തുനിന്ന് യാത്ര ആരംഭിച്ച്​ 12.10ന് അബൂദബിയിലെത്തും. തിരികെ പുലർച്ച 1.30 ന് അബൂദബിയിൽനിന്ന് യാത്ര തിരിക്കുന്ന വിമാനം രാവിലെ 7.15ന് തിരുവനന്തപുരത്തെത്തും. ദമ്മാമിലേക്കുള്ള സർവിസ് ജൂലൈ ഒന്നിന് തുടങ്ങും. രാവിലെ 7.55ന് തിരുവനന്തപുരത്തുനിന്ന് തിരിച്ച്​ 10.10ന് ദമ്മാമിലെത്തും. തിരികെ 11.35ന് തിരിക്കുന്ന വിമാനം വൈകീട്ട് 7.30ന് തിരുവനന്തപുരത്തെത്തും.