ബൈക്കപകടത്തിൽ പരിക്കേറ്റ യുവാവ് മരിച്ചു

ശാസ്താംകോട്ട: ബൈക്കപകടത്തിൽ പരിക്കേറ്റ് ചികിത്സയിലായിരുന്ന യുവാവ് മരിച്ചു. മൈനാഗപ്പള്ളി വേങ്ങ തറമേൽ വടക്കതിൽ രാധാകൃഷ്ണപിള്ളയുടെയും സുശീലയുടെയും മകൻ വിഘ്നേഷ് (22) ആണ് മരിച്ചത്. 18ന് വൈകീട്ട്​ ഏഴോടെ ശാസ്താംകോട്ട ആഞ്ഞിലിമൂടിന് സമീപം വിഘ്നേഷ് ഓടിച്ചിരുന്ന ബൈക്ക് നിയന്ത്രണംവിട്ട് റോഡരികിൽനിന്ന മരത്തിൽ ഇടിക്കുകയായിരുന്നു. കൊല്ലത്തെ സ്വകാര്യ മെഡിക്കൽ കോളജ് ആശുപത്രിയിലും പിന്നീട് തിരുവനന്തപുരം മെഡിക്കൽ കോളജ് ആശുപത്രിയിലും ചികിത്സയിലായിരുന്നു. ചൊവ്വാഴ്ച രാത്രി 10.30ന് മരിച്ചു. സഹോദരൻ: അഖിൽ ആർ. കൃഷ്ണൻ.