സ്വ​ന്തം തൊ​ഴി​ലി​ട​ത്തി​ൽ​നി​ന്ന് ഇ​രു​മ്പ് ഷീ​റ്റു​ക​ൾ മോ​ഷ്ടി​ച്ച്​ വി​റ്റ യു​വാ​വ് അ​റ​സ്റ്റി​ൽ

തൃ​ശൂ​ർ: നി​ർ​മാ​ണ​ത്തി​ലി​രി​ക്കു​ന്ന കെ​ട്ടി​ട​ത്തി​ൽ​നി​ന്ന് ഇ​രു​മ്പ് ഷീ​റ്റു​ക​ൾ മോ​ഷ്ടി​ച്ച് വി​റ്റ കേ​സി​ലെ പ്ര​തി പി​ടി​യി​ൽ. പൂ​ത്തോ​ൾ സ്വ​ദേ​ശി തി​രു​ത്തി​ക്കാ​ട്ടി​ൽ വീ​ട്ടി​ൽ ഷ​റ​ഫു​ദ്ദീ​നാ​ണ് (32) അ​റ​സ്റ്റി​ലാ​യ​ത്. ചേ​റൂ​രി​ല്‍ പു​തു​താ​യി പ​ണി​തു​കൊ​ണ്ടി​രി​ക്കു​ന്ന കെ​ട്ടി​ടം വാ​ർ​ക്കു​ന്ന​തി​നാ​യി എ​ത്തി​ച്ച ഷീ​റ്റു​ക​ളാ​ണ് മോ​ഷ്ടി​ച്ച​ത്. ഏ​ക​ദേ​ശം ഇ​രു​പ​തി​നാ​യി​രം രൂ​പ വി​ല വ​രു​ന്ന ഇ​രു​മ്പ് ഷീ​റ്റു​ക​ൾ മോ​ഷ്ടി​ച്ച​താ​യി ഇ​യാ​ൾ സ​മ്മ​തി​ച്ച​താ​യി പൊ​ലീ​സ് പ​റ​ഞ്ഞു.

സി.​സി.​ടി.​വി ദൃ​ശ്യ​ങ്ങ​ൾ പ​രി​ശോ​ധി​ച്ചും സം​ശ​യ​മു​ള്ള ആ​ളു​ക​ളെ കേ​ന്ദ്രീ​ക​രി​ച്ചും ന​ട​ത്തി​യ അ​ന്വേ​ഷ​ണ​ത്തി​ലാ​ണ് മോ​ഷ്ടാ​വി​നെ തി​രി​ച്ച​റി​ഞ്ഞ​ത്. ഷ​റ​ഫു​ദ്ദീ​നും ഇ​തേ കെ​ട്ടി​ട​ത്തി​ല്‍ പ​ണി​യെ​ടു​ക്കു​ന്ന തൊ​ഴി​ലാ​ളി​യാ​ണ്. മ​റ്റു ജോ​ലി​ക്കാ​ര്‍ ഇ​ല്ലാ​ത്ത ദി​വ​സ​മാ​ണ് മോ​ഷ​ണ​ത്തി​നാ​യി തെ​ര​ഞ്ഞെ​ടു​ത്ത​ത്‌.

വാ​ട​ക​ക്ക് ഓ​ട്ടോ വി​ളി​ച്ച് വ​ന്നാ​ണ് ഇ​രു​മ്പ് ഷീ​റ്റു​ക​ൾ മോ​ഷ്ടി​ച്ച​ത്. ര​ണ്ട് ത​വ​ണ​ക​ളാ​യി കൊ​ണ്ടു​പോ​യ ഷീ​റ്റു​ക​ൾ കൊ​ക്കാ​ല​യി​ലെ​യും പ​ടി​ഞ്ഞാ​റേ കോ​ട്ട​യി​ലെ​യും ര​ണ്ട് ക​ട​ക​ളി​ലാ​യി വി​ൽ​പ​ന ന​ട​ത്തു​ക​യാ​യി​രു​ന്നു. മോ​ഷ​ണം പോ​യ ഷീ​റ്റു​ക​ൾ ഈ ​ക​ട​ക​ളി​ൽ​നി​ന്ന് പൊ​ലീ​സ് ക​ണ്ടെ​ടു​ത്തു. വി​യ്യൂ​ര്‍ എ​സ്.​എ​ച്ച്.​ഒ കെ.​സി. ബൈ​ജു​വി​ന്റെ നേ​തൃ​ത്വ​ത്തി​ൽ എ​സ്.​ഐ​മാ​രാ​യ കെ.​ടി. ജോ​സ​ഫ്, എ​ബ്ര​ഹാം വ​ർ​ഗീ​സ്, എ​സ്.​സി.​പി.​ഒ​മാ​രാ​യ അ​ജ​യ്‌​ഘോ​ഷ്, സ​ജു, സി.​പി.​ഒ​മാ​രാ​യ പി.​സി. അ​നി​ൽ​കു​മാ​ർ, വി​മ​ൽ​രാ​ജ് എ​ന്നി​വ​രും പ്ര​തി​യെ പി​ടി​കൂ​ടി​യ സം​ഘ​ത്തി​ല്‍ ഉ​ണ്ടാ​യി​രു​ന്നു. കോ​ട​തി​യി​ൽ ഹാ​ജ​രാ​ക്കി​യ പ്ര​തി​യെ റി​മാ​ൻ​ഡ് ചെ​യ്തു.