ലഹരി വിരുദ്ധ ബോധവത്കരണം

വർക്കല: കേരള പൊലീസ് ജനമൈത്രി സുരക്ഷാ പ്രോജക്ട് പ്രകാരം ചെറുന്നിയൂർ പഞ്ചായത്തിൽ ലഹരി വിരുദ്ധ ബോധവത്കരണ സെമിനാർ സംഘടിപ്പിച്ചു. സെമിനാർ അഞ്ചാം വാർഡിൽ ഗ്രാമപഞ്ചായത്ത് പ്രസിഡന്റ് ശശികല ഉദ്ഘാടനം ചെയ്തു. വാർഡ് മെംബർ ലതാബാബു അധ്യക്ഷതവഹിച്ചു. വർക്കല ജനമൈത്രി പൊലീസ് ഓഫിസർ ശ്രീജിത്ത്, സിവിൽ പൊലീസ് ഓഫിസർ ഷിജു എന്നിവർ ക്ലാസെടുത്തു. ആശാ പ്രവർത്തകയും നിർഭയ വളന്റിയറുമായ എസ്. അജിത, വി. ശ്രീനാഥക്കുറുപ്പ് എന്നിവർ നേതൃത്വം നൽകി. കുടുംബശ്രീ അംഗങ്ങളും നാട്ടുകാരും ക്ലാസിൽ പങ്കെടുത്തു.