മുത്താരമ്മൻ ക്ഷേത്രം ശാന്തിമഠത്തിന്​ തറക്കല്ല്​ സ്ഥാപിച്ചു

ചേരപ്പള്ളി: ചേരപ്പള്ളി മുത്താരമ്മൻ ക്ഷേത്ര ശാന്തിമഠത്തിനുള്ള തറക്കല്ല്​ സ്ഥാപിക്കൽ കർമം തിരുവിതാംകൂർ ദേവസ്വം ബോർഡ്​ പ്രസിഡന്‍റ്​ അഡ്വ. കെ. അനന്ദഗോാപൻ നിർവഹിച്ചു. ക്ഷേത്ര ട്രസ്റ്റ്​ പ്രസിഡൻറ്​ കിളിയന്നൂർ കാവുംമൂല എസ്​. ബിനു അധ്യക്ഷതവഹിച്ചു. തന്ത്രി മുഖ്യൻ ആലുവ മേലെടത്തുമന ഈശ്വരൻ നമ്പൂതിരി കാർമികത്വം വഹിച്ചു. ആര്യനാട്​ ഗ്രാമപഞ്ചായത്ത്​ പ്രസിഡൻറ്​ വി. വിജുമോഹൻ, വാർഡ്​ മെംബർ കെ.കെ. രതീഷ്​, ക്ഷേത്ര ട്രസ്റ്റ്​ ജനറൽ സെക്രട്ടറി പൊട്ടൻചിറ ബി. മുകുന്ദൻ, ക്ഷേത്ര ട്രസ്റ്റ്​ മെംബർ പത്മകുമാർ എന്നിവർ സംസാരിച്ചു. ക്ഷേത്ര ട്രസ്റ്റ്​ അംഗങ്ങളും ഭക്തജനങ്ങളും പ​ങ്കെടുത്തു.