പൊ​തു​സ്ഥ​ല​ത്ത് ക​ക്കൂ​സ് മാ​ലി​ന്യം ത​ള്ള​ൽ: മൂ​ന്നു​പേ​ർ പി​ടി​യി​ൽ

എ​രു​മ​പ്പെ​ട്ടി: പൊ​തു​സ്ഥ​ല​ത്ത് ക​ക്കൂ​സ് മാ​ലി​ന്യം ത​ള്ളി​യ സം​ഘ​ത്തി​ലെ മൂ​ന്നു​പേ​ർ പി​ടി​യി​ൽ. അ​ക്കി​ക്കാ​വ് സ്വ​ദേ​ശി​ക​ളാ​യ ത​ട്ടാ​രം​കു​ന്ന​ത്ത് വീ​ട്ടി​ൽ ഷാ​ഹി​ദ് (24), പ്ലാ​ക്ക​ൽ വീ​ട്ടി​ൽ റി​ഷാ​ദ് (22), ആ​ന്ത്പ​റ​മ്പി​ൽ വീ​ട്ടി​ൽ അ​ൻ​ഷാ​ദ് (25) എ​ന്നി​വ​രെ​യാ​ണ് എ​രു​മ​പ്പെ​ട്ടി സ്റ്റേ​ഷ​ൻ എ​സ്.​ഐ​മാ​രാ​യ ടി.​സി. അ​നു​രാ​ജ്, ജ​യ​കു​മാ​ർ എ​ന്നി​വ​ർ ചേ​ർ​ന്ന് അ​റ​സ്റ്റ് ചെ​യ്ത​ത്. പ്ര​തി​ക​ൾ പി​ടി​യി​ലാ​യ​ത​റി​ഞ്ഞ് നാ​ട്ടു​കാ​രും ജ​ന​പ്ര​തി​നി​ധി​ക​ളും പൊ​ലീ​സ് സ്റ്റേ​ഷ​ന് മു​ന്നി​ൽ ത​ടി​ച്ചു​കൂ​ടി.

എ​രു​മ​പ്പെ​ട്ടി ക​രി​യ​ന്നൂ​രി​ലെ ക​ലു​ങ്ക് പാ​ല​ത്തി​ന് സ​മീ​പം ക​ക്കൂ​സ് മാ​ലി​ന്യം ത​ള്ളു​ന്ന​ത് പ​തി​വാ​യ​തി​നെ തു​ട​ർ​ന്ന് നാ​ട്ടു​കാ​ർ നി​രീ​ക്ഷ​ണം ന​ട​ത്തി​വ​രു​ക​യാ​യി​രു​ന്നു. ഞാ​യ​റാ​ഴ്ച പു​ല​ർ​ച്ച ടാ​ങ്ക​ർ ലോ​റി​യി​ൽ മാ​ലി​ന്യം ത​ള്ളു​ന്ന​ത് ശ്ര​ദ്ധ​യി​ൽ​പ്പെ​ട്ട​തി​നെ തു​ട​ർ​ന്ന് നാ​ട്ടു​കാ​ർ ത​ട​യാ​ൻ ശ്ര​മി​ച്ചെ​ങ്കി​ലും സം​ഘം ക​ട​ന്നു​ക​ള​ഞ്ഞു.

അ​മി​ത വേ​ഗ​ത്തി​ൽ പോ​യ ടാ​ങ്ക​ർ ലോ​റി​യെ നാ​ട്ടു​കാ​ർ കാ​റി​ൽ പി​ന്തു​ട​ർ​ന്നെ​ങ്കി​ലും മാ​ലി​ന്യ വാ​ഹ​ന​ത്തി​ന് എ​സ്കോ​ർ​ട്ട് പോ​കു​ന്ന സം​ഘം ബൈ​ക്കി​ലെ​ത്തി കാ​റ് ത​ട​ഞ്ഞു. ടാ​ങ്ക​റി​ലു​ണ്ടാ​യി​രു​ന്ന​വ​ർ മു​ഖം മ​റ​ച്ചി​രു​ന്ന​താ​യി നാ​ട്ടു​കാ​ർ പ​റ​യു​ന്നു. എ​ന്നാ​ൽ, ടാ​ങ്ക​ർ ലോ​റി​യു​ടെ​യും ബൈ​ക്കി​ന്റെ​യും ന​മ്പ​ർ നാ​ട്ടു​കാ​ർ പൊ​ലീ​സി​ന് ന​ൽ​കി​യി​രു​ന്നു. ഇ​തി​ൽ ടാ​ങ്ക​ർ ലോ​റി​യു​ടെ ന​മ്പ​ർ വ്യാ​ജ​മാ​ണെ​ന്ന് അ​ന്വേ​ഷ​ണ​ത്തി​ൽ തെ​ളി​ഞ്ഞു. ബൈ​ക്കി​ന്റെ ന​മ്പ​ർ കേ​ന്ദ്രീ​ക​രി​ച്ച് ന​ട​ത്തി​യ അ​ന്വേ​ഷ​ണ​ത്തി​ലാ​ണ് സം​ഘം പി​ടി​യി​ലാ​യ​ത്. പ്ര​തി​ക​ൾ​ക്ക് സ്റ്റേ​ഷ​നി​ൽ​നി​ന്ന് ജാ​മ്യം അ​നു​വ​ദി​ച്ചു.