വേണം, വൃത്തിയുള്ള ശൗചാലയങ്ങൾ

ആ​രോ​ഗ്യ​ക​ര​മാ​യ ന​ഗ​ര​സം​വി​ധാ​ന​ത്തി​ന് അ​വ​ശ്യ​മാ​ണ് വൃ​ത്തി​യു​ള്ള ശൗ​ചാ​ല​യ​ങ്ങ​ൾ. ത​ദ്ദേ​ശ സ്ഥാ​പ​ന​ങ്ങ​ൾ ന​ട​ത്തി​പ്പ് ക​രാ​ർ ന​ൽ​കു​ന്ന കം​ഫ​ർ​ട്ട് സ്റ്റേ​ഷ​നു​ക​ളി​ലേ​ക്ക് പി​ന്നെ അ​ധി​കാ​രി​ക​ൾ ക​ണ്ണ​യ​ക്കാ​റി​ല്ല. അ​വി​ടെ അ​റ്റ​കു​റ്റ​പ്പ​ണി​യി​ല്ല, അ​തി​ന് ബ​ജ​റ്റി​ൽ തു​ക​പോ​ലും വ​ക​യി​രു​ത്താ​ത്ത ത​ദ്ദേ​ശ സ്ഥാ​പ​ന​ങ്ങ​ളു​മു​ണ്ട്.

പ​ഴ​കി​യ ക്ലോ​സ​റ്റു​ക​ളും പ​രി​ഷ്ക​രി​ക്കാ​ത്ത സെ​പ്റ്റി​ക് ടാ​ങ്കു​ക​ളും അ​ഴു​ക്കു​ചാ​ൽ സം​വി​ധാ​ന​വും പ​രി​സ​ര​ത്തു​നി​ന്ന്​ ആ​ളു​ക​ളെ ആ​ട്ടി​യോ​ടി​ക്കാ​ൻ പോ​ന്ന​താ​ണ്. അ​ടു​ത്തു​ള്ള വ്യാ​പാ​ര​ങ്ങ​ൾ​ക്കും സ്ഥാ​പ​ന​ങ്ങ​ൾ​ക്കും ദു​ർ​ഗ​ന്ധം പ​രീ​ക്ഷ​ണ​മാ​ണ്.

ചാ​വ​ക്കാ​ട്ട്​ ശൗ​ചാ​ല​യം ഒ​രു രാ​ഷ്ട്രീ​യ​പ്ര​ശ്നം

ചാ​വ​ക്കാ​ട്: ന​ഗ​ര​ത്തി​ൽ എ​ത്തു​ന്ന സ്ത്രീ​ക​ൾ​ക്കാ​ണ് ഏ​റെ ദു​രി​തം. ചാ​വ​ക്കാ​ട് ന​ഗ​ര​ത്തോ​ളം പ​ഴ​ക്ക​മു​ണ്ട് ഈ ​ദു​രി​ത​ത്തി​ന്. ഓ​രോ തെ​ര​ഞ്ഞെ​ടു​പ്പു​കാ​ല​ത്തും മു​ഴ​ങ്ങി​ക്കേ​ൾ​ക്കു​ന്ന രാ​ഷ്ട്രീ​യ ആ​യു​ധ​വു​മാ​ണി​ത്. ന​ഗ​ര​സ​ഭ​യു​ടെ ഭ​ര​ണ​പ​ക്ഷ​മോ പ്ര​തി​പ​ക്ഷ​മോ സാ​ധാ​ര​ണ​ക്കാ​രോ വ്യാ​പാ​രി​ക​ളോ ഇ​ക്കാ​ര്യ​ത്തി​ൽ ഭി​ന്നാ​ഭി​പ്രാ​യ​ക്കാ​രു​മ​ല്ല.

ഇ​തി​നെ​ന്താ പ​രി​ഹാ​രം എ​ന്ന ചോ​ദ്യ​ത്തി​ന് ത​ട്ടു​പൊ​ളി​പ്പ​ൻ മ​റു​പ​ടി​യു​ണ്ട്. ഉ​ത്ത​രം മു​ട്ടി​പ്പി​ക്കു​ന്ന ആ ​പ​തി​വ് മ​റു ചോ​ദ്യ​മാ​ണ് ‘അ​തി​ന്​ പ​റ്റി​യ സ്ഥ​ലം എ​വി​ടെ’ എ​ന്ന്. പ​തി​റ്റാ​ണ്ടു​ക​ളാ​യി​ട്ടും അ​തേ ചോ​ദ്യം.

ന​ഗ​ര​ത്തി​ലെ പൊ​ലീ​സ് സ്റ്റേ​ഷ​ൻ, താ​ലൂ​ക്ക് ഓ​ഫി​സ്, ചേ​റ്റു​വ റോ​ഡ്, ഏ​നാ​മാ​ക്കാ​ൽ റോ​ഡ്, ബീ​ച്ച് റോ​ഡ് തു​ട​ങ്ങി ഭാ​ഗ​ത്തെ ബാ​ങ്കു​ക​ൾ, വി​വി​ധ ക​ച്ച​വ​ട സ്ഥാ​പ​ന​ങ്ങ​ൾ, കു​ന്നം​കു​ളം, ഗു​രു​വാ​യൂ​ർ ഭാ​ഗ​ത്തേ​ക്കു​ള്ള ബ​സ് കാ​ത്തി​രി​പ്പു​കേ​ന്ദ്രം എ​ന്നി​വി​ട​ങ്ങ​ളി​ലേ​ക്ക്​ എ​ത്തു​ന്ന​വ​ർ​ക്കാ​ണ് പ്ര​ശ്നം.

ന​ഗ​ര​സ​ഭ ബ​സ് സ്റ്റാ​ൻ​ഡി​ന​ടു​ത്ത്​ വ​ർ​ഷ​ങ്ങ​ളാ​യി പേ ​ആ​ൻ​ഡ് യൂ​സ് കം​ഫ​ർ​ട്ട് സ്റ്റേ​ഷ​ൻ ഇ​പ്പോ​ഴു​മു​ണ്ട്. പൊ​ട്ടി​പ്പൊ​ളി​ഞ്ഞ കെ​ട്ടി​ടം ഉ​ട​ൻ പൊ​ളി​ച്ചു​മാ​റ്റു​മെ​ന്നാ​ണ് ചെ​യ​ർ​പേ​ഴ്സ​ൻ ഷീ​ജ പ്ര​ശാ​ന്ത് പ​റ​യു​ന്ന​ത്. തൊ​ട്ട​ടു​ത്ത് ടേ​ക്ക് എ ​ബ്രേ​ക്ക് പ​ദ്ധ​തി​യി​ൽ ശൗ​ചാ​ല​യം ആ​രം​ഭി​ച്ച​ത് ആ​ശ്വാ​സ​മാ​ണ്.

ചാ​വ​ക്കാ​ട് ന​ഗ​ര​ത്തി​ലെ സ​മ്മേ​ള​ന​ങ്ങ​ൾ സം​ഘ​ടി​പ്പി​ക്കു​ന്ന കൂ​ട്ടു​ങ്ങ​ൽ ച​ത്വ​ര​ത്തി​നു​മു​ന്നി​ലാ​ണ് ഈ ​സം​വി​ധാ​ന​മു​ള്ള​ത്. കോ​ട​തി​യി​ൽ എ​ത്തു​ന്ന​വ​ർ​ക്ക് കോ​ർ​ട്ട് കോം​പ്ല​ക്സി​ലും ക​ട​ൽ കാ​ണാ​നെ​ത്തു​ന്ന​വ​ർ​ക്ക് ബ്ലാ​ങ്ങാ​ട് ബീ​ച്ചി​ലും സൗ​ക​ര്യ​ങ്ങ​ളു​ണ്ട്.