കഞ്ചാവുമായി യുവാവ് അറസ്റ്റിൽ

തൃശൂർ: വിദ്യാർഥികൾക്ക് ലഹരി വിൽക്കുന്നയാൾ അറസ്റ്റിൽ. എടക്കളത്തൂർ സ്വദേശി അഖിൽദേവ് (23) ആണ് പിടിയിലായത്. പറപ്പൂർ, തോളൂർ, എടക്കളത്തൂർ എന്നിവിടങ്ങളിൽ വിദ്യാർഥികൾ കഞ്ചാവ് ഉപയോഗിക്കുന്നുവെന്ന രഹസ്യവിവരത്തെ തുടർന്ന് കമീഷണറുടെ കീഴിലെ സിറ്റി ലഹരി വിരുദ്ധ സേനയും പേരാമംഗലം പൊലീസും ചേർന്ന് നടത്തിയ തിരച്ചിലിലാണ് ഇയാളെ എടക്കളത്തൂരിൽനിന്ന് പിടികൂടിയത്. വിൽപനക്കായുള്ള 500 രൂപയുടെയും 1000 രൂപയുടെയും ചെറിയ പാക്കറ്റുകളടക്കം 870 ഗ്രാം കഞ്ചാവും ത്രാസും കണ്ടെടുത്തു. കോടതിയിൽ ഹാജറാക്കിയ പ്രതിയെ റിമാൻഡ് ചെയ്തു.