ഭിന്നശേഷിക്കാരുടെ പ്രശ്​നങ്ങൾ; സെമിനാർ

തിരുവനന്തപുരം: ഭിന്നശേഷിക്കാരുടെ പ്രശ്നങ്ങൾ സംബന്ധിച്ച്​ ജൂൺ രണ്ടിന്​ തിരുവനന്തപുരം തൈക്കാട്​ കെ.എസ്​.ടി.എ ഹാളിൽ ഡിഫറന്‍റ്​ലി ഏബ്​ൾഡ്​ പേഴ്​സൺസ്​ വെൽഫെയർ ഫെഡറേഷന്‍റെ നേതൃത്വത്തിൽ സെമിനാർ സംഘടിപ്പിക്കുമെന്ന്​ ഭാരവാഹികൾ വാർത്തസമ്മേളനത്തിൽ അറിയിച്ചു. രാവിലെ പത്തിന്​ മന്ത്രി ഡോ. ആർ. ബിന്ദു ഉദ്​ഘാടനം ചെയ്യും. ആസൂത്രണ ബോർഡ്​ വൈസ്​ചെയർമാൻ ഡോ.വി.കെ. രാമചന്ദ്രൻ, മെംബർ മിനി സുകുമാർ തുടങ്ങിയവർ സംസാരിക്കും. ഉച്ചക്ക്​ രണ്ടിന്​ ഭിന്നശേഷിക്കാരും പഞ്ചായത്തീരാജും എന്ന വിഷയത്തിൽ നടക്കുന്ന സെഷൻ മന്ത്രി എം.വി. ഗോവിന്ദൻ ഉദ്​ഘാടനം ചെയ്യും. സംസ്ഥാന പ്രസിഡന്‍റ്​ അഡ്വ. പരശുവയ്ക്കൽ മോഹനൻ, ജനറൽ സെക്രട്ടറി ഒ. വിജയൻ, ഗിരീഷ്​ കീർത്തി, അജി അമ്പാടി എന്നിവർ വാർത്തസമ്മേളനത്തിൽ പ​ങ്കെടുത്തു.