ഗാ​ന്ധി​ജി ഇ​രി​ങ്ങാ​ല​ക്കു​ട​യി​ലെത്തിയപ്പോൾ

ഹ​രി​ജ​ന ഫ​ണ്ട് ശേ​ഖ​ര​ണം മു​ഖ്യ​ല​ക്ഷ്യ​മാ​ക്കി​യാ​ണ് 1934 ജ​നു​വ​രി 10 മു​ത​ൽ 13 ദി​വ​സം നീ​ണ്ട യാ​ത്ര​യു​മാ​യി ഗാ​ന്ധി​ജി നാ​ലാം ത​വ​ണ കേ​ര​ള​ത്തി​ലെ​ത്തി​യ​ത്. തൃ​ശൂ​രി​ൽ ഹ​രി​ജ​ന ഗ്രാ​മ​ങ്ങ​ൾ സ​ന്ദ​ർ​ശി​ച്ച ശേ​ഷ​മാ​ണ് ഇ​രി​ങ്ങാ​ല​ക്കു​ട​യി​ൽ എ​ത്തി​യ​ത്. അ​യി​ത്ത​ത്തി​നും അ​നാ​ചാ​ര​ങ്ങ​ള്‍ക്കു​മെ​തി​രാ​യ പേ​രാ​ട്ട​വേ​ള​യി​ലാ​ണ് മ​ഹാ​ത്മാ ഗാ​ന്ധി​യു​ടെ കാ​ല്‍പാ​ദം ച​രി​ത്ര​ഭൂ​മി​യാ​യ ഇ​രി​ങ്ങാ​ല​ക്കു​ട​യി​ല്‍ പ​തി​ഞ്ഞ​ത്. അ​യി​ത്ത​ത്തി​നും അ​നാ​ചാ​ര​ങ്ങ​ള്‍ക്കു​മെ​തി​രെ ഇ​രി​ങ്ങാ​ല​ക്കു​ട​യി​ല്‍ ആ​രം​ഭി​ച്ച ച​ല​ന​ങ്ങ​ള്‍ക്ക് ആ​ക്കം കൂ​ട്ടി​യ മ​ഹാ​സ​മ്മേ​ള​നം ഇ​ന്ന​ത്തെ ക്രൈ​സ്റ്റ് കോ​ള​ജ് റോ​ഡ്-​കാ​ട്ടൂ​ര്‍ റോ​ഡ് ജ​ങ്ഷ​ന് സ​മീ​പ​ത്തെ ച​ളി​യ​ന്‍ പാ​ട​ത്ത് 1934 ജ​നു​വ​രി​യി​ലാ​ണ് ന​ട​ന്ന​ത്. സ​മ്മേ​ള​ന​ശേ​ഷം വി​ശ്ര​മി​ച്ച​തും ഉ​ച്ച​ഭ​ക്ഷ​ണം ക​ഴി​ച്ച​തും അ​ന്ന​ത്തെ തി​രു​വി​താം​കൂ​ര്‍ സ​ത്ര​മാ​യി​രു​ന്ന ഇ​ന്ന​ത്തെ ഇ​രി​ങ്ങാ​ല​ക്കു​ട പൊ​തു​മ​രാ​മ​ത്ത് റെ​സ്റ്റ് ഹൗ​സി​ലാ​യി​രു​ന്നു. പി​ന്നീ​ട് വ​ര്‍ഷ​ങ്ങ​ള്‍ക്കു​ശേ​ഷം വ​ലി​യ കെ​ട്ടി​ട​മാ​യി റെ​സ്റ്റ് ഹൗ​സ് പു​തു​ക്കി​പ്പ​ണി​തു. ഗാ​ന്ധി​ജി​യു​ടെ സ​ന്ദ​ര്‍ശ​ന​ത്തി​ന്‍റെ ഓ​ർ​മ​ക​ള്‍ പു​തു​ത​ല​മു​റ​ക്ക് ന​ല്‍കു​ക എ​ന്ന ല​ക്ഷ്യ​ത്തോ​ടെ 2016ൽ ​ഇ​വി​ടെ ഗാ​ന്ധി​യു​ടെ പ്ര​തി​മ സ്ഥാ​പി​ച്ചു.