മണലിയിൽ ബാരിക്കേഡിൽ തട്ടി സ്കൂട്ടർ മറിഞ്ഞ് യുവതിക്ക് പരിക്ക്

ആ​മ്പ​ല്ലൂ​ർ: ദേ​ശീ​യ​പാ​ത മ​ണ​ലി​യി​ൽ വാ​ഹ​ന പാ​ർ​ക്കി​ങ് ത​ട​യാ​ൻ സ്ഥാ​പി​ച്ച ബാ​രി​ക്കേ​ഡി​ൽ ത​ട്ടി സ്കൂ​ട്ട​ർ മ​റി​ഞ്ഞ് യാ​ത്ര​ക്കാ​രി​ക്ക് പ​രി​ക്കേ​റ്റു. ആ​മ്പ​ല്ലൂ​ർ സ്വ​ദേ​ശി സു​ജ​ക്കാ​ണ് പ​രി​ക്ക്. ത​ല​ക്ക് പ​രി​ക്കേ​റ്റ ഇവരെ തൃ​ശൂ​രി​ലെ സ്വ​കാ​ര്യ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

തി​ങ്ക​ളാ​ഴ്ച വൈ​കീ​ട്ട് മൂ​ന്നോ​ടെ​യാ​ണ് അ​പ​ക​ടം. മ​ണ​ലി​യി​ൽ ദേ​ശീ​യ​പാ​ത​യോ​ര​ത്ത് പ്ര​വ​ർ​ത്തി​ക്കു​ന്ന ത​ട്ടു​ക​ട​ക​ൾ​ക്ക് മു​ന്നി​ൽ അ​ശാ​സ്ത്രീ​യ​മാ​യി ടോ​ൾ ക​മ്പ​നി സ്ഥാ​പി​ച്ച ബാ​രി​ക്കേ​ഡാ​ണ് അ​പ​ക​ട​ത്തി​നി​ട​യാ​ക്കി​യ​ത്. ക​യ​റി​ൽ കോ​ർ​ത്ത ഡ്ര​മ്മു​ക​ൾ​കൊ​ണ്ട് തീ​ർ​ത്ത ബാ​രി​ക്കേ​ഡാ​ണ് സ്ഥാ​പി​ച്ചി​രി​ക്കു​ന്ന​ത്. തൃ​ശൂ​ർ ഭാ​ഗ​ത്ത് നി​ന്ന് ആ​മ്പ​ല്ലൂ​രി​ലേ​ക്ക് വ​ന്നി​രു​ന്ന സ്കൂ​ട്ട​ർ ക​യ​റി​ൽ ത​ട്ടി മ​റി​യു​ക​യാ​യി​രു​ന്നു.

ഒ​രാ​ഴ്ച​ക്കി​ടെ നി​ര​വ​ധി ഇ​രു​ച​ക്ര വാ​ഹ​ന​ങ്ങ​ളാ​ണ് ബാ​രി​ക്കേ​ഡി​ൽ ത​ട്ടി അ​പ​ക​ടം സം​ഭ​വി​ച്ച​തെ​ന്ന് നാ​ട്ടു​കാ​ർ പ​റ​ഞ്ഞു. രാ​ത്രി ത​ട്ടു​ക​ട​യി​ലേ​ക്ക് വ​രു​ന്ന വാ​ഹ​ന​ങ്ങ​ൾ ദേ​ശീ​യ​പാ​ത​യി​ൽ പാ​ർ​ക്ക്‌ ചെ​യ്യു​ന്ന​ത് ത​ട​യു​ന്ന​തി​നാ​ണ് ബാ​രി​ക്കേ​ഡ് സ്ഥാ​പി​ച്ച​തെ​ന്ന് പ​റ​യു​ന്നു. എ​ന്നാ​ൽ ദേ​ശീ​യ​പാ​ത​യി​ൽ നി​ന്ന് സ​ർ​വി​സ് റോ​ഡി​ലേ​ക്ക് പ്ര​വേ​ശി​ക്കു​ന്ന ഭാ​ഗം വ​രെ ക​യ​റു​കെ​ട്ടി ഡ്ര​മ്മു​ക​ൾ നി​ര​ത്തി​യ​തോ​ടെ അ​പ​ക​ട സാ​ധ്യ​ത​യേ​റു​ക​യാ​ണ്. അ​ള​ഗ​പ്പ​ന​ഗ​ർ പ​ഞ്ചാ​യ​ത്തി​ന്റെ ജ​ന​കീ​യ ഹോ​ട്ട​ലും ഇ​വി​ടെ​യാ​ണ്.

അ​തി​നോ​ട് ചേ​ർ​ന്നാ​ണ് രാ​ത്രി​ ത​ട്ടു​ക​ട​ക​ൾ പ്ര​വ​ർ​ത്തി​ക്കു​ന്ന​ത്. ക​യ​ർ കെ​ട്ടി തി​രി​ച്ച​തോ​ടെ വാ​ഹ​ന​പാ​ർ​ക്കി​ങ് സൗ​ക​ര്യ​മി​ല്ലാ​ത്ത​തു​മൂ​ലം ത​ട്ടു​ക​ട​ക​ളി​ൽ ആ​ളു​ക​ൾ എ​ത്തു​ന്നി​ല്ലെ​ന്നാ​ണ് ക​ട​ക്കാ​രു​ടെ പ​രാ​തി. ടോ​ൾ ക​മ്പ​നി അ​ധി​കൃ​ത​ർ ചോ​ദി​ച്ച പ​ണം കൊ​ടു​ക്കാ​ത്ത​തി​ലു​ള്ള പ്ര​തി​കാ​ര​മാ​ണ് മു​ന്നി​ൽ ബാ​രി​ക്കേ​ഡ് തീ​ർ​ത്ത​തെ​ന്നാ​ണ് ത​ട്ടു​ക​ട​ക്കാ​രു​ടെ ആ​രോ​പ​ണം. ബാ​രി​ക്കേ​ഡ് മാ​റ്റി സ്ഥാ​പി​ക്ക​ണ​മെ​ന്നും അ​പ​ക​ട​ങ്ങ​ൾ​ക്കി​ട​യാ​ക്കു​ന്ന വാ​ഹ​ന പാ​ർ​ക്കി​ങ് ത​ട​യാ​ൻ ജീ​വ​ന​ക്കാ​രെ നി​യോ​ഗി​ക്ക​ണ​മെ​ന്നു​മാ​ണ് നാ​ട്ടു​കാ​രു​ടെ ആ​വ​ശ്യം.