പോളിടെക്​നിക്​ ​െലക്​ചറർമാർ നിരാഹാര സമരം നടത്തും

തിരുവനന്തപുരം: പോളിടെക്​നിക്കുകളിലെ ​െലക്​ചറർമാർ നേരിടുന്ന പ്രശ്നങ്ങൾ പരിഹരിക്കണമെന്ന്​ ആവശ്യപ്പെട്ട്​ ലക്​ചറേഴ്​സ്​ ​അസോസിയേഷൻ മേയ്​ 20, 21 തീയതികളിൽ സെ​ക്രട്ടേറിയറ്റിന്​ മുന്നിൽ നിരാഹാര സമരം നടത്തും. മുൻ മന്ത്രി വി.എസ്​. ശിവകുമാർ ഉദ്​ഘാടനം ചെയ്യുമെന്ന്​ ഭാരവാഹികൾ വാർത്തസമ്മേളനത്തിൽ അറിയിച്ചു. യോഗ്യതയുള്ള ​െലക്​ചറർമാർക്ക്​ ​കുറഞ്ഞ ശമ്പളവും യോഗ്യതയില്ലാത്തവർക്ക്​ കൂടുതലും എന്നതാണ്​ സ്ഥിതി. എ.ഐ.സി.ടി.ഇ നിഷ്കർഷിച്ച യോഗ്യതയുള്ളവരെ പുതിയ സ്കീമിലേക്ക്​ നിർബന്ധപൂർവം മാറ്റുകയും യോഗ്യതയില്ലാത്തവരെ സ്​റ്റേറ്റ്​ സ്​കെയിലിൽ തുടരാൻ അനുവദിക്കുകയും ചെയ്തു. പുതിയ സ്കീമിലേക്ക്​ മാറ്റുന്നതിന്​ തയാറാക്കിയ പട്ടികയിലെ അപാകതമൂലം അടിസ്ഥാന ശമ്പളത്തിൽ വലിയ കുറവുണ്ട്​. പലർക്കും 2013 മുതൽ കുറഞ്ഞ ശമ്പളം വാങ്ങേണ്ടി വന്നു. അവരുടെ പെൻഷൻ ആനുകൂല്യങ്ങളെയും ഇത്​ ബാധിക്കും. ഏഴാം ശമ്പള കമീഷൻ അനുസരിച്ച ആനുകൂല്യങ്ങൾ ഇതുവരെ ഭൂരിപക്ഷം പേർക്കും ലഭിച്ചിട്ടില്ലെന്നും അവർ പറഞ്ഞു. വാർത്തസമ്മേളനത്തിൽ ലിജോ ​ജോൺ, എസ്. ബിനുദാസ്​​, എസ്​. ഷാജഹാൻ എന്നിവർ പ​ങ്കെടുത്തു.