ദേശീയ വോളി ചാമ്പ്യൻഷിപ് നയിക്കാൻ തൃപ്രയാറിൽനിന്ന് റിജാസ്

തൃ​പ്ര​യാ​ർ: ഒ​ഡി​ഷ​യി​ലെ ഭു​വ​നേ​ശ്വ​റി​ൽ ന​ട​ക്കു​ന്ന 70ാമ​ത് ദേ​ശീ​യ വോ​ളി​ബാ​ൾ ചാ​മ്പ്യ​ൻ​ഷി​പ്പി​ൽ തൃ​പ്ര​യാ​റി​ൽ​നി​ന്നു​ള്ള കെ.​ആ​ർ. റി​ജാ​സ് കേ​ര​ള പു​രു​ഷ ടീ​മി​നെ ന​യി​ക്കും. മു​ൻ ക്യാ​പ്റ്റ​നും ഇ​ന്ത്യ​ൻ താ​ര​വു​മാ​യ തൃ​പ്ര​യാ​റു​കാ​ര​ൻ കെ.​ജി. രാ​ഗേ​ഷും ടീ​മി​ലു​ണ്ട്. ഇ​രു​വ​രും തൃ​പ്ര​യാ​ർ ടി.​എ​സ്.​ജി.​എ​യു​ടെ സ​മ്മ​ർ ക്യാ​മ്പി​ലൂ​ടെ ഉ​യ​ർ​ന്നു​വ​ന്ന​വ​രാ​ണ്.

വോ​ളി​ബാ​ൾ കോ​ച്ച് പി.​സി. ര​വി​യാ​ണ് വോ​ളി​ബാ​ളി​ന്‍റെ ബാ​ല​പ​ാഠ​ങ്ങ​ൾ പ​ക​ർ​ന്നു ന​ൽ​കി കൈ​പി​ടി​ച്ചു​യ​ർ​ത്തി​യ​ത്. ഒ​മ്പ​താം ക്ലാ​സ് വി​ദ്യാ​ർ​ഥി​യാ​യി​രി​ക്കെ റി​ജാ​സി​നെ ക​ണ്ടെ​ത്തി വോ​ളി​ബാ​ൾ ക്യാ​മ്പി​ലേ​ക്ക് എ​ത്തി​ച്ച​ത് മു​ൻ പൊ​ലീ​സ് താ​രം മ​ജീ​ദ് ആ​ണ്. ഇ​പ്പോ​ൾ കൊ​ച്ചി​യി​ൽ ക​സ്റ്റം​സി​ന്​ വേ​ണ്ടി ക​ളി​ക്കു​ന്ന റി​ജാ​സ് പെ​രി​ങ്ങോ​ട്ടു​ക​ര വ​ട​ക്കും മു​റി ക​ള​ത്തി​പ​റ​മ്പി​ൽ റ​സാ​ക്കി​ന്‍റേ​യും സ​ക്കീ​ന​യു​ടേ​യും മ​ക​നാ​ണ്.

10 ത​വ​ണ ദേ​ശീ​യ വോ​ളി​ബാ​ൾ ചാ​മ്പ്യ​ൻ​ഷി​പ്പി​ൽ പ​ങ്കെ​ടു​ത്തി​ട്ടു​ള്ള രാ​ഗേ​ഷ് നാ​ഷ​ന​ൽ ഗെ​യിം​സി​ലും ഫെ​ഡ​റേ​ഷ​ൻ ക​പ്പി​ലും കേ​ര​ള​ത്തി​നാ​യി ജ​ഴ്സി അ​ണി​ഞ്ഞു. 2011 ലും 2017​ലും ദേ​ശീ​യ വോ​ളി​ബാ​ൾ ചാ​മ്പ്യ​ന്മാ​രാ​യ കേ​ര​ള ടീ​മി​ലെ അം​ഗ​മാ​യി​രു​ന്നു.

ഇ​പ്പോ​ഴ​ത്തെ കേ​ര​ള ടീ​മി​ലെ സീ​നി​യ​ർ താ​ര​മാ​ണ് രാ​ഗേ​ഷ്. തൃ​പ്ര​യാ​ർ കു​രു​ഡി​യാ​റ ഗം​ഗാ​ധ​ര​ന്‍റേ​യും ഷീ​ബ​യു​ടേ​യും മ​ക​നാ​ണ് കെ.​എ​സ്.​ഇ.​ബി താ​ര​മാ​യ കെ.​ജി. രാ​ഗേ​ഷ്. പ​രി​ച​യ​സ​മ്പ​ത്തും യു​വ​ത്വ​വും ചേ​ർ​ന്ന കേ​ര​ള ടീം ​വി​ജ​യ പ്ര​തീ​ക്ഷ​യി​ലാ​ണ്.