മുന്നാക്കക്കാരിൽ പിന്നാക്കക്കാർക്ക്​ സംവരണം​ ഭരണഘടനാലംഘനമെന്ന്​

തിരുവനന്തപുരം: ഭരണഘടന സംരക്ഷിക്കുന്നതിനു​ പകരം ചെറിയ മുദ്രാവാക്യങ്ങളുമായി സംഘടനകളും ഗ്രൂപ്പുകളും മത്സരിക്കുന്നത്​ മൂല്യച്യുതി സൃഷ്ടിക്കുമെന്ന്​ ഡോ. ബി.ആർ. അംബേദ്​കർ നാഷനൽ എസ്​.സി-എസ്​.ടി ഫെഡറേഷൻ ദേശീയ വർക്കിങ്​ ചെയർമാൻ കെ. രാമൻകുട്ടി. ​ഫെഡറേഷ‍ന്‍റെ കേരള സംസ്ഥാന നേതൃ സമ്മേളനം ഉദ്​ഘാടനം ചെയ്തു സംസാരിക്കുകയായിരുന്നു അദ്ദേഹം. ഭരണഘടന അട്ടിമറിച്ച്​ മുന്നാക്കക്കാരിൽ പിന്നാക്കക്കാർക്ക്​ സംവരണമേർപ്പെടുത്തിയത്​ ഭരണഘടനാ ലംഘനമാണെന്നും കേന്ദ്രനയം ആദ്യം നടപ്പാക്കിയത്​ കേരളത്തിലാണെന്നുള്ളത്​ ഇടതുമുന്നണി ഗവൺമെന്‍റിൽ ദലിതർക്കുള്ള പ്രത്യോശ നശിപ്പിക്കുന്നതാണെന്നും അദ്ദേഹം പറഞ്ഞു. പി.കെ. സുബ്രഹ്​മണ്യൻ മാസ്റ്ററെ വർക്കിങ്​ പ്രസിഡന്‍റായും പേരുമല കലാറാണിയെ സംസ്ഥാന വനിതാ കമ്മിറ്റി പ്രസിഡന്‍റായും രാജേഷ്​ പന്തളത്തെ​ യുവജനവിഭാഗം പ്രസിഡന്‍റായും കോട്ടയം രാജനെ ഓർഗനൈസിങ്​ സെക്രട്ടറിയായും തെരഞ്ഞെടുത്തു. യോഗത്തിൽ ഫെ​ഡറേഷൻ കേരള പ്രസിഡന്‍റ്​ സി.ആർ. നാണുക്കുട്ടൻ അധ്യക്ഷത വഹിച്ചു. ജനറൽ സെക്രട്ടറി ദേവർപുരം സുന്ദരരാജൻ റിപ്പോർട്ട്​ അവതരിപ്പിച്ചു. കാപ്​ഷൻ kalarani ഡോ. ബി.ആർ. അംബേദ്​കർ നാഷനൽ എസ്​.സി-എസ്​.ടി ഫെഡറേഷൻ വനിതാ വിഭാഗം സംസ്ഥാന പ്രസിഡന്‍റ്​ കലാറാണി