മുറ്റിച്ചൂർ കൊലപാതക ശ്രമക്കേസിലെ രണ്ടുപേർ അറസ്റ്റിൽ
text_fieldsവിവേക്, അഭിജിത്ത്
തൃപ്രയാർ: രണ്ടംഗ സംഘം മദ്യപകേന്ദ്രമായി ഉപയോഗിച്ചിരുന്ന അടഞ്ഞുകിടന്നിരുന്ന വീട് വൃത്തിയാക്കാനെത്തിയ ഉടമയെയും ബന്ധുവിനെയും കൊലപ്പെടുത്താൻ ശ്രമിച്ച കേസിലെ രണ്ട് പ്രതികളെ വലപ്പാട് പൊലീസ് അറസ്റ്റു ചെയ്തു. തളിക്കുളം ചേർക്കര തുമാട്ട് വീട്ടിൽ വിവേക് (18), ചേർക്കര മുത്താണ്ടശ്ശേരി വീട്ടിൽ അഭിജിത്ത് (18) എന്നിവരാണ് അറസ്റ്റിലായത്. കഴിഞ്ഞ ശനിയാഴ്ച രാത്രി ഏഴരക്ക് വീട്ടുടമ പടിയം പണിക്കവീട്ടിൽ മുഹമ്മദ് അഫാനും (26) ബന്ധു മുഹമ്മദ് റഹീസുമാണ് ആക്രമണത്തിനിരയായത്.
മുറ്റിച്ചൂർ പാലത്തിന് പടിഞ്ഞാറ് രണ്ടുവർഷത്തോളമായി അടഞ്ഞുകിടന്നിരുന്ന വീട് വൃത്തിയാക്കാൻ എത്തിയതായിരുന്നു ഇരുവരും. കരിങ്കല്ല് കൊണ്ട് ഇടിച്ച് കൊലപ്പെടുത്താൻ ശ്രമിച്ചതാണ് കേസ്. പ്രതികൾ സ്ഥിരമായി മദ്യപിക്കാൻ ഉപയോഗിച്ചിരുന്ന വീടായിരുന്നു ഇതെന്ന് പൊലീസ് പറഞ്ഞു. വിവേക് വാടാനപ്പള്ളി പൊലീസ് സ്റ്റേഷനിൽ വധശ്രമ കേസിലെ പ്രതികൂടിയാണ്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.

