പെർഫോമൻസ്​ ഓഡിറ്റ്​ വിഭാഗം നിലനിർത്തണം -എസ്​.ഇ.യു

തിരുവനന്തപുരം: പഞ്ചായത്ത്​ വകുപ്പിലെ പെർഫോമൻസ്​ ഓഡിറ്റ്​ വിഭാഗം നിർത്തലാക്കാനുള്ള സർക്കാർ തീരുമാനം പിൻവലിക്കണമെന്ന്​ എസ്​.ഇ.യു ജില്ല കമ്മിറ്റി യോഗം ആവശ്യപ്പെട്ടു. മുനിസിപ്പൽ ജീവനക്കാരുടെ പി.എഫ്​ മരവിപ്പിച്ചുള്ള സർക്കാർ തീരുമാനം, ഡി.എ കുടിശ്ശിക, ലീവ്​ സറണ്ടർ പുനഃസ്ഥാപിക്കൽ, മെഡിസെപ്പ്​ നടപ്പാക്കൽ തുടങ്ങിയ വിഷയങ്ങളിൽ ജീവനക്കാർക്ക്​ അനുകൂലമായ തീരുമാനം എത്രയും വേഗം നടപ്പാക്കണമെന്ന്​ യോഗം ആവശ്യപ്പെട്ടു. സംസ്ഥാന സെക്രട്ടറി പോത്തൻകോട്​ റാഫി ഉദ്​ഘാടനം ചെയ്തു. ജില്ല പ്രസിഡന്‍റ്​ എസ്​. ഹാസിലുദ്ദീൻ, കുളത്തൂർ ഷെഫീഖ്​, ഇ. നിസാറുദ്ദീൻ, പിരപ്പൻകോട്​ ഷാജി, നൗഷാദ്​, രജാജ്​, സുൽഫിക്കർ എന്നിവർ സംസാരിച്ചു.