കെ.സി.എസ്​.പി.എ ധർണ ഇന്ന്​

തിരുവനന്തപുരം: സഹകരണ പെൻഷൻകാരുടെ പ്രശ്നങ്ങൾ പരിഹരിക്കണമെന്നാവശ്യപ്പെട്ട്​ 13 ജില്ല കലക്ടറേറ്റുകൾക്ക്​ മുന്നിലും സെക്രട്ടേറിയറ്റിന്​ മുന്നിലും ബുധനാഴ്​ച ധർണ നടത്തുമെന്ന്​ കേരള കോഓപറേറ്റിവ്​ സർവിസ്​ പെൻഷനേഴ്​സ്​ അസോസിയേഷൻ (കെ.സി.എസ്​.പി.എ) ഭാരവാഹികൾ വാർത്തസമ്മേളനത്തിൽ അറിയിച്ചു. സെക്രട്ടേറിയറ്റ്​ ധർണ സി.ഐ.ടി.യു ജില്ല സെക്രട്ടറി സി. ജയൻബാബു ഉദ്​ഘാടനം ചെയ്യും. ഐ.എൻ.ടി.യു.സി ജില്ല ​പ്രസിഡന്‍റ്​ വി.ആർ. പ്രതാപൻ, എ.ഐ.ടി.യു.സി ജില്ല സെക്രട്ടറി മീനാങ്കൽ കുമാർ എന്നിവർ സംസാരിക്കും. ലോക പുകയില വിരുദ്ധദിനം: പോസ്​റ്റർ ഡിസൈൻ മത്സരവുമായി കിംസ്​ ഹെൽത്ത് തിരുവനന്തപുരം: ലോക പുകയില വിരുദ്ധദിനത്തോടനുബന്ധിച്ച് കിംസ്​ ഹെൽത്ത് പോസ്​റ്റർ ഡിസൈൻ മത്സരവും മെഗാ പ്രദർശനവും സംഘടിപ്പിക്കുന്നു. ലോക പുകയില വിരുദ്ധദിനമായ മേയ് 31ന് കിംസ്​ ഹെൽത്തിൽ രാവിലെ എട്ടരക്കാണ് പ്രദർശനം തുടങ്ങുന്നത്. ഹൈസ്​കൂൾ, ഹയർസെക്കൻഡറി, ഡിഗ്രിതലവും അതിനു മുകളിലേക്കും എന്നീ വിഭാഗത്തിലെ വിദ്യാർഥികൾക്കായാണ് മത്സരം. ഒന്നാം സ്ഥാനത്തിന് 10000 രൂപയും രണ്ടാം സ്ഥാനത്തിന് 5000 രൂപയുമാണ് സമ്മാനം. 'പുകയില ഉപേക്ഷിക്കൂ, പരിസ്ഥിതിയെ സംരക്ഷിക്കൂ' എന്നതാണ് പുകയില വിരുദ്ധ പോസ്​റ്ററിനായുള്ള പ്രമേയം. കമ്പ്യൂട്ടർ-ഡിജിറ്റൽ ഡിസൈനുകൾ ഉപയോഗിക്കാൻ പാടില്ല. ക്രയോൺ, ഓയിൽ പേസ്റ്റൽ, ജലച്ചായം എന്നിവ മാധ്യമമായി ഉപയോഗിക്കാം. എ3 വലുപ്പത്തിലാണ് പോസ്​റ്റർ ഒരുക്കേണ്ടത്. മേയ് 27 ന്​ മുമ്പായി 7736336438 എന്ന നമ്പറിൽ വാട്സ്​ആപ്പിലൂടെ പോസ്​റ്ററുകൾ അയച്ച് നൽകണം. പേര്, പ്രായം, വിഭാഗം, വിദ്യാഭ്യാസ സ്ഥാപനത്തിന്‍റെ പേര്, ബന്ധപ്പെടാനുള്ള നമ്പർ എന്നിവ സഹിതമാണ് അയക്കേണ്ടത്. തെരഞ്ഞെടുക്കപ്പെട്ട പോസ്​റ്ററുകൾ ലോകപുകയില വിരുദ്ധദിനത്തിൽ കിംസ്​ഹെൽത്തിൽ പ്രദർശിപ്പിക്കും. അന്നേ ദിവസമായിരിക്കും വിജയികളെ പ്രഖ്യാപിക്കുന്നത്.