സ്റ്റാർട്ട് അപ്പുകളെ സ്​മാർട്ട് ആക്കാൻ പരിശീലനം

തൃശൂർ: കാർഷിക മേഖലയിൽ വേറിട്ട ആശയങ്ങളുള്ളവർക്കും നൂതന സംരംഭം തുടങ്ങാൻ ആഗ്രഹിക്കുന്നവർക്കും അഗ്രിപ്രണർഷിപ്പ് ഓറിയയ​േൻറഷൻ േപ്രാഗ്രാമിലേക്കും (കെ.എ.യു. റെയ്സ്​ 2021), നിലവിൽ സംരംഭം തുടങ്ങിയവർക്ക് പ്രാട്ടോടൈപ്പുകളുടെ വിപുലീകരണത്തിനും വാണിജ്യവത്കരണത്തിനുമായി സ്റ്റാർട്ട് അപ്പ് ഇൻക്യുബേഷൻ േപ്രാഗ്രാമിലേക്കും (കെ.എ.യു. പേസ്​ 2021) കാർഷിക സർവകലാശാല അപേക്ഷ ക്ഷണിച്ചു.

കേന്ദ്ര സർക്കാരി​െൻറകാർഷിക കർഷകക്ഷേമ മന്ത്രാലയത്തിന് കീഴിലുള്ള ആർ. കെ. വി. വൈ റാഫ്ത്താർ പദ്ധതിയുടെ കീഴിലാണ് േപ്രാഗ്രാമുകൾ സംഘടിപ്പിക്കുന്നത്.

കെ.എ.യു. റെയ്സ്​ 2021 േപ്രാഗ്രാമിലേക്ക് തിരഞ്ഞെടുക്കപ്പെടുന്നവർക്ക് രണ്ടു മാസം നീണ്ടു നിൽക്കുന്ന പരിശീലന പരിപാടിയും പരിശീലനം വിജയകരമായി പൂർത്തിയാക്കിയവരിൽ നിന്ന് തിരഞ്ഞെടുക്കുന്നവർക്ക് അഞ്ച്​ ലക്ഷം രൂപ വരെ ഗ്രാൻഡും ലഭിക്കും. കെ.എ.യു. പെയ്സ്​ 2021 േപ്രാഗ്രാമിലേക്ക് തിരഞ്ഞെടുക്കപ്പെടുന്നവർക്ക് േപ്രാട്ടോടൈപ്പുകളുടെ വാണിജ്യവത്കരണത്തിനായുള്ള വിദഗ്ധ മാർഗ നിർദ്ദേശങ്ങളും സാങ്കേതിക സാമ്പത്തിക സഹായവും അഗ്രിബിസിനസ്സ് ഇൻക്യൂബേഷൻ സൗകര്യം ഉപയോഗപ്പെടുത്തുവാനുള്ള അവസരവും ഉണ്ടാകും.

വിവിധ ഘട്ട സ്​ക്രീനിങ്ങുകൾക്കു ശേഷം തിരഞ്ഞെടുക്കപ്പെടുന്ന സ്റ്റാർട്ട് അപ്പുകൾക്ക് പരമാവധി 25 ലക്ഷം രൂപ വരെ ഗ്രാൻഡും നൽകും. കൂടുതൽ വിവരങ്ങൾക്ക് www.kau.in അല്ലെങ്കിൽ rabi.kau.in എന്ന വെബ്സൈറ്റ് സന്ദർശിക്കുക അപേക്ഷ സ്വീകരിക്കുന്ന അവസാന തീയ്യതി 31.05.2021. ഫോൺ നമ്പർ. 7899423314/9496987073/0487 243 8331/0487 243 8332