കര്‍ഷകസംഘത്തിന്റെ തണലില്‍ ദിനുവിന് വീടൊരുങ്ങുന്നു

കിളിമാനൂർ: ഇരുവൃക്കകളും തകരാറിലായി രണ്ട് പെൺമക്കൾക്കും ഭാര്യക്കും വൃദ്ധമാതാവിനുമൊപ്പം അടച്ചുറപ്പില്ലാത്ത വീട്ടിൽ കഴിയുന്ന വെള്ളല്ലൂർ സ്വദേശി ദിനുവിന് കർഷകസംഘം വെള്ളല്ലൂർ വില്ലേജ് കമ്മിറ്റി സ്നേഹവീട് നിർമിച്ചുനൽകുന്നു. വീടിന്റെ കട്ടിളവെപ്പ്​ ചടങ്ങ് മന്ത്രി വി. ശിവൻകുട്ടി ഉദ്ഘാടനം ചെയ്തു. ഡി.വൈ.എഫ്.ഐ വെള്ളല്ലൂർ മേഖല പ്രസിഡന്റ്, ബ്ലോക്ക് കമ്മിറ്റിയം​ഗം എന്നീ നിലകളിൽ പ്രവർത്തിക്കവെയാണ് ദിനുവിന് വൃക്കരോ​ഗം പിടിപെ ടുന്നത്. ഇരുവൃക്കകളും തകരാറിലായതോടെ നിർധന കുടുംബാം​ഗമായ ദിനുവിന് ജീവിതം മുന്നോട്ടുകൊണ്ടുപോകാൻ സാധിക്കാത്ത അവസ്ഥയായി. ഡയാലിസിസിലൂടെയാണ് ഇപ്പോൾ ദിനിവിന്റെ ജീവൻ നിലനിർത്തുന്നത്. ചികിത്സക്കായി ഇതിനകം നല്ലൊരു സംഖ്യ ചെലവായി. ഇവർക്ക് സ്വന്തമായി അടച്ചുറപ്പില്ലാത്ത ഒരു വീടില്ലാത്തതിനാലാണ് വീടെന്ന സ്വപ്നം യാഥാർഥ്യമാ ക്കാൻ കർഷകസംഘം രം​ഗത്തെത്തിയത്. കർഷകസംഘം വില്ലേജ് പ്രസിഡന്റ് ജി.വി. ലാൽ അധ്യക്ഷത വഹിച്ചു. ഒ.എസ്. അംബിക എം.എൽ.എ മുഖ്യപ്രഭാഷണം നടത്തി. കർഷകസംഘം ജില്ല സെക്രട്ടറി കെ.സി. വിക്രമൻ, പ്രസിഡൻറ് പത്മകുമാർ തുടങ്ങിയവർ സംസാരിച്ചു. ചിത്രം ദിനുവിന് കർഷകസംഘം വെള്ളല്ലൂർ വില്ലേജ് കമ്മിറ്റി നിർമിച്ചുനൽകുന്ന വീടിന്റെ കട്ടിളവെപ്പ്​ മന്ത്രി വി. ശിവൻകുട്ടി ഉദ്ഘാടനം ചെയ്യുന്നു