ടി.​ബി സെ​ന്റ​റി​ലേ​ക്കു​ള്ള വൈ​ദ്യു​തി വിഛേ​ദി​ക്കു​മെ​ന്ന് മു​ന്ന​റി​യി​പ്പ്

തൃ​ശൂ​ർ: ജി​ല്ല ടി.​ബി സെ​ന്റ​ർ ഇ​രു​ട്ടി​ലേ​ക്ക്. വൈ​ദ്യു​തി ഫീ​സ് ഇ​ന​ത്തി​ൽ 14 ല​ക്ഷ​ത്തോ​ളം കു​ടി​ശ്ശി​ക​യാ​യ​തോ​ടെ ഇ​വി​ടേ​ക്കു​ള്ള വൈ​ദ്യു​തി വി​ത​ര​ണം വിഛേ​ദി​ക്കു​മെ​ന്ന് കാ​ണി​ച്ച് കോ​ർ​പ​റേ​ഷ​ൻ വൈ​ദ്യു​തി വി​ഭാ​ഗം ക​ത്ത് ന​ൽ​കി. ജി​ല്ല ആ​ശു​പ​ത്രി സൂ​പ്ര​ണ്ടി​ന്റെ പേ​രി​ൽ ത​ന്നെ​യാ​ണ് ജി​ല്ല ടി.​ബി സെ​ന്റ​റി​ലേ​ക്കും വൈ​ദ്യു​തി ക​ണ​ക്ഷ​ൻ ന​ൽ​കി​യി​ട്ടു​ള്ള​ത്. ര​ണ്ട് ന​മ്പ​റു​ക​ളി​ലാ​യി ന​ൽ​കി​യ​തി​ൽ ര​ണ്ടും നാ​ല് വ​ർ​ഷ​ത്തോ​ള​മാ​യി ഒ​രു​രൂ​പ പോ​ലും അ​ട​ക്കാ​തെ കു​ടി​ശ്ശി​ക​യാ​ണ്.

2019 ഏ​പ്രി​ൽ മു​ത​ൽ ഇ​തു​വ​രെ​യു​ള്ള ബി​ല്ലു​ക​ളി​ലാ​യി യ​ഥാ​ക്ര​മം 11,96,079 രൂ​പ​യും, 2,02,601 രൂ​പ​യും അ​ട​ക്കു​വാ​നു​ണ്ടെ​ന്നാ​ണ് വൈ​ദ്യു​തി വി​ഭാ​ഗം ന​ൽ​കി​യ മു​ന്ന​റി​യി​പ്പ് നോ​ട്ടീ​സി​ൽ കാ​ണി​ച്ചി​രി​ക്കു​ന്ന​ത്. നി​ര​വ​ധി ത​വ​ണ കു​ടി​ശ്ശി​ക തു​ക അ​ട​ക്കു​ന്ന​തി​ന് ആ​വ​ശ്യ​പ്പെ​ട്ട് അ​റി​യി​പ്പ് ന​ൽ​കി​യി​ട്ടും ഭീ​മ​മാ​യ കു​ടി​ശ്ശി​ക അ​ട​ക്കാ​ത്ത സാ​ഹ​ച​ര്യ​ത്തി​ൽ വൈ​ദ്യു​തി ക​ണ​ക്ഷ​നു​ക​ൾ വിഛേ​ദി​ക്കു​ന്ന​തി​ന് നി​ർ​ബ​ന്ധി​ത​മാ​യി​രി​ക്കു​ന്നു​വെ​ന്ന് നോ​ട്ടീ​സി​ൽ വ്യ​ക്ത​മാ​ക്കു​ന്നു.

ഇ​തു​മൂ​ല​മു​ണ്ടാ​കു​ന്ന എ​ല്ലാ ക​ഷ്‌​ട​ന​ഷ്‌​ട​ങ്ങ​ൾ​ക്കും വൈ​ദ്യു​തി ബി​ൽ ഒ​ടു​ക്കു​ന്ന ചു​മ​ത​ല​യി​ൽ വീ​ഴ്ച വ​രു​ത്തി​യ സ്ഥാ​പ​ന​മേ​ധാ​വി​ക്ക് മാ​ത്ര​മാ​യി​രി​ക്കും ഉ​ത്ത​ര​വാ​ദി​യെ​ന്നു​മാ​ണ് കു​ടി​ശ്ശി​ക നോ​ട്ടീ​സി​ൽ കോ​ർ​പ​റേ​ഷ​ൻ വൈ​ദ്യു​തി വി​ഭാ​ഗം അ​സി. സെ​ക്ര​ട്ട​റി വ്യ​ക്ത​മാ​ക്കു​ന്ന​ത്. നി​ര​വ​ധി​യാ​ളു​ക​ൾ ആ​ശ്ര​യി​ക്കു​ന്ന​താ​ണ് ജി​ല്ല ടി.​ബി. സെ​ന്റ​ർ. വി​വി​ധ പ​രി​ശോ​ധ​ന​ക​ള​ട​ക്കം ഇ​വി​ടെ ന​ട​ക്കു​ന്നു​ണ്ട്. വൈ​ദ്യു​തി വി​ത​ര​ണം ത​ട​സ്സ​പ്പെ​ട്ടാ​ൽ ഇ​ത​ട​ക്ക​മു​ള്ള​വ​യെ ബാ​ധി​ക്കും.