അരലക്ഷത്തിലേറെ പട്ടയങ്ങൾ നൽകിയെന്ന്​ റവന്യൂ വകുപ്പ്

തിരുവനന്തപുരം: സംസ്ഥാനത്ത് ഒരുവർഷത്തിനിടെ അരലക്ഷത്തിലേറെ പട്ടയങ്ങൾ നൽകിയതായി റവന്യൂ വകുപ്പ് അറിയിച്ചു. രണ്ടാം വർഷത്തിലെത്തിയ എൽ.ഡി.എഫ് സർക്കാറിന്‍റെ നൂറുദിന പരിപാടിയുടെ ഭാഗമായി 41,021 പട്ടയങ്ങൾ നൽകി. ആദ്യ നൂറുദിന പരിപാടിയിൽ 13,514 പട്ടയങ്ങൾ വിതരണം ചെയ്തിരുന്നു. ഇതോടെ 54,535 പട്ടയങ്ങളായി. മലപ്പുറം ജില്ലയിലാണ് കൂടുതൽ പട്ടയങ്ങൾ നൽകിയത്​. കഴിഞ്ഞ എൽ.ഡി.എഫ് സർക്കാറിന്റെ കാലത്ത് ഒരുലക്ഷം പട്ടയങ്ങൾ നൽകിയെന്നും അറിയിച്ചു.