Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightThrissurchevron_rightVadanappallychevron_rightസി.പി.എം ബ്രാഞ്ച്...

സി.പി.എം ബ്രാഞ്ച് സെക്രട്ടറിക്ക്​ മർദനം: പ്രതികൾ റിമാൻഡിൽ

text_fields
bookmark_border
സി.പി.എം ബ്രാഞ്ച് സെക്രട്ടറിക്ക്​ മർദനം: പ്രതികൾ റിമാൻഡിൽ
cancel
camera_alt

സി.പി.എം ബ്രാഞ്ച് സെക്രട്ടറിയ ആക്രമിച്ച കേസിൽ റിമാൻഡിലായ പ്രതികൾ

വാടാനപ്പള്ളി: പള്ളിപ്പെരുന്നാൾ ആഘോഷത്തിനിടെ സി.പി.എം വാടാനപ്പള്ളി ആത്മാവ് ബ്രാഞ്ച് സെക്രട്ടറി കൂളത്ത് സതീഷിനെ (47) വീടുകയറി ആക്രമിച്ച് പരിക്കേൽപിച്ച കേസിൽ ഒമ്പതുമാസമായി ഒളിവിൽ കഴിഞ്ഞ നാല്​ പ്രതികൾ കുന്നംകുളം കോടതിയിൽ ഹാജരായി.

ചക്കാണ്ടൻ സിനീഷ്, അയ്യപത്ത് ധനിൽ, വാക്കാട്ട് ജിജിത്ത്, വാക്കാട്ട് യദുകൃഷ്ണ എന്നിവരാണ് കോടതിയിൽ ഹാജരായത്​. ഇവരെ റിമാൻഡ്​ ചെയ്തു. ജനുവരി 29ന് രാത്രി 11.45ഓടെ വൈരാഗ്യത്തെ തുടർന്നായിരുന്നു ആക്രമണം. സെൻറ് സേവിയേഴ്സ് പള്ളി പെരുന്നാളി​െൻറ ഭാഗമായുള്ള ആഘോഷ പരിപാടി കണ്ട് സതിഷ് പള്ളിക്ക് അടുത്തുള്ള വീട്ടിൽ എത്തിയ ഉടനാണ് സംഘമെത്തി സതീഷിനെ ആക്രമിച്ചത്.

തടയാൻ എത്തിയ ഭാര്യക്കും മർദനമേറ്റു. വീടിനും സംഘം കേടുപാടുകൾ വരുത്തി. പ്രദേശവാസികൾ കൂടിയതോടെ ആക്രമികൾ ഓടി രക്ഷപ്പെട്ടു. കേസിൽ ഉൾപ്പെട്ട നിഖിൽ, മഹേഷ് എന്നിവരെ അറസ്​റ്റ്​ ചെയ്തിരുന്നു. മറ്റൊരു പ്രതി വിനോദിനെ രണ്ടാഴ്ച മുമ്പ് ചേറ്റുവയിൽനിന്ന്​ അറസ്​റ്റ്​ ചെയ്​തിരുന്നു.

ഒളിവിൽ കഴിഞ്ഞിരുന്ന സിനീഷ്, ജിജിത്ത്, ധനിൽ, യദുകൃഷ്ണ എന്നിവർ ജാമ്യത്തിനായി സുപ്രീംകോടതിയെ സമീപിച്ചെങ്കിലും ജാമ്യം അനുവദിക്കാതെ കോടതി 14 ദിവസത്തിനുള്ളിൽ കോടതിയിൽ ഹാജരാവാൻ നിർദേശിക്കുകയായിരുന്നു.

Show Full Article
TAGS:cpm branch secretary vadanappally attack 
News Summary - CPM branch secretary attacked: Defendants remanded
Next Story