വന്യമൃഗ വേട്ട: ഒമ്പത് വർഷമായി ശിക്ഷയില്ലാതെ തൃശൂർ വനം ഡിവിഷൻ

തൃ​ശൂ​ർ: വ​ന്യ​ജീ​വി​ക​ളെ വേ​ട്ട​യാ​ടി​യ കേ​സു​ക​ളി​ൽ ക​ഴി​ഞ്ഞ ഒ​മ്പ​ത് വ​ർ​ഷ​ത്തി​നി​ടെ തൃ​ശൂ​ർ ഡി​വി​ഷ​നി​ൽ ആ​രെ​യും ശി​ക്ഷി​ച്ചി​ട്ടി​ല്ലെ​ന്ന് വി​വ​രാ​വ​കാ​ശ രേ​ഖ. ഈ ​കാ​ല​യ​ള​വി​ൽ 145 കേ​സു​ക​ൾ ര​ജി​സ്റ്റ​ർ ചെ​യ്ത​തി​ൽ 64 എ​ണ്ണ​ത്തി​ൽ മാ​ത്ര​മാ​ണ് കു​റ്റ​പ​ത്രം സ​മ​ർ​പ്പി​ച്ച​ത്. 33 കേ​സു​ക​ളി​ൽ ന​ട​പ​ടി ഉ​പേ​ക്ഷി​ച്ചു. ബാ​ക്കി കേ​സു​ക​ൾ കെ​ട്ടി​ക്കി​ട​ക്കു​ക​യാ​ണ്.

പ​ട്ടി​ക്കാ​ട് റേ​ഞ്ചി​ൽ 2015ൽ ​മു​ള്ള​ൻ​പ​ന്നി​യെ വേ​ട്ട​യാ​ടി​യ കേ​സ് പോ​ലും ഇ​തു​വ​രെ തീ​ർ​ന്നി​ട്ടി​ല്ല. കേ​സ് ര​ജി​സ്റ്റ​ർ ചെ​യ്ത് 30 ദി​വ​സ​ത്തി​ന​കം കോ​ട​തി​യി​ൽ കു​റ്റ​പ​ത്രം സ​മ​ർ​പ്പി​ക്ക​ണം എ​ന്നാ​ണ് വ്യ​വ​സ്ഥ. എ​ന്നാ​ൽ ഒ​രു കേ​സി​ലും ഈ ​വ്യ​വ​സ്ഥ പാ​ലി​ക്ക​പ്പെ​ടാ​റി​ല്ല. കീ​രി രോ​മം കൊ​ണ്ട് പെ​യി​ന്റി​ങ് ബ്ര​ഷ് ഉ​ണ്ടാ​ക്കി​യ​ കേ​സി​ൽ ലാ​ബ് റി​പ്പോ​ർ​ട്ടി​ന് 2019 മു​ത​ൽ കാ​ത്തി​രി​പ്പാ​ണ്.

ഷെ​ഡ്യൂ​ൾ ഒ​ന്നി​ൽ​പെ​ട്ട ജീ​വി​ക​ൾ ഉ​ൾ​പ്പെ​ട്ട കേ​സു​ക​ളി​ൽ പി​ഴ ഈ​ടാ​ക്കി പ്ര​തി​ക​ളെ വി​ട്ട​യ​ക്ക​രു​​തെ​ന്നാ​ണ് ച​ട്ട​​മെ​ങ്കി​ലും ഈ ​വി​ഭാ​ഗ​ത്തി​ൽ​പെ​ട്ട അ​ല​ക്‌​സാ​ൻ​ഡ്രി​യ​ൻ ത​ത്ത​യെ പി​ടി​കൂ​ടി​യ കേ​സി​ൽ ഉ​ൾ​പ്പെ​ട്ട​വ​രെ പി​ഴ ഈ​ടാ​ക്കി വി​ട്ട​യ​ച്ച​താ​യും രേ​ഖ​ക​ൾ പ​റ​യു​ന്നു. വ​ന്യ​ജീ​വി​ക​ളു​മാ​യി ബ​ന്ധ​പ്പെ​ട്ട കേ​സു​ക​ളി​ൽ പൊ​തു​ശ്ര​ദ്ധ പ​​ല​പ്പോ​ഴും ഉ​ണ്ടാ​കാ​റി​ല്ലെ​ന്ന പ​ഴു​ത് വ​നം ഉ​ദ്യോ​ഗ​സ്ഥ​ർ ദു​രു​പ​യോ​ഗം ചെ​യ്യു​ന്നു​വെ​ന്നാ​ണ് മൃ​ഗ​സ്നേ​ഹി സം​ഘ​ട​ന പ്ര​വ​ർ​ത്ത​ക​ർ പ​റ​യു​ന്ന​ത്.

സം​സ്ഥാ​ന​ത്ത് വ​ന്യ​ജീ​വി സം​ര​ക്ഷ​ണ നി​യ​മ​പ്ര​കാ​രം എ​ത്ര കേ​സു​ക​ൾ ര​ജി​സ്റ്റ​ർ ചെ​യ്തി​ട്ടു​ണ്ട്, എ​ത്ര പേ​രെ ശി​ക്ഷി​ച്ചി​ട്ടു​ണ്ട് എ​ന്ന ചോ​ദ്യ​ത്തി​ന് വ​ന്യ​ജീ​വി വ​കു​പ്പ് അ​ധി​കൃ​ത​രു​ടെ കൈ​യി​ൽ ക​ണ​ക്കി​ല്ല. ഡി​വി​ഷ​ന​ൽ ഫോ​റ​സ്റ്റ് ഓ​ഫി​സു​ക​ളി​ൽ അ​ന്വേ​ഷി​ക്കാ​നാ​ണ് മ​റു​പ​ടി. വ​ന്യ​ജീ​വി​ക​ളെ വേ​ട്ട​യാ​ടി​യ കേ​സു​ക​ളി​ൽ പ്ര​തി​ക​ൾ ശി​ക്ഷി​ക്ക​പ്പെ​ടു​ന്നു​വെ​ന്ന് ഉ​റ​പ്പാ​ക്കാ​ൻ നി​രീ​ക്ഷ​ണ സം​വി​ധാ​ന​മൊ​ന്നും വ​നം​വ​കു​പ്പി​ൽ ഇ​ല്ലാ​

ത്ത​തും ഉ​ദ്യോ​ഗ​സ്ഥ​ർ​ക്ക് അ​നു​ഗ്ര​ഹ​മാ​വു​ക​യാ​ണ്. അ​നി​മ​ൽ ലീ​ഗ​ൽ ഫോ​ഴ്‌​സ് പ്ര​സി​ഡ​ന്റ് അ​മ്മു സു​ധി​ലി​ന് തൃ​ശൂ​ർ ഡി​വി​ഷ​ന​ൽ ഫോ​റ​സ്റ്റ് ഓ​ഫി​സി​ൽ നി​ന്നും ല​ഭി​ച്ച വി​വ​രാ​വ​കാ​ശ രേ​ഖ​ക​ളി​ലാ​ണ് ഈ ​വി​ശ​ദാം​ശ​മു​ള്ള​ത്.

നാ​ട്ടാ​ന​ക​ൾ​ക്ക് എ​തി​രെ​യു​ള്ള ക്രൂ​ര​ത​യി​ലും ക​ഴി​ഞ്ഞ ഒ​മ്പ​ത് വ​ർ​ഷ​ത്തി​നി​ടെ ആ​രെ​യും ശി​ക്ഷി​ച്ചി​ട്ടി​ല്ല എ​ന്നാ​ണ് തൃ​ശൂ​ർ സോ​ഷ്യ​ൽ ഫോ​റ​സ്ട്രി ഓ​ഫി​സി​ൽ നി​ന്ന് ല​ഭി​ച്ച വി​വ​രാ​വ​കാ​ശ രേ​ഖ​യി​ൽ വ്യ​ക്ത​മാ​കു​ന്ന​ത്. അ​കെ 37 കേ​സു​ക​ളാ​ണ് ര​ജി​സ്റ്റ​ർ ചെ​യ്തി​രു​ന്ന​ത്.