തെരുവുനായ്ക്കൾ കൂട്​ തകർത്ത്​ ആടുകളെ കൊന്നു

വാ​ടാ​ന​പ്പ​ള്ളി: തെ​രു​വു​നാ​യ്ക്ക​ൾ കൂ​ട് പൊ​ളി​ച്ച് ര​ണ്ട് ആ​ടു​ക​ളെ കൊ​ന്നു. ഗ​ണേ​ശ​മം​ഗ​ലം പ​ടി​ഞ്ഞാ​റ് എം.​എ​ൽ.​എ വ​ള​വി​ന​ടു​ത്ത് പ​ണ്ടാ​ര​ത്തി​ൽ റ​ഷീ​ദി​ന്‍റെ വീ​ട്ടി​ലെ ആ​ടു​ക​ളെ​യാ​ണ് ഞാ​യ​റാ​ഴ്ച രാ​ത്രി കൊ​ന്ന​ത്. വീ​ടി​ന​ടു​ത്തു​ള്ള ആ​ട്ടി​ൻ​കൂ​ടി​ന്‍റെ വാ​തി​ൽ ര​ണ്ടി​ട​ത്ത് ത​ക​ർ​ത്തി​ട്ടു​ണ്ട്. തി​ങ്ക​ളാ​ഴ്ച രാ​വി​ലെ വീ​ട്ടു​കാ​ർ ഉ​ണ​ർ​ന്ന​പ്പോ​ഴാ​ണ് ആ​ടു​ക​ളെ ച​ത്ത നി​ല​യി​ൽ ക​ണ്ട​ത്. രാ​ത്രി നാ​യ്ക്ക​ൾ ക​ടി​പി​ടി കൂ​ടു​ന്ന ശ​ബ്ദം കേ​ട്ട​താ​യി വീ​ട്ടു​കാ​ർ പ​റ​ഞ്ഞു. ക​ഴി​ഞ്ഞ​യാ​ഴ്ച ​പ്ര​ദേ​ശ​ത്തെ ര​ണ്ട്​ വീ​ടു​ക​ളി​ൽ​നി​ന്ന് 54 കോ​ഴി​ക​ളെ നാ​യ്ക്ക​ൾ കൊ​ന്നി​രു​ന്നു. നാ​യ് ശ​ല്യം വ​ർ​ധി​ച്ച​തോ​ടെ നാ​ട്ടു​കാ​ർ ഭീ​തി​യി​ലാ​ണ്.

തെരുവുനായ് ചാടി; സ്കൂട്ടർ മറിഞ്ഞ് യാത്രക്കാരിക്ക്​ പരിക്ക്

തൃപ്രയാർ: തെരുവുനായ് സ്കൂട്ടറി​ന്​ മുന്നിലേക്ക്​ ചാടിയതിനെ തുടർന്ന്​ നിയന്ത്രണംവിട്ട വീണ്​ യാത്രക്കാരിക്ക്​ പരിക്കേറ്റു. ചൂലൂർ കറുപ്പുംവീട്ടിൽ ആലിയക്കാണ്​ (23) പരിക്കേറ്റത്. ഇവരെ ആക്ട്​സ് പ്രവർത്തകർ എങ്ങണ്ടിയൂരിലെ സ്വകാര്യ ആശുപത്രിയിൽ എത്തിച്ചു​. തിങ്കളാഴ്ച രാവിലെ വലപ്പാട് ഗവ. ഹൈസ്കൂൾ മൈതാനത്തിനടുത്താണ്​ സംഭവം.