വ​ട​ക്കാ​ഞ്ചേ​രി ജി​ല്ല ആ​ശു​പ​ത്രി​യി​ൽ മ​ന്ത്രി ഫോ​ൺ വി​ളി​ച്ചി​ട്ടും നി​സ്സ​ഹ​ക​ര​ണം; നേ​രി​ട്ടെ​ത്തി ക​ർ​ശ​ന നി​ർ​ദേ​ശം

വ​ട​ക്കാ​ഞ്ചേ​രി: വ​ട​ക്കാ​ഞ്ചേ​രി ജി​ല്ല ആ​ശു​പ​ത്രി അ​ത്യാ​ഹി​ത​വി​ഭാ​ഗ​ത്തി​ലേ​ക്ക് ആ​രോ​ഗ്യ​മ​ന്ത്രി ഫോ​ൺ വി​ളി​ച്ചി​ട്ടും നി​സ്സ​ഹ​ക​ര​ണം. ഉ​ട​ൻ മ​ന്ത്രി വീ​ണാ ജോ​ർ​ജ് നേ​രി​ട്ടെ​ത്തി അ​ന്വേ​ഷി​ച്ച് ക​ർ​ശ​ന നി​ർ​ദേ​ശ​ങ്ങ​ൾ ന​ൽ​കി. ആ​ശു​പ​ത്രി​യി​ലേ​ക്ക് ഫോ​ൺ ചെ​യ്താ​ൽ എ​ടു​ക്കു​ന്നി​ല്ലെ​ന്ന പ​രാ​തി നി​ല​വി​ലു​ണ്ട്. ഫോ​ണി​ന്റെ റി​സീ​വ​ർ മാ​റ്റി​വെ​ക്ക​ൽ ജീ​വ​ന​ക്കാ​രു​ടെ രീ​തി​യാ​ണെ​ന്നും വി​മ​ർ​ശ​ന​മു​ണ്ട്.

ആ​ശു​പ​ത്രി​യി​ലെ എ​ല്ലാ വി​ഭാ​ഗ​ങ്ങ​ളി​ലും മ​ന്ത്രി സ​ന്ദ​ർ​ശ​നം ന​ട​ത്തി. വി​ക​സ​ന പ്ര​വ​ർ​ത്ത​ന​ങ്ങ​ൾ​ക്ക് പൂ​ർ​ണ പി​ന്തു​ണ പ്ര​ഖ്യാ​പി​ച്ചു. കേ​ര​ള​ത്തി​ലെ പ്ര​ധാ​ന ആ​ശു​പ​ത്രി​ക​ൾ സ​ന്ദ​ർ​ശി​ക്കു​ന്ന​തി​ന്റെ ഭാ​ഗ​മാ​യി​ട്ടാ​ണ് മ​ന്ത്രി എ​ത്തി​യ​ത്. സേ​വ്യ​ർ ചി​റ്റി​ല​പ്പി​ള്ളി എം.​എ​ൽ.​എ​യു​ടെ നേ​തൃ​ത്വ​ത്തി​ൽ നി​ല​വി​ലെ വി​ക​സ​ന പ്ര​വൃ​ത്തി​ക​ൾ വി​ല​യി​രു​ത്തി. നി​ല​വി​ൽ ന​ട​ക്കു​ന്ന​ത് 18.23 കോ​ടി രൂ​പ​യു​ടെ വി​ക​സ​ന പ്ര​വ​ർ​ത്ത​ന​ങ്ങ​ളാ​ണ്. പ്ര​വൃ​ത്തി വൈ​കു​ന്ന​തി​ൽ എം.​എ​ൽ.​എ അ​തൃ​പ്തി പ്ര​ക​ടി​പ്പി​ച്ചു.

കോ​വി​ഡ് പോ​ലു​ള്ള പ​ക​ർ​ച്ച​വ്യാ​ധി​ക​ളു​ടെ ഘ​ട്ട​ത്തി​ൽ പ്ര​ത്യേ​ക ചി​കി​ത്സ​ക്കു​ള്ള പ​ത്ത് കി​ട​ക്ക​ക​ളും അ​നു​ബ​ന്ധ ആ​രോ​ഗ്യ സൗ​ക​ര്യ​ങ്ങ​ളും അ​ട​ങ്ങി​യ ഐ​സൊ​ലേ​ഷ​ൻ വാ​ർ​ഡ് സ​ജ്ജ​മാ​യി. ഓ​ക്സി​ജ​ൻ ജ​ന​റേ​റ്റ​ർ പ്ലാ​ന്റ് നി​ർ​മി​ച്ചു. ശി​ശു​ക്ക​ളി​ലെ വ​ള​ർ​ച്ചാ​വൈ​ക​ല്യ​ങ്ങ​ൾ പ്രാ​രം​ഭ​ഘ​ട്ട​ത്തി​ൽ തി​രി​ച്ച​റി​ഞ്ഞ് വി​ദ​ഗ്ധ ചി​കി​ത്സ ഉ​റ​പ്പു വ​രു​ത്തു​ന്ന ജി​ല്ല​ത​ല പ്രാ​രം​ഭ ഇ​ട​പെ​ട​ൽ കേ​ന്ദ്രം പ്ര​വ​ർ​ത്ത​ന​മാ​രം​ഭി​ച്ചു.

ആ​ശു​പ​ത്രി​യു​ടെ സ​മ​ഗ്ര വി​ക​സ​ന​ത്തി​നു​ള്ള മാ​സ്റ്റ​ർ പ്ലാ​ൻ ജി​ല്ല പ​ഞ്ചാ​യ​ത്ത് അ​നു​വ​ദി​ച്ച പ​ത്തു ല​ക്ഷം രൂ​പ ചെ​ല​വി​ൽ ത​യാ​റാ​ക്കി​യി​ട്ടു​ണ്ട്. നേ​ര​ത്തെ സ്ഥാ​പി​ച്ച ഡ​യാ​ലി​സി​സ് യൂ​നി​റ്റി​ന്റെ പ്ര​വ​ർ​ത്ത​നം ആ​രം​ഭി​ച്ചു. ജി​ല്ല പ​ഞ്ചാ​യ​ത്ത് പ്ര​സി​ഡ​ന്റ് ഡേ​വീ​സ്, ന​ഗ​ര​സ​ഭ ചെ​യ​ർ​മാ​ൻ പി.​എ​ൻ. സു​രേ​ന്ദ്ര​ൻ, മ​റ്റ് ആ​രോ​ഗ്യ വ​കു​പ്പ് ഉ​ദ്യോ​ഗ​സ്ഥ​ർ, എ​ൻ​ജി​നീ​യ​ർ​മാ​ർ, അ​നു​ബ​ന്ധ ഉ​ദ്യോ​ഗ​സ്ഥ​ർ എ​ന്നി​വ​ർ മ​ന്ത്രി​യെ അ​നു​ഗ​മി​ച്ചു.