പ്ലാ​ന്റേ​ഷ​നി​ൽ കാ​ട്ടാ​ന ഭീ​ഷ​ണി തു​ട​രു​ന്നു

അ​തി​ര​പ്പി​ള്ളി: പ്ലാ​ന്റേ​ഷ​ൻ മേ​ഖ​ല​യി​ൽ തൊ​ഴി​ലാ​ളി​ക​ളു​ടെ ജീ​വ​ന് ഭീ​ഷ​ണി​യാ​യി കാ​ട്ടാ​ന​ക​ളു​ടെ സാ​ന്നി​ധ്യം രാ​പ​ക​ൽ വ​ർ​ധി​ക്കു​ന്ന​താ​യി പ​രാ​തി. ക​ഴി​ഞ്ഞ ദി​വ​സം പ്ലാ​ന്റേ​ഷ​ൻ എ​ണ്ണ​പ്പ​ന തോ​ട്ട​ത്തി​ലെ കാ​ട്ടാ​ന​ക​ളു​ടെ ആ​ക്ര​മ​ണ​ത്തി​ൽ​നി​ന്ന് ജീ​വ​ന​ക്കാ​ർ അ​ത്ഭു​ത​ക​ര​മാ​യാ​ണ് ര​ക്ഷ​പ്പെ​ട്ട​ത്. വെ​റ്റി​ല​പ്പാ​റ ടി.​എ​സ്.​ആ​ർ ഫാ​ക്ട​റി​യി​ൽ​നി​ന്ന് ഷി​ഫ്റ്റ് ജോ​ലി ക​ഴി​ഞ്ഞ് രാ​ത്രി തി​രി​കെ പോ​വു​ക​യാ​യി​രു​ന്ന തൊ​ഴി​ലാ​ളി​ക​ളെ ആ​ന​ക​ൾ ആ​ക്ര​മി​ക്കാ​ൻ ശ്ര​മി​ച്ചു.

ര​ണ്ടു ബൈ​ക്കി​ലും ഒ​രു കാ​റി​ലും ആ​യി വ​ന്ന തൊ​ഴി​ലാ​ളി​ക​ളു​ടെ നേ​രെ എ​ണ്ണ​പ്പ​ന തോ​ട്ട​ത്തി​ൽ നി​ന്നി​രു​ന്ന ആ​ന ആ​ക്ര​മി​ക്കാ​ൻ ഓ​ടി വ​ന്നു. തു​ട​ർ​ന്ന് തൊ​ഴി​ലാ​ളി​ക​ൾ റോ​ഡി​ൽ ബൈ​ക്ക് ഉ​പേ​ക്ഷി​ച്ച് ഇ​റ​ങ്ങി​യോ​ടു​ക​യാ​യി​രു​ന്നു. കാ​റി​ൽ വ​ന്ന​വ​ർ പെ​ട്ടെ​ന്ന് വാ​ഹ​നം പി​റ​കോ​ട്ടെ​ടു​ത്ത്‌ ര​ക്ഷ​പ്പെ​ടാ​ൻ ശ്ര​മം ന​ട​ത്തു​ക​യും ചെ​യ്തു. കാ​ർ പി​ന്നോ​ട്ടെ​ടു​ത്ത​പ്പോ​ൾ സ​മീ​പ​ത്തെ പാ​ല​ത്തി​ൽ ചെ​ന്നി​ടി​ച്ചു. ശ​ബ്ദം കേ​ട്ട​തോ​ടെ ഭ​യ​ന്ന ആ​ന പി​ന്തി​രി​ഞ്ഞ​താ​ണ് തൊ​ഴി​ലാ​ളി​ക​ൾ​ക്ക് ര​ക്ഷ​യാ​യ​ത്.

പ്ലാ​ന്റേ​ഷ​ൻ മേ​ഖ​ല​യി​ൽ കാ​ട്ടാ​ന​ക​ളു​ടെ ഉ​പ​ദ്ര​വം വ​ർ​ധി​ച്ച​താ​യി തൊ​ഴി​ലാ​ളി​ക​ൾ പ​റ​യു​ന്നു. തോ​ട്ട​ങ്ങ​ളി​ൽ പ​ക​ൽ പോ​ലും ആ​ന​ക​ൾ ഇ​റ​ങ്ങു​ന്നു​ണ്ട്. എ​ണ്ണ​പ്പ​ന​ക​ൾ മ​റി​ച്ചി​ട്ട് തി​ന്നു​ക​യാ​ണ് ആ​ന​ക​ളു​ടെ രീ​തി. അ​തി​നാ​ൽ ഒ​റ്റ​ക്ക് ജോ​ലി​ക്ക് പോ​കാ​ൻ പ​ല​ർ​ക്കും ഭീ​തി​യാ​ണ്. ആ​ന​യു​ടെ സാ​ന്നി​ധ്യ​മ​റി​യാ​തെ എ​ണ്ണ​പ്പ​ന തോ​ട്ട​ത്തി​ൽ എ​ത്തു​ന്ന​വ​ർ അ​പ​ക​ട​ത്തി​ൽ പെ​ടും. ക​ഴി​ഞ്ഞ ദി​വ​സം എ​ണ്ണ​പ്പ​ന​ക്കു​രു ക​യ​റ്റു​ന്ന യാ​ർ​ഡി​ന് സ​മീ​പം ആ​ന​ക​ൾ എ​ണ്ണ​പ്പ​ന റോ​ഡി​ലേ​ക്ക് മ​റി​ച്ചി​ട്ട് ഗ​താ​ഗ​തം ത​ട​സ്സ​പ്പെ​ടു​ത്തി​യി​രു​ന്നു. ഏ​ഴാ​റ്റു​മു​ഖം മേ​ഖ​ല​യി​ൽ ക്വാ​ർ​ട്ടേ​ഴ്സു​ക​ളി​ലേ​ക്ക് കു​ടി​വെ​ള്ളം വി​ത​ര​ണം ചെ​യ്യു​ന്ന കു​ടി​വെ​ള്ള പൈ​പ്പ് ലൈ​ൻ ത​ക​ർ​ത്ത ആ​ന​ക​ൾ കു​ടി​വെ​ള്ള ടാ​ങ്ക് മ​റി​ച്ചി​ട്ടി​രു​ന്നു.