തൃപ്പൂണിത്തുറ സ്​ഫോടനം; പൂരമെത്താനിരിക്കെ തൃശൂരിനും ആശങ്ക

തൃ​ശൂ​ർ: തൃ​പ്പൂ​ണി​ത്തു​റ​യി​ൽ ഉ​ത്സ​വ​ത്തി​നെ​ത്തി​ച്ച പ​ട​ക്ക​ശേ​ഖ​രം പൊ​ട്ടി​ത്തെ​റി​ച്ച് രണ്ടാളുടെ മ​ര​ണ​ത്തി​നും 25 പേ​ർ​ക്ക് പ​രി​ക്കേ​ൽ​ക്കാ​നും ഇ​ട​യാ​യ സം​ഭ​വ​ത്തി​ൽ തൃ​ശൂ​രി​നും ആ​ശ​ങ്ക. പൂ​ര​ത്തി​ന് ര​ണ്ട് മാ​സം മാ​ത്രം ശേ​ഷി​ക്കേ ഇ​തു​മാ​യി ബ​ന്ധ​പ്പെ​ട്ട് ഉ​ണ്ടാ​യേ​ക്കാ​വു​ന്ന കോ​ട​തി, സ​ർ​ക്കാ​ർ നി​ർ​ദേ​ശ​ങ്ങ​ൾ എ​ന്താ​കു​മെ​ന്ന​താ​ണ് തൃ​ശൂ​രി​നെ ആ​ശ​ങ്ക​യി​ലാ​ക്കു​ന്ന​ത്. നി​ല​വി​ൽ തൃ​ശൂ​ർ പൂ​ര​ത്തി​ന് സു​പ്രീം​കോ​ട​തി അ​നു​വ​ദി​ച്ച പ്ര​ത്യേ​ക ഇ​ള​വി​ന്റെ അ​ടി​സ്ഥാ​ന​ത്തി​ലാ​ണ് വെ​ടി​ക്കെ​ട്ട് അ​നു​മ​തി.

കേ​ര​ള​ത്തി​ൽ ന​ഗ​ര​ത്തി​ന് ന​ടു​വി​ൽ വെ​ടി​ക്കെ​ട്ടി​നും വെ​ടി​മ​രു​ന്ന് സൂ​ക്ഷി​ക്കാ​ൻ ക​ഴി​യു​ന്ന സൗ​ക​ര്യ​വു​മു​ള്ള​ത് തൃ​ശൂ​ർ പൂ​ര​ത്തി​ന് മാ​ത്ര​മാ​ണ്. പെ​സോ നി​ർ​ദേ​ശി​ച്ച മാ​ർ​ഗ​നി​ർ​ദേ​ശ​ങ്ങ​ളും സു​ര​ക്ഷാ ക്ര​മീ​ക​ര​ണ​ങ്ങ​ളു​മാ​ണ് തൃ​ശൂ​ർ പൂ​രം വെ​ടി​ക്കെ​ട്ടി​ന് ഇ​ള​വ് ന​ൽ​കാ​നു​ള്ള കാ​ര​ണം. എ​ന്നാ​ൽ വെ​ടി​മ​രു​ന്ന് സ്ഫോ​ട​ന​വു​മാ​യി ബ​ന്ധ​പ്പെ​ട്ട കോ​ട​തി, സ​ർ​ക്കാ​ർ നി​ർ​ദേ​ശ​ങ്ങ​ൾ ഈ ​ഇ​ള​വി​നെ അ​പ്ര​സ​ക്ത​മാ​ക്കും.

തൃ​പ്പൂ​ണി​ത്തു​റ​യി​ലെ സ്ഫോ​ട​ന​ത്തി​ന് സ​മാ​ന​മാ​യി തൃ​ശൂ​രി​നും അ​നു​ഭ​വ​ങ്ങ​ൾ ഏ​റെ​യു​ണ്ട്. 2023 ജ​നു​വ​രി 30നാ​ണ് വ​ട​ക്കാ​ഞ്ചേ​രി കു​ണ്ട​ന്നൂ​രി​ൽ വെ​ടി​മ​രു​ന്ന് നി​ർ​മാ​ണ ശാ​ല​യി​ൽ അ​പ​ക​ട​മു​ണ്ടാ​യി പാ​ല​ക്കാ​ട് സ്വ​ദേ​ശി മ​രി​ച്ച​ത്. ജോ​ലി സ​മ​യം ക​ഴി​ഞ്ഞ് തൊ​ഴി​ലാ​ളി​ക​ൾ കു​ളി​ക്കാ​നാ​യി പു​റ​ത്തി​റ​ങ്ങി​യ​പ്പോ​ഴാ​യി​രു​ന്നു സ്ഫോ​ട​ന​മെ​ന്ന​തി​നാ​ലാ​ണ് മ​ര​ണം ഒ​ന്നി​ലൊ​തു​ങ്ങി​യ​ത്. 2017ലാ​ണ് ഇ​വി​ടെ ത​ന്നെ വെ​ടി​ക്കെ​ട്ട് സാ​മ​ഗ്രി​ക​ൾ പൊ​ട്ടി​ത്തെ​റി​ച്ച് കു​ണ്ട​ന്നൂ​ർ ആ​ന​ന്ദ​ന്റെ വീ​ട് ത​ക​ർ​ന്ന​ത്. 2004ൽ ​പൂ​രം വെ​ടി​ക്കെ​ട്ടി​നി​ട​യി​ലു​ണ്ടാ​യ അ​പ​ക​ട​ത്തി​ലാ​ണ് തി​രു​വ​മ്പാ​ടി വി​ഭാ​ഗ​ത്തി​ന്റെ ക​രാ​റു​കാ​ര​ൻ സു​ന്ദ​ര​ന്റെ മ​ര​ണം. 2006ൽ ​മ​റ്റൊ​രു പൂ​ര​ക്കാ​ല​ത്ത് സാ​മ്പി​ളി​ന് മൂ​ന്ന് ദി​വ​സം മു​മ്പ് പാ​ടൂ​ക്കാ​ട് പാ​റ​മേ​ക്കാ​വി​ന്റെ വെ​ടി​ക്കെ​ട്ട് നി​ർ​മാ​ണ​ശാ​ല​യി​ലെ സ്ഫോ​ട​ന​ത്തി​ൽ എ​ട്ട് പേ​രാ​ണ് മ​രി​ച്ച​ത്. ദു​ര​ന്ത​ങ്ങ​ൾ​ക്ക് ശേ​ഷം ക​ർ​ശ​ന പ​രി​ശോ​ധ​ന​ക​ളോ​ടെ​യും നി​രീ​ക്ഷ​ണ​ത്തോ​ടെ​യു​മാ​ണ് തൃ​ശൂ​ർ പൂ​രം വെ​ടി​ക്കെ​ട്ട് ന​ട​ക്കു​ന്ന​ത്.

വെ​ടി​ക്കെ​ട്ടു​ക​ൾ​ക്ക് പ്രാ​ധാ​ന്യ​മു​ള്ള തൃ​ശൂ​ർ, ഉ​ത്രാ​ളി​ക്കാ​വ് പൂ​രം അ​ട​ക്കം ന​ട​ക്കാ​നി​രി​ക്കു​ക​യാ​ണ്. തൃ​ശൂ​രി​ലേ​ക്കും വെ​ടി​മ​രു​ന്നും വെ​ടി​ക്കെ​ട്ട് സാ​മ​ഗ്രി​ക​ളും എ​ത്തു​ന്ന​ത് ത​മി​ഴ്നാ​ട്ടി​ൽ നി​ന്നും പാ​ല​ക്കാ​ട്ടു​നി​ന്നു​മാ​ണ്. തൃ​പ്പൂ​ണി​ത്തു​റ അ​പ​ക​ട സാ​ഹ​ച​ര്യ​ത്തി​ൽ ഇ​വി​ട​ങ്ങ​ളി​ൽ പ​രി​ശോ​ധ​ന തു​ട​ങ്ങി​യി​ട്ടു​ണ്ട്.