Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightThrissurchevron_rightകോട്ടപ്പുറം പുഴയിൽ...

കോട്ടപ്പുറം പുഴയിൽ കാട്ടാനയുടെ ജഡം

text_fields
bookmark_border
കോട്ടപ്പുറം പുഴയിൽ കാട്ടാനയുടെ ജഡം
cancel

മേത്തല: കോട്ടപ്പുറം പുഴയിൽ ഒഴുകിയെത്തിയ കാട്ടാനയുടെ ജഡം പുറത്തെടുത്തു. പെരിയാറി​െൻറ കൈവഴിയായ കോട്ടപ്പുറം പുഴയിൽ ഞായറാഴ്ച രാവിലെയാണ് 15 വയസ്സ്​ തോന്നിക്കുന്ന ആനയുടെ ജഡം ഒഴുകിയെത്തിയത്. ജഡത്തിന് ഒരാഴ്ചയോളം പഴക്കമുണ്ട്​. ഇടുക്കിയിലെ നേരിയ മംഗലത്ത് നിന്ന് ഒഴുകിയെത്തിയതെന്നാണ് കരുതുന്നത്.

കോട്ടപ്പുറം ആംഫി തിയറ്ററിന് സമീപം അടിഞ്ഞ ജഡം കൊല്ലം-കോട്ടപ്പുറം ദേശീയ ജലപാതയുടെ കോട്ടപ്പുറം ടെർമിനലിൽ വടം കെട്ടി എത്തിച്ചാണ്​ ക്രെയിൻ ഉപയോഗിച്ച് കരക്കുകയറ്റിയത്​. ലോറിയിൽ കയറ്റി ചാലക്കുടിയിലേക്ക് കൊണ്ടുപോയി. തിങ്കളാഴ്ച പോസ്​റ്റുമോർട്ടത്തിന് ശേഷം മേൽനടപടി സ്വീകരിക്കും.

ആനയുടെ ജഡം കരക്കുകയറ്റുന്നതിന് പരിയാരം റേഞ്ച് ഓഫിസർ ടി.എസ്. മാത്യു, കോടനാട് റേഞ്ച് ഓഫിസർ ബെനിക് ലാൽ, ചാലക്കുടി ഡി.എഫ്.ഒ എസ്.വി. വിനോദ്, ഫോറസ്​റ്റ്​ വെറ്ററിനറി ഡോക്​ടർ ഡേവിഡ് തുടങ്ങിയവർ നേതൃത്വം നൽകി. ഷാനുവി​െൻറ നേതൃത്വത്തിൽ നാട്ടുകാരുമുണ്ടായിരുന്നു. വലിയ ജനക്കൂട്ടമാണ് പുഴയുടെ കരയിൽ എത്തിയത്.

Show Full Article
TAGS:wild elephant elephant's deadbody kottappuram river 
Next Story