എന്തുകൊണ്ട് അവാർഡില്ലെന്ന് ജൂറി പറയാത്തതിൽ വിഷമം -റോജിൻ തോമസ്

തിരുവനന്തപുരം: ഹോം' സിനിമക്ക്​ എന്തുകൊണ്ടാണ് അവാർഡ് നൽകാതിരുന്നതെന്ന് ജൂറി പറയാത്തതിൽ വിഷമുണ്ടെന്നും എന്നാൽ അവാർഡ് ലഭിക്കാത്തതിൽ പ്രതിഷേധമില്ലെന്നും സംവിധായകൻ റോജിൻ തോമസ്. ജനങ്ങളുടെ ഹൃദയത്തിൽ അവർ ഈ ചിത്രത്തെ സ്വീകരിച്ചുകഴിഞ്ഞു. അതുതന്നെയാണ് ഏറ്റവും വലിയ അവാർഡ്. അതിന്റെ പ്രതികരണങ്ങളാണ് സമൂഹമാധ്യമങ്ങളിൽ പ്രകടിപ്പിക്കുന്നതും. ജൂറിയിലെ നാലോ അഞ്ചോ പേരെ സംവിധായകനെന്ന നിലയിൽ തൃപ്തിപ്പെടുത്താൻ കഴിയാതെ പോയി എന്ന കാര്യത്തിൽ മാത്രമാണ് വിഷമം. നിർമാതാവിനെതിരായ കേസി‍ൻെറ പേരിലാണ് ഹോം മാറ്റി നിർത്തപ്പെട്ടതെങ്കിൽ അതു മാറ്റേണ്ട പ്രവണതയാണ്. എന്നാൽ അക്കാരണം കൊണ്ടല്ല ചിത്രത്തിന് അവാർഡ് ലഭിക്കാത്തതെന്ന് ജൂറി അവാർഡ് വേളയിൽ പറഞ്ഞിരുന്നു. എന്നാൽ എന്തുകൊണ്ട് ഈ സിനിമ എന്തുകൊണ്ട് മാറ്റിനിർത്തപ്പെട്ടു എന്ന് അവർ പറഞ്ഞില്ലെന്നും റോജിൻ മാധ്യമങ്ങളോട് പറഞ്ഞു.