റിസർച്ച് ഫെലോ താൽക്കാലിക ഒഴിവ്

MUST തിരുവനന്തപുരം: സർക്കാർ നിയന്ത്രണത്തിൽ തിരുവനന്തപുരം ശാന്തിനഗറിൽ പ്രവർത്തിക്കുന്ന പാർലമെന്‍ററികാര്യ ഇൻസ്റ്റിറ്റ്യൂട്ടിൽ റിസർച്ച് ഫെലോയുടെ താൽക്കാലിക ഒഴിവുണ്ട്. പ്രതിമാസ വേതനം 20,000 രൂപ. മാനവിക വിഷയങ്ങളിൽ 50 ശതമാനം മാർക്കിൽ കുറയാത്ത ബിരുദാനന്തര ബിരുദമാണ് യോഗ്യത. പ്രായപരിധി 35. നിയമാനുസൃത ഇളവുണ്ട്​. കമ്പ്യൂട്ടർ പരിജ്ഞാനം അഭിലഷണീയം. പ്രോജക്ടുകളിലും ഗവേഷണ പ്രവൃത്തികളിലുമുള്ള പരിചയം അധിക യോഗ്യതയാണ്​. അപേക്ഷയും വിശദ ബയോഡാറ്റയും പ്രായം, വിദ്യാഭ്യാസ യോഗ്യത, പരിചയം എന്നിവ തെളിയിക്കുന്ന സർട്ടിഫിക്കറ്റുകളുടെ പകർപ്പുകൾ സഹിതം അപേക്ഷിക്കണം. അവസാനതീയതി ജൂൺ 23. വിശദാംശങ്ങൾക്ക് www.ipaffairs.org.