കാട്ടാക്കട മേഖലയില്‍ നാശം

കാട്ടാക്കട: വേനല്‍ മഴയിൽ കാട്ടാക്കട മേഖലയില്‍ നാശം. കാട്ടാക്കട, പൂവച്ചൽ, കള്ളിക്കാട്, കുറ്റിച്ചൽ പ്രദേശങ്ങളിൽ മരങ്ങൾ വീടുകൾക്ക് മുകളിലും റോഡിലും വീണ് ഗതാഗതം- വൈദ്യുതി വിതരണം എന്നിവ തടസ്സപ്പെട്ടു. കൃഷിനാശവുമുണ്ട്. മഴയെതുടര്‍ന്ന് പലേടത്തും വൈദ്യുതി വിതരണം നിലച്ചു. കുറ്റിച്ചല്‍-കള്ളിക്കാട് റോഡില്‍ മണ്ണിടിച്ചില്‍ തുടര്‍സംഭവമാകുകയാണ്. ബുധനാഴ്ച പരുത്തിപ്പള്ളി ഭാഗത്ത് മണ്ണിടിഞ്ഞുവീണു. മണ്ണിടിഞ്ഞ സമയം റോഡിലൂടെ യാത്രക്കാരും വാഹനങ്ങളും ഇല്ലാത്തത് അപകടം ഒഴിവായി. കുറ്റിച്ചൽ- ആര്യനാട് റോഡിൽ മഴവെള്ളം കുത്തിയൊലിച്ച് റോഡിന്റെ വശം തോട്ടിലേക്ക് ഇടിഞ്ഞുതാണു. 84.75 മീറ്റർ സംഭരണശേഷിയുള്ള അണക്കെട്ടിൽ ഇപ്പോൾ 82.440 മീറ്ററാണ് ജലനിരപ്പ്. മഴക്കെടുതിയുമായി ബന്ധപ്പെട്ട് കാട്ടാക്കട താലൂക്കിൽ 24 മണിക്കൂറും പ്രവർത്തിക്കുന്ന കൺട്രോൾ റൂമും പ്രവർത്തനസജ്ജമാണ്. ഫോൺ: 0471 2291414. ktda- kuttical- kallikkadu Road ചിത്രം- കുറ്റിച്ചല്‍ -കള്ളിക്കാട് പാതയിലെ പരുത്തിപ്പള്ളി ഭാഗത്ത് റോഡിൽ മണ്ണിടിഞ്ഞ നിലയിൽ