ഓട്ടോ തല്ലിത്തകര്‍ത്തു; രണ്ടുപേര്‍ കസ്റ്റഡിയിൽ

പാറശ്ശാല: പാറശ്ശാലയില്‍ കൂലി തര്‍ക്കത്തില്‍ ഒരുസംഘം ഓട്ടോറിക്ഷ തല്ലിത്തകര്‍ത്തു. കൊറ്റാമം സ്വദേശി സന്തോഷിന്റെ ഓട്ടോയാണ് തകര്‍ത്തത്. സംഭവവുമായി ബന്ധപ്പെട്ട് രണ്ടുപേരെ പിടികൂടി. കൊറ്റാമം സ്വദേശി അജയന്‍, മനു എന്നിവരെയാണ് കസ്റ്റഡിയിലെടുത്തത്. ശനിയാഴ്ച ഉച്ചക്ക്​ ഒന്നോടെയാണ് സംഭവം. കൊറ്റാമം സ്വദേശികളായ അജയ്, മനു എന്നിവര്‍ സന്തോഷിന്റെ ഓട്ടോയില്‍ സഞ്ചരിച്ചിരുന്നു. തുടര്‍ന്ന് സന്തോഷ് 30 രൂപ ആവശ്യപ്പെട്ടു. എന്നാല്‍, ഈ കൂലി അധികമാണെന്ന് പറഞ്ഞാണ് തര്‍ക്കമുണ്ടായത്. തുടര്‍ന്ന് മറ്റൊരു സംഘം ആളുകളുമായി എത്തി അജയിയും മനുവും ഓട്ടോ തകര്‍ക്കുകയായിരുന്നു. സംഭവം കണ്ടവര്‍ പാറശ്ശാല പൊലീസില്‍ വിവരമറിയിക്കുകയും പൊലീസ് എത്തി അജയിയെയും മനുവിനെയും അറസ്റ്റ് ചെയ്യുകയായിരുന്നു. ചിത്രം. അജയിയും മനുവും ഓട്ടോ അടിച്ച് തകര്‍ക്കുന്നു