വാടാനപ്പള്ളിയിൽ കോൺഗ്രസ്‌ നേതാവിന്റെ വീടിനുനേരെ അർധരാത്രി ആക്രമണം

വാ​ടാ​ന​പ്പ​ള്ളി: തെ​ര​ഞ്ഞെ​ടു​പ്പ് ഫലത്തിനു പി​ന്നാ​ലെ വാ​ടാ​ന​പ്പ​ള്ളി​യി​ൽ കോ​ൺ​ഗ്ര​സ്‌ നേ​താ​വി​ന്റെ വീ​ടി​നു നേ​രെ അ​ർ​ധ​രാ​ത്രി ആ​ക്ര​മ​ണം. വാ​ടാ​ന​പ്പ​ള്ളി മ​ണ്ഡ​ലം കോ​ൺ​ഗ്ര​സ്‌ ക​മ്മി​റ്റി മു​ൻ പ്ര​സി​ഡ​ന്റും മ​ത്സ്യ​ത്തൊ​ഴി​ലാ​ളി കോ​ൺ​ഗ്ര​സ്‌ സം​സ്ഥാ​ന സെ​ക്ര​ട്ട​റി​യു​മാ​യ കെ.​വി. സി​ജി​ത്തി​ന്റെ ബീ​ച്ചി​ലെ വീ​ടി​ന് നേ​രെ​യാ​ണ് വെ​ള്ളി​യാ​ഴ്ച പു​ല​ർ​ച്ചെ 2.10 ഓ​ടെ സാ​മൂ​ഹി​ക വി​രു​ദ്ധ​രു​ടെ ആ​ക്ര​മ​ണ​മു​ണ്ടാ​യ​ത്.

വൈ​ദ്യു​തി​ബ​ന്ധം വേ​ർ​പ്പെ​ടു​ത്തി​യ അ​ക്ര​മി​ക​ൾ നാ​ലോ​ളം ജ​ന​ൽ ചി​ല്ലു​ക​ളും മ​റ്റും അ​ടി​ച്ച് ത​ക​ർ​ത്ത് ഭീ​ക​രാ​ന്ത​രീ​ക്ഷം സൃ​ഷ്ടി​ച്ചു. ശ​ബ്ദം കേ​ട്ട് സി​ജി​ത്തും ഭാ​ര്യ അ​ഡ്വ. ര​ശ്മി​യും മ​ക​ൾ ദേ​വ​ന​ന്ദ​യും എ​ഴു​ന്നേ​റ്റ് ബ​ഹ​ളം വെ​ച്ച​തോ​ടെ അ​ക്ര​മി​ക​ൾ കി​ഴ​ക്ക് ഭാ​ഗ​ത്തേ​ക്ക് ഓ​ടി ര​ക്ഷ​പ്പെ​ടു​ക​യാ​യി​രു​ന്നു.

വി​വ​രം അ​റി​യി​ച്ച​തോ​ടെ വാ​ടാ​ന​പ്പ​ള്ളി പൊ​ലീ​സ് എ​ത്തി​യെ​ങ്കി​ലും അ​ക്ര​മി​ക​ളെ ക​ണ്ടെ​ത്താ​ൻ ക​ഴി​ഞ്ഞി​ല്ല. രാ​വി​ലെ വീ​ട്ടു​പ​രി​സ​ര​ത്ത് കാ​ൽ​പ്പാ​ടു​ക​ൾ ക​ണ്ടി​രു​ന്ന​താ​യും സി​ജി​ത്ത് പ​റ​ഞ്ഞു. ഇ​വ​ർ ഉ​റ​ങ്ങി​യി​രു​ന്ന റൂ​മി​ലെ ജ​ന​ൽ ചി​ല്ലു​ക​ൾ​ക്ക് കേ​ടു​പാ​ടി​ല്ല. അ​തി​നാ​ൽ അ​പ​ക​ട​മൊ​ന്നു​മു​ണ്ടാ​യി​ല്ല.

സം​ഭ​വ​ത്തി​ൽ പ്ര​തി​ഷേ​ധി​ച്ച കോ​ൺ​ഗ്ര​സ് മ​ണ്ഡ​ലം ക​മ്മ​റ്റി കു​റ്റ​ക്കാ​ർ​ക്കെ​തി​രെ ശ​ക്ത​മാ​യ ന​ട​പ​ടി​യെ​ടു​ക്ക​ണ​മെ​ന്ന് ആ​വ​ശ്യ​പ്പെ​ട്ടു.

ഡി.​സി.​സി സെ​ക്ര​ട്ട​റി സി.​എം. നൗ​ഷാ​ദ്, ബ്ലോ​ക്ക് ക​മ്മി​റ്റി പ്ര​സി​ഡ​ന്റ് കെ.​എ​സ്. ദീ​പ​ൻ, മ​ഹി​ള കോ​ൺ​ഗ്ര​സ് സം​സ്ഥാ​ന സെ​ക്ര​ട്ട​റി സു​ബൈ​ദ മു​ഹ​മ്മ​ദ്‌, മ​ണ്ഡ​ലം പ്ര​സി​ഡ​ന്റ് എം.​എ. മു​സ്ത​ഫ, ഇ.​ബി. ഉ​ണ്ണി​കൃ​ഷ്ണ​ൻ, എ.​കെ. നൂ​റു​ദ്ദീ​ൻ, സി.​എം. ര​ഘു​നാ​ഥ് എ​ന്നി​വ​ർ സം​ഭ​വ​സ്ഥ​ലം സ​ന്ദ​ർ​ശി​ച്ചു.