തൃശൂർ പൂരം: വടക്കുനാഥനെ കാണാൻ ഘടകപൂരങ്ങള​ുടെ വരവ്​ തുടങ്ങി

തൃശൂർ: മ​ഹാ​മാ​രി​ക്കാ​ല​ത്തെ 'കാ​ണാ​പ്പൂ​ര'​ത്തി​ലേ​ക്ക്​ വ​ട​ക്കു​ന്നാ​ഥ​െൻറ തെ​ക്കേ ഗോ​പു​ര​വാ​തി​ൽ തു​റ​ന്നു. കൊ​ട്ടി​യ​ട​ച്ച ന​ഗ​ര​ത്തി​ൽ, കാ​ഴ്​​ച​ക്കാ​രി​ല്ലാ​തെ പൂ​രാ​ഘോ​ഷം തുടങ്ങി.

30 മ​ണി​ക്കൂ​ർ ആ​ന​ച്ചൂ​രും മേ​ള​പ്പെ​രു​ക്ക​ങ്ങ​ളും ഗ​ന്ധ​ക​മ​ണ​വും അ​ലി​ഞ്ഞൊ​ഴു​കു​ന്ന ആ​ൾ​ത്തി​ര​ക്കും സാ​ക്ഷി​യാ​വാ​റു​ള്ള ന​ഗ​രം അ​തൊ​ന്നു​മി​ല്ലാ​ത്തൊ​രു പൂ​ര​ത്തി​ന്​ വേ​ദി​യാ​വു​ന്ന അ​പൂ​ർ​വ​ത​യാ​ണ്​ അരങ്ങേറുന്നത്​.

വെ​ള്ളി​യാ​ഴ്​​ച ഘടകപൂരങ്ങളുടെ വരവ്​ തുടങ്ങി. തെ​ക്കേ ഗോ​പു​ര വാ​തി​ലി​ലൂ​ടെ ഘ​ട​ക​പൂ​ര​ങ്ങ​ളി​ൽ ആ​ദ്യ​മാ​യി ക​ണി​മം​ഗ​ലം ശാ​സ്താ​വാണ്​ വ​ട​ക്കു​ന്നാ​ഥ​നി​ൽ പ്ര​വേ​ശി​ക്കുന്നത്​. പ്ര​ധാ​ന പ​ങ്കാ​ളി ക്ഷേ​ത്ര​മാ​യ തി​രു​വ​മ്പാ​ടി​ക്കും ഘ​ട​ക​പൂ​ര​ങ്ങ​ൾ​ക്കും ഒ​രാ​ന​യും വാ​ദ്യ​ക്കാ​രും ദേ​ശ​ക്കാ​രു​മ​ട​ക്കം 50 പേ​ർ​ക്ക്​ മാ​ത്ര​മാ​ണ് അ​നു​മ​തി. പ്ര​സി​ദ്ധ​മാ​യ മ​ഠ​ത്തി​ലേ​ക്കു​ള്ള യാ​ത്ര​യും മ​ഠ​ത്തി​ല്‍നി​ന്നു​ള്ള വ​ര​വും പേ​രി​ന് മാ​ത്രമായിരിക്കും.

തെ​ക്കോ​ട്ടി​റ​ക്ക​ത്തി​നൊ​ടു​വി​ല്‍ തി​രു​വ​മ്പാ​ടി​ക്ക് കു​ട​മാ​റ്റ​മി​ല്ല. പാ​റ​മേ​ക്കാ​വി​െൻറ പൂ​ര​ത്തി​ല്‍ 15 ആ​ന​ക​ളു​ണ്ടാ​കും. പാ​റ​മേ​ക്കാ​വ്​ പൂ​രം കി​ഴ​ക്കേ ഗോ​പു​രം വ​ഴി വ​ട​ക്കു​ന്നാ​ഥ​നി​ലേ​ക്ക്​ ക​ട​ന്നാ​ൽ ഇ​ല​ഞ്ഞി​ത്ത​റ മേ​ള​മാ​യി. പി​ന്നീ​ടാ​ണ്​ തെ​ക്കോ​ട്ടി​റ​ക്കം. കു​ട​മാ​റ്റം പ്ര​ദ​ര്‍ശ​ന​ത്തി​ലൊ​തു​ക്കും. രാ​ത്രി ഇ​രു​വി​ഭാ​ഗ​വും വെ​ടി​ക്കെ​ട്ടി​ന് തി​രി കൊ​ളു​ത്തും. ശ​നി​യാ​ഴ്​​ച ഉ​ച്ച​യോ​ടെ ശ്രീ​മൂ​ല​സ്ഥാ​ന​ത്ത് ഉ​പ​ചാ​രം ചൊ​ല്ലി​പ്പി​രി​യ​ലും ച​ട​ങ്ങി​ലൊ​തു​ങ്ങും.

കോ​വി​ഡ് ആ​ശ​ങ്ക​യി​ലും ന​ഗ​രം ഉ​ത്സ​വ പ്ര​തീ​തി​യി​ലാ​ണ്. വ​ൻ സു​ര​ക്ഷ​യാ​ണ് പൊ​ലീ​സ്​ ഒ​രു​ക്കി​യി​രി​ക്കു​ന്ന​ത്. കോ​വി​ഡ് വ്യാ​പ​ന സാ​ഹ​ച​ര്യ​ത്തി​ൽ പൂ​ര​പ്പ​റ​മ്പി​ലേ​ക്ക് മാ​ത്ര​മ​ല്ല, പൂ​ര​ന​ഗ​രി​യാ​യ തൃ​ശൂ​രി​ലേ​ക്കും ജ​ന​ങ്ങ​ൾ​ക്ക് പ്ര​വേ​ശ​ന​മി​ല്ല. തൃ​ശൂ​രി​ൽ പ്രാ​ദേ​ശി​ക അ​വ​ധി പ്ര​ഖ്യാ​പി​ച്ചി​ട്ടു​ണ്ട്.