ചൊ​ക്ക​ന​യി​ല്‍ പാ​ഡി​ക​ള്‍ക്ക​രി​കി​ല്‍ വീ​ണ്ടും കാ​ട്ടാ​ന; ഭീ​തി​യ​ക​ലാ​തെ തൊ​ഴി​ലാ​ളി​ക​ൾ

വെ​ള്ളി​ക്കു​ള​ങ്ങ​ര: ചൊ​ക്ക​ന എ​സ്‌​റ്റേ​റ്റി​ലെ തൊ​ഴി​ലാ​ളി പാ​ഡി​ക​ൾ​ക്ക് സ​മീ​പം കാ​ട്ടാ​ന​യെ​ത്തി​യ​ത് തൊ​ഴി​ലാ​ളി കു​ടും​ബ​ങ്ങ​ളെ ഭീ​തി​യി​ലാ​ക്കി. ബു​ധ​നാ​ഴ്ച പു​ല​ര്‍ച്ചെ ഒ​രു​മ​ണി​യോ​ടെ​യാ​ണ് കാ​ട്ടാ​ന​യെ​ത്തി​യ​ത്. ശ​ബ്ദം കേ​ട്ട് തൊ​ഴി​ലാ​ളി​ക​ള്‍ ഉ​ണ​ര്‍ന്ന് ഒ​ച്ച​യെ​ടു​ത്ത് ആ​ന​യെ അ​ക​റ്റാ​ന്‍ ശ്ര​മി​ച്ചെ​ങ്കി​ലും ഫ​ല​മു​ണ്ടാ​യി​ല്ല.

നേ​രം പു​ല​രു​ന്ന​തു​വ​രെ ഇ​വി​ടെ കാ​ട്ടാ​ന ഉ​ണ്ടാ​യി​രു​ന്ന​താ​യി തൊ​ഴി​ലാ​ളി​ക​ള്‍ പ​റ​ഞ്ഞു. ക​ഴി​ഞ്ഞ ഒ​രു മാ​സ​ത്തി​ലേ​റെ​യാ​യി തൊ​ഴി​ലാ​ളി​ക​ളു​ടെ വീ​ടു​ക​ൾ​ക്ക് സ​മീ​പം പ​തി​വാ​യി കാ​ട്ടാ​ന എ​ത്തു​ന്നു​ണ്ട്. ഏ​താ​നും വ​ര്‍ഷം മു​മ്പ് ഇ​വി​ടെ​യു​ള്ള പാ​ഡി​ക്ക​രി​കി​ല്‍ കാ​ട്ടാ​ന​യെ ക​ണ്ട് യു​വ​തി കു​ഴ​ഞ്ഞു വീ​ണ് മ​രി​ച്ച സം​ഭ​വ​മു​ണ്ടാ​യി​രു​ന്നു. ഇ​തി​നു​ശേ​ഷം പാ​ഡി​ക​ളി​ല്‍ ക​ഴി​യു​ന്ന തൊ​ഴി​ലാ​ളി​കു​ടും​ബ​ങ്ങ​ള്‍ ഭീ​തി​യി​ലാ​ണ് ജീ​വി​ക്കു​ന്ന​ത്.

റ​ബ​ര്‍ തോ​ട്ട​ങ്ങ​ളി​ലും കാ​ട്ടാ​ന​ക​ള്‍ വി​ഹ​രി​ക്കു​ന്നു​ണ്ട്. എ​സ്റ്റേ​റ്റി​ല്‍ ജോ​ലി​ചെ​യ്യു​ന്ന തൊ​ഴി​ലാ​ളി​ക​ളെ കാ​ട്ടാ​ന​ക​ള്‍ ആ​ക്ര​മി​ക്കു​ന്ന സം​ഭ​വ​ങ്ങ​ളും മേ​ഖ​ല​യി​ല്‍ വ​ര്‍ധി​ച്ചു​വ​രി​ക​യാ​ണ്.