മരണത്തിന് മുന്നിലും ഇൻക്വിലാബിന്റെ മുഷ്ടി ഉയർത്തിയ സഖാവ്

തൃ​പ്ര​യാ​ർ: രാ​ജ്യം 74ാമ​ത് റി​പ്പ​ബ്ലി​ക് ദി​നം ആ​ഘോ​ഷി​ക്കു​മ്പോ​ൾ, റി​പ്പ​ബ്ലി​ക്കി​ലെ ആ​ദ്യ ര​ക്ത​സാ​ക്ഷി എ​ന്ന് ക​മ്യൂ​ണി​സ്റ്റു​കാ​ർ അ​വ​കാ​ശ​പ്പെ​ടു​ന്ന സ​ർ​ദാ​ർ ഗോ​പാ​ല​കൃ​ഷ്ണ​ന്റെ ഓ​ർ​മ​ദി​നം​കൂ​ടി​യാ​ണി​ന്ന്.

ക​ർ​ഷ​ക​ന്റെ​യും തൊ​ഴി​ലാ​ളി​ക​ളു​ടെ​യും സാ​ധാ​ര​ണ​ക്കാ​രു​ടെ​യും പ​ര​മാ​ധി​കാ​ര​മ​ല്ല ഇ​തെ​ന്ന് പ്ര​ഖ്യാ​പി​ച്ച് 1950 ജ​നു​വ​രി 26ന് ​ജാ​ഥ ന​യി​ച്ച​തി​ന് പൊ​ലീ​സ് പി​ടി​കൂ​ടി കൊ​ല ചെ​യ്യു​ക​യാ​യി​രു​ന്നു ഈ ​ധീ​ര​നേ​താ​വി​നെ. ബ​ന്ധു​ക്ക​ൾ​ക്കും പാ​ർ​ട്ടി സ​ഖാ​ക്ക​ൾ​ക്കും വി​ട്ടു​കൊ​ടു​ക്കാ​തെ വ​ല​പ്പാ​ട്ടെ ക​ട​പ്പു​റ​ത്ത് സം​സ്ക​രി​ച്ച് മൃ​ത​ദേ​ഹ​ത്തോ​ടു​പോ​ലും പൊ​ലീ​സ് ക്രൂ​ര​ത തു​ട​ർ​ന്നു.

എ​ട​ത്തി​രു​ത്തി കു​മ്പ​ള​പ​റ​മ്പി​ൽ കു​ടും​ബാം​ഗ​മാ​യ ഗോ​പാ​ല​കൃ​ഷ്ണ​ൻ സൈ​ന്യ​ത്തി​ലെ ജോ​ലി ഉ​പേ​ക്ഷി​ച്ചാ​ണ് നാ​ട്ടി​ലെ​ത്തു​ന്ന​ത്. ഇ​തോ​ടെ സ​ർ​ദാ​ർ എ​ന്ന പേ​രി​ൽ അ​റി​യ​പ്പെ​ടാ​ൻ തു​ട​ങ്ങി. തു​ട​ർ​ന്ന് അ​ധ്യാ​പ​ക​നാ​യി ജോ​ലി​യി​ൽ പ്ര​വേ​ശി​ച്ചു. ആ ​മേ​ഖ​ല​യി​ലെ ചൂ​ഷ​ണ​ത്തി​നെ​തി​രെ അ​ധ്യാ​പ​ക​രെ സം​ഘ​ടി​പ്പി​ച്ചു.

സ​മ​ര​ങ്ങ​ൾ ന​ട​ത്തി. ക​ർ​ഷ​ക​രെ​യും തൊ​ഴി​ലാ​ളി​ക​ളെ​യും സം​ഘ​ടി​പ്പി​ച്ചു. അ​ടി​ച്ച​മ​ർ​ത്ത​ലു​ക​ൾ​ക്കെ​തി​രെ മു​ഖ്യ​സം​ഘാ​ട​ക​നാ​യി. സ​ർ​ദാ​റി​ന്റെ വാ​ക്കു​ക​ളും പ്ര​വൃ​ത്തി​യും ജ​ന​മ​ന​സ്സു​ക​ൾ ഏ​റ്റെ​ടു​ത്തു. മ​ണ​പ്പു​റം മേ​ഖ​ല​യി​ൽ ക​മ്യൂ​ണി​സ്റ്റ് പാ​ർ​ട്ടി​യെ ക​രു​ത്തു​റ്റ​താ​ക്കി. സ​ർ​ദാ​ർ മ​ണ​പ്പു​റ​ത്തെ വെ​ള്ള മ​ണ​ൽ​ത്ത​രി​ക​ളെ ചു​വ​പ്പാ​ക്കി മാ​റ്റി​യെ​ന്നാ​ണ് അ​ക്കാ​ല​ത്തു​ള്ള​വ​ർ പ​റ​ഞ്ഞി​രു​ന്ന​ത്.

റി​പ്പ​ബ്ലി​ക് പ്ര​ഖ്യാ​പ​ന​ത്തി​ൽ വി​യോ​ജി​പ്പ് പ്ര​ക​ടി​പ്പി​ച്ച ക​മ്യൂ​ണി​സ്റ്റ് പാ​ർ​ട്ടി നേ​താ​വ് ബി.​ടി. ര​ണ​ദി​വെ അ​വ​ത​രി​പ്പി​ച്ച ക​ൽ​ക്ക​ത്ത തീ​സി​സ് എ​ന്ന പ്ര​മേ​യ​ത്തെ പി​ന്തു​ണ​ച്ചാ​ണ് സ​ർ​ദാ​റി​ന്റെ നേ​തൃ​ത്വ​ത്തി​ൽ പ്ര​ക​ട​നം ന​ട​ത്തി​യ​ത്. ക​മ്യൂ​ണി​സ്റ്റു​കാ​ർ​ക്കെ​തി​രെ ഭീ​ക​ര​മ​ർ​ദ​ന​ങ്ങ​ൾ ന​ട​ന്നി​രു​ന്ന കാ​ല​മാ​യ​തി​നാ​ൽ ചെ​റി​യ സം​ഘ​മാ​ണ് പെ​രി​ഞ്ഞ​നം കു​റ്റി​ല​ക്ക​ട​വി​ൽ​നി​ന്ന് പ്ര​ക​ട​നം ന​ട​ത്തി​യ​ത്.

മ​തി​ല​ക​ത്തെ​ത്തി​യ​പ്പോ​ൾ പൊ​ലീ​സ് ത​ട​ഞ്ഞു. അ​പ്പോ​ഴേ​ക്കും ജാ​ഥ അം​ഗ​ങ്ങ​ളി​ൽ പ​ല​രും ഓ​ടി ര​ക്ഷ​പ്പെ​ട്ടി​രു​ന്നു. ചെ​ങ്കൊ​ടി പി​ടി​ച്ച് ജാ​ഥ ന​യി​ച്ച സ​ർ​ദാ​റി​നെ ആ​ദ്യം പി​ടി​ച്ച പൊ​ലീ​സ് അ​വി​ടെ​നി​ന്നു​ത​ന്നെ മ​ർ​ദ​നം തു​ട​ങ്ങി.

മ​തി​ല​കം പൊ​ലീ​സ് സ്റ്റേ​ഷ​നി​ൽ രാ​ത്രി വ​രെ മ​ർ​ദ​നം തു​ട​ർ​ന്നു. മീ​ശ​യി​ലെ രോ​മ​ങ്ങ​ൾ ദ്വാ​ര​മു​ള്ള നാ​ണ​യ​ത്തി​ൽ ചു​റ്റി ഓ​രോ​ന്നാ​യി വ​ലി​ച്ചെ​ടു​ത്തു. ബൂ​ട്ട് ച​വി​ട്ടി അ​വ​ശ​നാ​ക്കി. തു​ട​ർ​ന്ന് മ​തി​ല​ക​ത്തു​നി​ന്ന് വ​ല​പ്പാ​ട് സ്റ്റേ​ഷ​നി​ലേ​ക്ക് കൊ​ണ്ടു​വ​ന്നു.

വ​രു​ന്ന വ​ഴി​യി​ൽ പൊ​ലീ​സ് വാ​നി​ൽ വെ​ച്ച് തോ​ക്കി​ന്റെ ബ​യ​ണ​റ്റ് ​െന​റു​ക​യി​ൽ കു​ത്തി​യി​റ​ക്കി. അ​വ​സാ​ന ശ്വാ​സം വ​ലി​ച്ചി​റ​ക്കു​ന്ന​തു​വ​രെ സ​ർ​ദാ​ർ ഇ​ൻ​ക്വി​ലാ​ബ് സി​ന്ദാ​ബാ​ദ് എ​ന്നു വി​ളി​ച്ചു​കൊ​ണ്ടേ​യി​രു​ന്നു.

മ​ര​ണം ഉ​റ​പ്പു​വ​രു​ത്തി​യ ശേ​ഷം അ​ർ​ധ​രാ​ത്രി വ​ല​പ്പാ​ട് ക​ട​പ്പു​റ​മാ​യ വ​ട്ട​പ്പ​ര​ത്തി​യി​ൽ കൊ​ണ്ടു​പോ​യി പൊ​ലീ​സു​ത​ന്നെ സം​സ്ക​രി​ച്ചു. നേ​രം പു​ല​ർ​ന്ന​പ്പോ​ൾ സം​സ്ക​രി​ച്ചി​ട​ത്ത് ചെ​ങ്കൊ​ടി നാ​ട്ടി​യ​താ​യി കാ​ണ​പ്പെ​ട്ടു.

സ​ർ​ദാ​റി​നോ​ട് അ​നു​ഭാ​വ​മു​ണ്ടാ​യി​രു​ന്ന പൊ​ലീ​സു​കാ​രി​ൽ ചി​ല​ർ മേ​ല​ധി​കാ​രി​ക​ളു​ടെ ക​ണ്ണു​വെ​ട്ടി​ച്ച് നാ​ട്ടി​യ​താ​യി​രു​ന്നു കൊ​ടി​യെ​ന്ന് പ​റ​യു​ന്നു. ഒ​ളി​ച്ചി​രു​ന്ന് ക​ണ്ട പാ​ർ​ട്ടി സ​ഖാ​ക്ക​ളാ​ണ് കൊ​ടി​കു​ത്തി​യ​തെ​ന്നും പി​ന്നീ​ട് അ​ഭി​പ്രാ​യ​മു​യ​ർ​ന്നു. ക​മ്യൂ​ണി​സ്റ്റ് പാ​ർ​ട്ടി​ക​ൾ ജ​നു​വ​രി 26 സ​ർ​ദാ​ർ ദി​ന​മാ​യി ഇ​ന്നും ആ​ച​രി​ച്ചു​വ​രു​ന്നു​ണ്ട്.

എ​ട​ത്തി​രു​ത്തി​യി​ലെ​യും എ​ട​മു​ട്ട​ത്തെ​യും സ്മാ​ര​ക​മ​ന്ദി​ര​ങ്ങ​ൾ സ​ർ​ദാ​റി​ന്റെ ഓ​ർ​മ​ക​ളു​മാ​യി ഉ​യ​ർ​ന്നു​നി​ൽ​ക്കു​ന്നു. എ​ന്നാ​ൽ, ഇ​ൻ​ക്വി​ലാ​ബി​ന്റെ മു​ഷ്ടി​ചു​രു​ട്ടി സ​ർ​ദാ​ർ ചു​വ​പ്പാ​ക്കി മാ​റ്റി​യ മ​ണ​പ്പു​റം ഏ​ഴു​പ​തി​റ്റാ​ണ്ട് ക​ഴി​ഞ്ഞ​പ്പോ​ൾ കാ​വി​നി​റം അ​ണി​ഞ്ഞ​ു​ക​ഴി​ഞ്ഞു.