വി​നോ​ദ​സ​ഞ്ചാ​രി​ക​ൾ​ക്ക്​ മ​ർ​ദ​നം: പ്ര​തി​ക​ൾ​ക്കെ​തി​രെ ന​ട​പ​ടി​യെ​ടു​ത്തി​ല്ല

അ​തി​ര​പ്പി​ള്ളി: മ​ല​ക്ക​പ്പാ​റ​യി​ലെ ഹോ​ട്ട​ലി​ൽ വി​നോ​ദ​സ​ഞ്ചാ​രി​ക​ളെ മ​ർ​ദി​ച്ച സം​ഭ​വ​ത്തി​ൽ പ്ര​തി​ക​ൾ​ക്കെ​തി​രെ പൊ​ലീ​സ് ന​ട​പ​ടി​യെ​ടു​ത്തി​ല്ലെ​ന്ന് പ​രാ​തി. വി​നോ​ദ​സ​ഞ്ചാ​രി​ക​ൾ ഇ​ത​ര ജി​ല്ല​ക്കാ​രും ഹോ​ട്ട​ലു​ട​മ പ്ര​ദേ​ശ​വാ​സി​യും ആ​യ​തി​നാ​ൽ പൊ​ലീ​സ് പ​ക്ഷ​പാ​തം കാ​ട്ടു​ന്ന​താ​യാ​ണ് ആ​രോ​പ​ണം. ഞാ​യ​റാ​ഴ്ച ഉ​ച്ച​തി​രി​ഞ്ഞ്​ റോ​പ്പു​മ​ട്ട​ത്തെ ഹോ​ട്ട​ലി​ലാ​യി​രു​ന്നു​ സം​ഭ​വം.

ഭ​ക്ഷ​ണം ക​ഴി​ക്കാ​നെ​ത്തി​യ കോ​ട്ട​യം സ്വ​ദേ​ശി​ക​ളാ​യ ര​ണ്ട് കു​ടും​ബ​ങ്ങ​ൾ​ക്കെ​തി​രെ​യാ​ണ് ക്രൂ​ര​മാ​യ ആ​ക്ര​മ​ണം ന​ട​ന്ന​ത്.ര​ണ്ട് പു​രു​ഷ​ന്മാ​രും ര​ണ്ട് സ്ത്രീ​ക​ളും നാ​ല്​ കു​ട്ടി​ക​ളും അ​ട​ങ്ങു​ന്ന സ​ഞ്ചാ​രി​ക​ളാ​ണ് ജീ​വ​ന​ക്കാ​രു​ടെ ആ​ക്ര​മ​ണ​ത്തി​നി​ര​യാ​യ​ത്. ഭ​ക്ഷ​ണം ക​ഴി​ക്കു​ന്ന സ​മ​യ​ത്തു​ണ്ടാ​യ ത​ർ​ക്ക​ത്തെ തു​ട​ർ​ന്ന് ഹോ​ട്ട​ലു​ട​മ​യും ജീ​വ​ന​ക്കാ​രും വി​നോ​ദ​സ​ഞ്ചാ​രി​ക​ളെ ആ​ക്ര​മി​ക്കു​ക​യാ​യി​രു​ന്നു. പു​രു​ഷ​ന്മാ​രു​ടെ ത​ല​യി​ൽ ഭ​ര​ണി​യെ​ടു​ത്ത് അ​ടി​ച്ചു. ര​ണ്ടു​പേ​രു​ടെ​യും ത​ല​പൊ​ട്ടി ചോ​ര​യൊ​ലി​ച്ചു.

ഒ​രാ​ൾ​ക്ക് ത​ല​യി​ൽ 16 തു​ന്ന​ലാ​ണ് ഇ​ടേ​ണ്ടി വ​ന്ന​ത്. സ്ത്രീ​ക​ളി​ൽ ഒ​രാ​ളു​ടെ കൈ​ക്കും പ​രി​ക്കേ​റ്റു. തു​ട​ർ​ന്ന് ചാ​ല​ക്കു​ടി​യി​ലെ സ്വ​കാ​ര്യ ആ​ശു​പ​ത്രി​യി​ൽ ചി​കി​ത്സ തേ​ടി.ഹോ​ട്ട​ലു​ട​മ​യു​ടെ​യും മ​റ്റും ആ​ക്ര​മ​ണം ഭ​യ​ന്ന് ഇ​വ​ർ നാ​ട്ടി​ലെ ആ​ശു​പ​ത്രി​യി​ലേ​ക്ക് തി​രി​ച്ചു​പോ​വു​ക​യാ​യി​രു​ന്നു. വി​വ​ര​മ​റി​ഞ്ഞ് മ​ല​ക്ക​പ്പാ​റ പൊ​ലീ​സെ​ത്തി​യെ​ങ്കി​ലും ഹോ​ട്ട​ലു​ട​മ​ക്കെ​തി​രെ ന​ട​പ​ടി​യെ​ടു​ത്തി​ല്ല.