ഈ ​കാ​ത്തി​രി​പ്പ് എ​ന്ന് തീ​രും?

തൃ​ശൂ​ർ: പ​തി​റ്റാ​ണ്ടു​ക​ളു​ടെ കാ​ത്തി​രി​പ്പും സ്വ​പ്ന​വു​മാ​യ ഗു​രു​വാ​യൂ​ർ മേ​ൽ​പാ​ലം ഒ​ടു​വി​ൽ യാ​ഥാ​ർ​ഥ്യ​മാ​യി നാ​ളെ യാ​ത്ര​ക്കാ​യി തു​റ​ന്നു​കൊ​ടു​ക്കു​മ്പോ​ൾ ജി​ല്ല​യി​ൽ ഒ​ടു​ങ്ങാ​ത്ത കാ​ത്തി​രി​പ്പു​മാ​യി നി​ര​വ​ധി സ്ഥ​ല​ങ്ങ​ൾ വേ​റെ​യു​മു​ണ്ട്. പൂ​ങ്കു​ന്നം, വ​ടൂ​ക്ക​ര, പോ​ട്ടോ​ർ, ഒ​ല്ലൂ​ർ, പു​തു​ക്കാ​ട്, മു​ള്ളൂ​ർ​ക്ക​ര, എ​ങ്ക​ക്കാ​ട് എ​ന്നി​വ അ​തി​ലെ ചി​ല​താ​ണ്.

വ​ട​ക്കാ​ഞ്ചേ​രി, തി​രു​വെ​ങ്കി​ടം എ​ന്നി​വി​ട​ങ്ങ​ളി​ലെ അ​ട​ച്ചു​പൂ​ട്ടി​യ ഗേ​റ്റി​ന്‍റെ ദു​ർ​ഗ​തി​യി​ൽ കി​ലോ​മീ​റ്റ​റു​ക​ൾ അ​ധി​കം യാ​ത്ര ചെ​യ്യേ​ണ്ടി വ​രു​ന്ന​വ​രു​മു​ണ്ട്. ഇ​വി​ട​ങ്ങ​ളി​ൽ അ​ടി​പ്പാ​ത​യോ മേ​ൽ​പാ​ല​മോ വേ​ണ​മെ​ന്ന ആ​വ​ശ്യ​ത്തി​ന് ഇ​തു​വ​രെ​യും അ​ധി​കൃ​ത​ർ ചെ​വി കൊ​ടു​ത്തി​ട്ടി​ല്ല.

തി​ര​ക്കു​പി​ടി​ച്ച ദി​വ​സ​ത്തി​ൽ ഏ​റി​യ സ​മ​യ​വും ഗേ​റ്റു​ക​ളി​ൽ കു​ടു​ങ്ങി തു​ല​യു​ന്ന നി​ര​വ​ധി ജീ​വി​ത​ങ്ങ​ളു​ണ്ട്. പൂ​ങ്കു​ന്ന​ത്തു​നി​ന്ന് തി​ര​ക്കൊ​ഴി​വാ​ക്കി തൃ​ശൂ​ർ ന​ഗ​ര​ത്തി​ലേ​ക്കും ന​ഗ​ര​ത്തി​ൽ​നി​ന്ന് കു​ന്നം​കു​ളം ഭാ​ഗ​ത്തേ​ക്കും പോ​കാ​ൻ എ​ളു​പ്പ വ​ഴി​യാ​ണ് തി​രു​വ​മ്പാ​ടി ക്ഷേ​ത്ര​ത്തി​ന് മു​ന്നി​ൽ നി​ന്നു​ള്ള പൂ​ങ്കു​ന്ന​ത്തേ​ക്കു​ള്ള ഗേ​റ്റ് ക​ട​ന്നു​ള്ള വ​ഴി.

എ​ന്നാ​ൽ, രാ​വി​ലെ​യും വൈ​കീ​ട്ടും മ​ണി​ക്കൂ​റു​ക​ൾ നീ​ളു​ന്ന ഗേ​റ്റ് അ​ട​ച്ചി​ട്ടു​ള്ള കാ​ത്തി​രി​പ്പി​ന് അ​വ​സാ​ന​മി​ല്ല. രാ​വി​ലെ ഒ​മ്പ​ത​ര​യോ​ടെ അ​ട​ച്ചാ​ൽ വ​ന്ദേ​ഭാ​ര​ത് എ​ക്സ്പ്ര​സി​നും ശേ​ഷം മൂ​ന്ന് ട്രെ​യി​നു​ക​ൾ വേ​റെ​യും ക​ട​ന്നു​പോ​യി 10 മ​ണി​യോ​ടെ വേ​ണം ആ​ദ്യ ഇ​ട​വേ​ള​യി​ൽ ഗേ​റ്റ് തു​റ​ക്കാ​ൻ.

ഓ​ഫി​സ്, സ്കൂ​ൾ, കോ​ള​ജ് എ​ന്നി​വി​ട​ങ്ങ​ളി​ലേ​ക്കു​ള്ള​വ​രും ക്ഷേ​ത്ര​ത്തി​ലേ​ക്കും മ​റ്റ് ആ​വ​ശ്യ​ങ്ങ​ൾ​ക്ക് വ​രു​ന്ന​വ​രു​മ​ട​ക്കം ഈ ​കു​രു​ക്കി​ൽ വ​ല​യും. സ​മാ​ന സ്ഥി​തി​യാ​ണ് വ​ടൂ​ക്ക​ര​യി​ൽ. ന​ഗ​ര​ത്തി​ര​ക്ക് ഒ​ഴി​വാ​ക്കി തെ​ക്ക​ൻ​മേ​ഖ​ല​യി​ലേ​ക്ക് ക​ട​ക്കാ​ൻ വാ​ടാ​ന​പ്പ​ള്ളി -കാ​ഞ്ഞാ​ണി മേ​ഖ​ല​യി​ൽ​നി​ന്നും ഇ​രി​ങ്ങാ​ല​ക്കു​ട മേ​ഖ​ല​ക​ളി​ലേ​ക്ക് പോ​കേ​ണ്ട​വ​ർ​ക്ക് ന​ഗ​ര തി​ര​ക്കി​ൽ ക​യ​റാ​തെ​ത്ത​ന്നെ അ​ര​ണാ​ട്ടു​ക​ര​യി​ൽ​നി​ന്ന് കൂ​ർ​ക്ക​ഞ്ചേ​രി​യി​ലേ​ക്ക് എ​ളു​പ്പ​ത്തി​ൽ വ​ടൂ​ക്ക​ര ഗേ​റ്റ് ക​ട​ന്ന് പോ​കാം.

എ​ന്നാ​ൽ, മ​ണി​ക്കൂ​റു​ക​ൾ നീ​ളു​ന്ന കാ​ത്തി​രി​പ്പാ​ണ് ഇ​വി​ടെ​യും. പോ​ട്ടോ​രും ഒ​ല്ലൂ​രും പു​തു​ക്കാ​ടും മു​ള്ളൂ​ർ​ക്ക​ര​യും എ​ങ്ക​ക്കാ​ടു​മെ​ല്ലാം ദി​വ​സ​വും ഈ ​കാ​ത്തി​രി​പ്പു​ക​ളു​ടെ അ​സ്വ​സ്ഥ​ത​ക​ൾ അ​നു​ഭ​വി​ക്കു​ന്ന ഗേ​റ്റു​ക​ളാ​ണ്. പു​തു​ക്കാ​ടും ഒ​ല്ലൂ​രു​മ​ട​ക്കം മേ​ൽ​പാ​ലം നി​ർ​മാ​ണ​ത്തി​ന് കെ-​റെ​യി​ലി​ന് സ​ർ​ക്കാ​ർ അ​നു​മ​തി ന​ൽ​കി​യി​രു​ന്നെ​ങ്കി​ലും ഇ​തു​വ​രെ​യും ന​ട​പ​ടി​ക​ളി​ലേ​ക്ക് ക​ട​ന്നി​ട്ടി​ല്ല.

ഒ​ല്ലൂ​രി​ൽ മേ​ൽ​പാ​ല നി​ർ​മാ​ണ​ത്തി​നു​ള്ള ന​ട​പ​ടി​ക​ളി​ലേ​ക്ക് ക​ട​ന്നെ​ങ്കി​ലും പ്രാ​ദേ​ശി​ക​ത​ല എ​തി​ർ​പ്പു​ക​ളി​ൽ ത​ട്ടി നി​ല​ച്ചു. പ​ക്ഷേ, പൂ​ങ്കു​ന്ന​വും വ​ടൂ​ക്ക​ര​യും ഈ ​പ​ട്ടി​ക​യി​ൽ ഉ​ൾ​പ്പെ​ട്ടി​രു​ന്നി​ല്ല. റെ​യി​ൽ​വേ പാ​സ​ഞ്ചേ​ഴ്സ് അ​സോ​സി​യേ​ഷ​നും നാ​ട്ടു​കാ​രും രാ​ഷ്ട്രീ​യ പാ​ർ​ട്ടി​ക​ളും സം​ഘ​ട​ന​ക​ളും നി​വേ​ദ​ന​ങ്ങ​ളും പ​രാ​തി​ക​ളു​മാ​യി ഇ​ട​പെ​ടു​ന്നു​ണ്ടെ​ങ്കി​ലും ഉ​ത്ത​ര​വാ​ദ​പ്പെ​ട്ട​വ​ർ മാ​ത്രം ക​നി​യു​ന്നി​ല്ല.

ഗു​രു​വാ​യൂ​ർ മേ​ൽ​പാ​ലം യാ​ത്ര​ക്കാ​ർ​ക്കാ​യി തു​റ​ന്നു​കൊ​ടു​ക്കു​മ്പോ​ൾ നേ​ത്തേ അ​ട​ച്ചു​പൂ​ട്ടി​യ തി​രു​വെ​ങ്കി​ടം ഗേ​റ്റി​ൽ അ​ടി​പ്പാ​ത ആ​വ​ശ്യ​ത്തി​നു​ള്ള സ​മ​ര​ത്തി​ലാ​ണ് നാ​ട്ടു​കാ​ർ. സ്ഥ​ലം ദേ​വ​സ്വം വി​ട്ടു​കൊ​ടു​ക്കാ​മെ​ന്ന് അ​റി​യി​ച്ച​തോ​ടെ ഉ​ട​ക്കു​വെ​ച്ച് ചി​ല സം​ഘ​ട​ന​ക​ൾ രം​ഗ​ത്തു​വ​ന്ന​താ​ണ് നി​ല​വി​ലെ ത​ട​സ്സം.