പന്നിയങ്കര ടോൾ പ്ലാസയിൽ പ്രതിഷേധം കനക്കുന്നു

വ​ട​ക്ക​ഞ്ചേ​രി: വ​ട​ക്ക​ഞ്ചേ​രി- മ​ണ്ണു​ത്തി ദേ​ശീ​യ​പാ​ത പ​ന്നി​യ​ങ്ക​ര ടോ​ൾ പ്ലാ​സ​യി​ൽ വ്യാ​ഴാ​ഴ്ച പ്ര​തി​ഷേ​ധ​ങ്ങ​ളു​ടെ ദി​നം. ലോ​റി​ക​ൾ നി​ർ​ത്തി​യി​ട്ട​തി​നെ തു​ട​ർ​ന്ന് ടോ​ൾ പി​രി​വ് മു​ട​ങ്ങി. പ്ര​ദേ​ശ​വാ​സി​ക​ളി​ൽ​നി​ന്ന് ടോ​ൾ പി​രി​ക്കു​ന്ന​തി​നെ​തി​രെ​യും പ്ര​തി​ഷേ​ധം ഉ​യ​ർ​ന്നു. രാ​വി​ലെ പ്ര​ദേ​ശ​വാ​സി​ക​ൾ​ക്ക് അ​നു​വ​ദി​ച്ച ഇ​ള​വ് പി​ൻ​വ​ലി​ച്ച ക​രാ​ർ ക​മ്പ​നി ടോ​ൾ പി​രി​ക്കാ​ൻ ശ്ര​മം ന​ട​ത്തി. എ​ന്നാ​ൽ, നാ​ട്ടു​കാ​ർ ഒ​ന്നാ​കെ എ​തി​ർ​പ്പു​മാ​യി രം​ഗ​ത്തെ​ത്തി​യ​തോ​ടെ ക​മ്പ​നി പി​ന്മാ​റി. നി​ല​വി​ലെ സ്ഥി​തി തു​ട​രാ​ൻ തീ​രു​മാ​നി​ക്കു​ക​യാ​യി​രു​ന്നു. ബു​ധ​നാ​ഴ്ച ക​ല​ക്ട​റേ​റ്റി​ൽ ചേ​ർ​ന്ന യോ​ഗ​ത്തി​ൽ തീ​രു​മാ​ന​മാ​കാ​ത്ത​തി​നെ തു​ട​ർ​ന്നാ​ണ് പ്ര​ദേ​ശ​വാ​സി​ക​ളി​ൽ​നി​ന്ന് ടോ​ൾ പി​രി​ക്കാ​ൻ തീ​രു​മാ​നി​ച്ച​ത്.

ഇ​തി​നി​ടെ ടോ​റ​സ് ലോ​റി​യി​ൽ​നി​ന്ന് ടോ​ൾ പി​രി​ക്കു​ന്ന​തി​നി​ടെ ലോ​റി​ക​ൾ നി​ർ​ത്തി​യി​ട്ട് പ്ര​തി​ഷേ​ധി​ച്ചു. ടോ​ൾ നി​ര​ക്ക് കു​റ​ക്ക​ണ​മെ​ന്നാ​വ​ശ്യ​പ്പെ​ട്ടാ​യി​രു​ന്നു പ്ര​തി​ഷേ​ധം. ഇ​തോ​ടെ ടോ​ൾ പി​രി​വ് പൂ​ർ​ണ​മാ​യി മു​ട​ങ്ങി. പ​ക​ൽ 11 മു​ത​ൽ തു​ട​ങ്ങി​യ പ്ര​തി​ഷേ​ധം രാ​ത്രി വൈ​കി​യും തു​ട​രു​ക​യാ​ണ്. ഇ​രു​വ​ശ​ത്തു​മാ​യി മു​ന്നൂ​റോ​ളം ലോ​റി​ക​ളാ​ണ് നി​ൽ​ക്കു​ന്ന​ത്. ആ​ല​ത്തൂ​ർ ഡി​വൈ.​എ​സ്.​പി കെ.​എം. ദേ​വ​സ്യ​യു​ടെ നേ​തൃ​ത്വ​ത്തി​ലു​ള്ള പൊ​ലീ​സ് സം​ഘം സ്ഥ​ല​ത്ത് നി​ല​യു​റ​പ്പി​ച്ചി​രു​ന്നു.

സ​മ​ര​ക്കാ​രു​മാ​യി നി​ര​വ​ധി ത​വ​ണ സം​സാ​രി​ച്ചെ​ങ്കി​ലും വ​ഴ​ങ്ങാ​ൻ ത​യാ​റാ​യി​ല്ല. അ​വ​സാ​നം ടോ​ൾ ന​ൽ​കാ​തെ ക​ട​ത്തി​വി​ടാ​മെ​ന്ന് ക​രാ​ർ ക​മ്പ​നി ടോ​റ​സ് ഉ​ട​മ​ക​ളോ​ട് അ​റി​യി​ച്ചെ​ങ്കി​ലും വാ​ഹ​ന​ങ്ങ​ൾ എ​ടു​ത്തി​ല്ല. പ്ര​ശ്ന​ത്തി​ന് ശാ​ശ്വ​ത​മാ​യ പ​രി​ഹാ​രം കാ​ണ​ണ​മെ​ന്നാ​ണ് ഇ​വ​രു​ടെ ആ​വ​ശ്യം. ടോ​ൾ പി​രി​വു​മാ​യി ബ​ന്ധ​പ്പെ​ട്ട് സ്വ​കാ​ര്യ ബ​സു​ക​ളു​ടെ കാ​ര്യ​ത്തി​ലും ഇ​നി​യും തീ​രു​മാ​ന​മാ​യി​ട്ടി​ല്ല.