സ്കൂൾ തുറക്കുമ്പോൾതന്നെ അക്ഷരമാല പഠിക്കാൻ സാഹചര്യമൊരുക്കണം -സേവ്​ എജുക്കേഷൻ കമ്മിറ്റി

തിരുവനന്തപുരം: ജൂൺ ഒന്നിന്​ സ്കൂളുകൾ തുറക്കുമ്പോൾ കുട്ടികൾക്ക്​ മലയാളം അക്ഷരമാല പഠിപ്പിക്കാനുള്ള സാഹചര്യമൊരുക്കണമെന്ന്​ സേവ്​ എജുക്കേഷൻ കമ്മിറ്റി. 1996ൽ അന്നത്തെ എൽ.ഡി.എഫ് സർക്കാറാണ് അക്ഷരപഠനത്തിൽ മാറ്റം വരുത്തിയ പുതിയ ഡി.പി.ഇ.പി ബോധന രീതി കൊണ്ടുവന്നത്. ക്രമേണ, അക്ഷര പഠനത്തിന്‍റെ പ്രാധാന്യം കുറഞ്ഞു വന്നു. 2012 ൽ പാഠപുസ്തകങ്ങളിൽനിന്ന് അക്ഷരമാല പൂർണമായി ഒഴിവാക്കുകയും ചെയ്തു. പാഠപുസ്തകത്തിനകത്ത് അക്ഷരമാല അച്ചടിക്കുകയും അവ പഠിപ്പിക്കുകയും വേണം. അതിനുള്ള കർശന നിർദേശം വിദ്യാഭ്യാസ മന്ത്രി നൽകണമെന്നും സേവ് എജുക്കേഷൻ കമ്മിറ്റി ഭാരവാഹികളായ പ്രഫ. ജോർജ് ജോസഫും എം. ഷാജർഖാനും ആവശ്യപ്പെട്ടു.