സി.പി.ഐ വെഞ്ഞാറമൂട് മണ്ഡലം സമ്മേളനം

വെഞ്ഞാറമൂട്: സി.പി.ഐ വെഞ്ഞാറൂട് മണ്ഡലം സമ്മേളനം ശനിയാഴ്ച മുതല്‍ തിങ്കളാഴ്ച വരെ നടക്കും. ശനിയാഴ്ച വൈകീട്ട് 3.30ന് കളമച്ചല്‍ ശശി സ്മൃതി മണ്ഡപത്തില്‍നിന്ന്​ പതാക ജാഥയും നാലിന് കല്ലറ പാങ്ങോട് രക്തസാക്ഷി മണ്ഡപത്തില്‍നിന്ന്​ കൊടിമര ജാഥയും പുല്ലമ്പാറ വി.പി. കുറുപ്പ് സ്മൃതി മണ്ഡപത്തില്‍നിന്ന്​ ബാനര്‍ ജാഥയും ആരംഭിക്കും. യഥാക്രമം ബിന്‍ഷാ ബി. ഷറഫ്, ആര്‍.എസ്. ജയന്‍, അഡ്വ. എ.ആര്‍. ഷാജി എന്നിവരാണ് ഉദ്ഘാടകര്‍. വൈകീട്ട് ആറിന് വെഞ്ഞാറമൂട്ടില്‍ (വയ്യേറ്റ് കെ. സോമന്‍ നഗര്‍) ഈ മൂന്ന് ജാഥകളും എത്തിച്ചേരുമ്പോള്‍ പൊതുസമ്മേളനം നടക്കും. ഞായര്‍, തിങ്കള്‍ ദിവസങ്ങളിൽ നടക്കുന്ന പ്രതിനിധി സമ്മേളനം ഞായറാഴ്ച രാവിലെ സി.പി.ഐ സംസ്ഥാന സെക്രട്ടറി കാനം രാജേന്ദ്രന്‍ ഉദ്ഘാടനം ചെയ്യും. ഭക്ഷ്യമന്ത്രി ജി.ആര്‍. അനില്‍, സി.പി.ഐ ജില്ല സെക്രട്ടറി മാങ്കോട് രാധാകൃഷ്ണന്‍ എന്നിവര്‍ സംസാരിക്കും.