ആകാശപ്പൂരത്തിന് ഇന്ന് സാമ്പിൾ; ആദ്യം പാറമേക്കാവ് തിരികൊളുത്തും

തൃശൂര്‍: ഒരുക്കങ്ങളെല്ലാം പൂർത്തിയായി. കാത്തിരുന്ന ആകാശപ്പൂരത്തിന്‍റെ സാമ്പിൾ ഞായറാഴ്ചയാണ്. പൂരം നാളിലെ പുലർച്ചയിലെ വെടിക്കെട്ടിന്‍റെ അത്ഭുതങ്ങൾ സാമ്പിൾ വെടിക്കെട്ടിലും കാണാമെന്നാണ് കരാറുകാരുടെ അവകാശവാദം. വൈകീട്ട് ഏഴിന് പാറമേക്കാവ് വിഭാഗം ആദ്യം തിരികൊളുത്തും. പിന്നാലെ തിരുവമ്പാടിയും. ഇരുവിഭാഗങ്ങളും വെടിക്കോപ്പുകൾ സജ്ജമാക്കി തേക്കിന്‍കാട് മൈതാനിയിലെ കാബിനുകളിലേക്ക് മാറ്റിത്തുടങ്ങി.

ശനിയാഴ്ച രാവിലെ എക്സ്പ്ലോസീവ് വിഭാഗം വെടിമരുന്നുകളുടെ സാമ്പിളുകൾ ശേഖരിച്ചു. വെടിക്കെട്ട് നടക്കുന്ന തേക്കിൻകാട്ടിലെ സൗകര്യങ്ങളും പരിശോധിച്ചു. കര്‍ശന നിയന്ത്രണങ്ങളോടെയാണ് ഇത്തവണയും സാമ്പിള്‍ വെടിക്കെട്ട്. പൊതുജനങ്ങള്‍ക്ക് സ്വരാജ് റൗണ്ടിലേക്ക് പ്രവേശനമില്ല. റൗണ്ടിലേക്കെത്തുന്ന ഇടറോഡുകളില്‍നിന്നു വേണം സാമ്പിളും പ്രധാന വെടിക്കെട്ടും കാണാന്‍. ശബ്ദനിയന്ത്രണം കര്‍ശനമായി പാലിച്ചാണ് ഇരുകൂട്ടരും സാമ്പിളും വെടിക്കെട്ടും നടത്തുന്നത്. ഡൈന പൂര്‍ണമായും ഒഴിവാക്കിയതായും പെസോയുടെ നിർദേശങ്ങൾ പാലിച്ചാണ് കൂട്ടുകളെന്നും കരാറുകാര്‍ പറഞ്ഞു.

സാമ്പിള്‍ വെടിക്കെട്ടിനോടനുബന്ധിച്ച് നഗരത്തില്‍ ഗതാഗതനിയന്ത്രണവും ഏര്‍പ്പെടുത്തി പൊലീസ് മാർഗനിർദേശങ്ങൾ പുറപ്പെടുവിച്ചിട്ടുണ്ട്. മഴ മാറി നില്‍ക്കുന്നതിനാല്‍ സാമ്പിളിന്‍റെ ഒരുക്കങ്ങള്‍ തേക്കിന്‍കാടില്‍ പുരോഗമിക്കുകയാണ്. തിരുവമ്പാടിക്കു വേണ്ടി വെടിക്കെട്ടൊരുക്കുന്ന വടക്കാഞ്ചേരി കുണ്ടന്നൂര്‍ പന്തലങ്ങാട്ട് വീട്ടില്‍ സുരേഷിന്‍റെ ഭാര്യ എം.എസ്. ഷീനയും പാറമേക്കാവിനു വേണ്ടി വെടിക്കെട്ട് വിസ്മയം തീര്‍ക്കാനൊരുങ്ങുന്ന വരന്തരപ്പിള്ളി സ്വദേശി പി.സി. വര്‍ഗീസും ഇതാദ്യമായാണ് തൃശൂര്‍ പൂരം വെടിക്കെട്ടിന് കരാറേറ്റെടുത്തിരിക്കുന്നത്.

ഒരുക്കം വിലയിരുത്തി മന്ത്രി രാജന്‍

തൃശൂർ: രണ്ടു വര്‍ഷത്തെ ഇടവേളക്കു ശേഷം പൂരം അതിന്റെ പ്രൗഢിയിലേക്ക് തിരിച്ചുവരുകയാണെന്നും ലോകത്തെ വിസ്മയിപ്പിക്കുന്ന നിരവധി ഘടകങ്ങളുള്ള പൂരം ലോക ടൂറിസം ഭൂപടത്തിലേക്ക് കടന്നുവരുന്നതായും റവന്യൂ മന്ത്രി കെ. രാജന്‍. വലിയ ജനസഞ്ചയത്തെയാണ് പൂരത്തിന് പ്രതീക്ഷിക്കുന്നത്. മതസൗഹാര്‍ദത്തിന്റ ഏറ്റവും ഉത്തമ ഉദാഹരണം കൂടിയാണ് തൃശൂര്‍ പൂരമെന്നും മന്ത്രി പറഞ്ഞു. പൂരത്തിന് മുന്നോടിയായി എട്ട് ഘടക ക്ഷേത്രങ്ങളിലെ ഒരുക്കങ്ങള്‍ വിലയിരുത്താനെത്തിയതായിരുന്നു മന്ത്രി. മന്ത്രിക്കൊപ്പം എം.എല്‍.എമാരായ പി. ബാലചന്ദ്രന്‍, സേവ്യര്‍ ചിറ്റിലപ്പള്ളി, കലക്ടര്‍ ഹരിത വി. കുമാര്‍ എന്നിവരും ക്ഷേത്രസന്ദര്‍ശനത്തില്‍ പങ്കെടുത്തു.

കുറ്റൂര്‍ നെയ്തലക്കാവ്, മുതുവറ ചൂരക്കോട്ട്കാവ്, അയ്യന്തോള്‍ കാര്‍ത്യായനി ഭഗവതി ക്ഷേത്രം, ലാലൂര്‍ കാര്‍ത്യായനി ക്ഷേത്രം, കണിമംഗലം ശാസ്താവ്, കാരമുക്ക് ഭഗവതി ക്ഷേത്രം, ചെമ്പൂക്കാവ് കാര്‍ത്യായനി ഭഗവതി ക്ഷേത്രം, കിഴക്കുംപാട്ടുകര പനമുക്കമ്പിള്ളി ശ്രീധര്‍മശാസ്താ ക്ഷേത്രം എന്നിവിടങ്ങളിലാണ് മന്ത്രിയും സംഘവും സന്ദർശനം നടത്തി ഒരുക്കങ്ങള്‍ വിലയിരുത്തിയത്. എല്ലായിടത്തും ക്ഷേത്രം ഭാരവാഹികളുടെ നേതൃത്വത്തില്‍ മന്ത്രിയെയും സംഘത്തെയും സ്വീകരിച്ചു.

എല്ലാ പ്രൗഢിയോടെയും നടത്തും -മന്ത്രി രാധാകൃഷ്ണൻ

തൃശൂർ: തൃശൂർ പൂരം ഇക്കുറി എല്ലാ പ്രൗഢിയോടെയും നടത്തുമെന്ന് ദേവസ്വം മന്ത്രി കെ. രാധാകൃഷ്ണൻ. പൂരത്തിന്റെ ഭാഗമായ വെടിക്കെട്ടടക്കം എല്ലാ പരിപാടികളും പൂർണ തോതിൽ നടത്തുന്നതിനുള്ള നടപടികൾ സ്വീകരിക്കാൻ ജില്ല ഭരണകൂടത്തിന് നിർദേശം നൽകിയിട്ടുണ്ടെന്നും അദ്ദേഹം പറഞ്ഞു. വൻ ജനപങ്കാളിത്തമാണ് ഇക്കുറി പ്രതീക്ഷിക്കുന്നത്. അവസാനവട്ട ക്രമീകരണങ്ങൾ, പരിശോധന എന്നിവ നടന്നു വരുകയാണ്. 4000 പൊലീസുകാരെ സുരക്ഷക്കായി നിയോഗിക്കും. പൂരത്തിന്‍റെ സുഗമമായ നടത്തിപ്പിനായി സർക്കാർ എല്ലാ പിന്തുണയും ഉറപ്പു നൽകുന്നതായും ദേവസ്വം മന്ത്രി അറിയിച്ചു.

ഭക്ഷ്യ സുരക്ഷ ഉറപ്പാക്കാൻ കർശന പരിശോധന

തൃശൂർ പൂരത്തോടനുബന്ധിച്ച് ഭക്ഷ്യസുരക്ഷ ഉറപ്പാക്കുന്നതിനായി നഗരത്തിൽ സിവിൽ സപ്ലൈസ് വകുപ്പിന്റെ നേതൃത്വത്തിൽ പരിശോധന കർശനമാക്കി. നഗരത്തിലെ ഹോട്ടലുകൾ, റസ്റ്റാറന്റുകൾ, ബേക്കറികൾ, ശീതളപാനീയ ശാലകൾ എന്നീ സ്ഥലങ്ങളിൽ വിപണനം ചെയ്യുന്ന ഭക്ഷണസാധനങ്ങളുടെ വിലവിവര പട്ടിക പ്രദർശിപ്പിക്കണമെന്നും എഴുതി പ്രദർശിപ്പിച്ചിട്ടുള്ള വിലയേക്കാൾ കൂടുതൽ ഈടാക്കുന്നവരുടെ പേരിൽ ശിക്ഷനടപടികൾ സ്വീകരിക്കുമെന്നും അധികൃതർ അറിയിച്ചു.

ഇതിനായി സിവിൽ സപ്ലൈസ് വകുപ്പിന്റെ നേതൃത്വത്തിൽ നാല് സ്ക്വാഡുകൾ രൂപവത്കരിച്ച് പ്രവർത്തിക്കുന്നുണ്ട്. നഗരത്തിലെ 87 സ്ഥാപനങ്ങൾ സ്ക്വാഡുകൾ പരിശോധിച്ചു. തൃശൂർ താലൂക്ക് സപ്ലൈ ഓഫിസ് കൺട്രോൾ റൂം: 0487 -2331031, 9188527382.

വെടിക്കെട്ട്​ 'കേട്ട്​' കേൾവി കളയേണ്ട; ഇയർ ബഡ്​സ്​ 'ഫയർ' തരും

തൃ​ശൂ​ര്‍: പൂ​ര​ത്തോ​ട​നു​ബ​ന്ധി​ച്ച്​ ന​ട​ക്കു​ന്ന വെ​ടി​ക്കെ​ട്ട്​ ഉ​ൾ​പ്പെ​ടെ​യു​ള്ള ശ​ബ്ദ സം​വി​ധാ​ന​ങ്ങ​ളി​ല്‍നി​ന്ന്​ ചെ​വി​യെ സം​ര​ക്ഷി​ക്കാ​ന്‍ സൗ​ജ​ന്യ ഇ​യ​ര്‍ ബ​ഡ്സ്​ വി​ത​ര​ണ​വു​മാ​യി ഭി​ന്ന​ശേ​ഷി പു​ന​ര​ധി​വാ​സ മേ​ഖ​ല​ക​ളി​ല്‍ സ​ന്ന​ദ്ധ പ്ര​വ​ര്‍ത്ത​നം ന​ട​ത്തു​ന്ന സാ​മൂ​ഹി​ക സം​ഘ​ട​ന​യാ​യ ഫ​യ​ര്‍ (ഫൗ​ണ്ടേ​ഷ​ന്‍ ഫോ​ര്‍ ഇ​ന്റ​ര്‍നാ​ഷ​ന​ല്‍ റീ​ഹാ​ബി​ലി​റ്റേ​ഷ​ന്‍ റി​സ​ര്‍ച്ച് ആ​ന്‍ഡ് എം​പ​വ​ര്‍മെ​ന്റ്). തൃ​ശൂ​രി​ലും പ​രി​സ​ര​ങ്ങ​ളി​ലു​മു​ള്ള ആ​ശു​പ​ത്രി​ക​ളി​ലെ ഹൃ​ദ്രോ​ഗി​ക​ള്‍ ഉ​ൾ​പ്പെ​ടെ​യു​ള്ള​വ​ര്‍ക്കും ന​വ​ജാ​ത ശി​ശു​ക്ക​ള്‍, കു​ട്ടി​ക​ള്‍ എ​ന്നി​വ​ര്‍ക്കു​മാ​ണ് സൗ​ജ​ന്യ​മാ​യി ഇ​യ​ര്‍ ബ​ഡ്സ് ന​ല്‍കു​ന്ന​ത്.

ഉ​യ​ര്‍ന്ന ഡെ​സി​ബ​ലി​ലു​ള്ള ശ​ബ്ദം കേ​ള്‍ക്കു​മ്പോ​ള്‍ ഹൃ​ദ്രോ​ഗി​ക​ള്‍ക്കും ന​വ​ജാ​ത ശി​ശു​ക്ക​ള്‍ക്കും കു​ട്ടി​ക​ള്‍ക്കും ഉ​ണ്ടാ​യേ​ക്കാ​വു​ന്ന ആ​രോ​ഗ്യ പ്ര​ശ്ന​ങ്ങ​ളി​ല്‍നി​ന്ന്​ സം​ര​ക്ഷ​ണം ന​ൽ​കാ​നാ​ണ്​ ഇ​യ​ര്‍ ബ​ഡ്സ് ന​ല്‍കു​ന്ന​ത്. 90 ഡെ​സി​ബ​ലി​ന്​ മു​ക​ളി​ലു​ള്ള ശ​ബ്ദം ക​ര്‍ണ​ത്തി​ന് ഹാ​നി​ക​ര​മാ​ണ്. വാ​ഹ​ന​ങ്ങ​ളി​ല്‍ ഉ​പ​യോ​ഗി​ക്കു​ന്ന നി​രോ​ധി​ക്ക​പ്പെ​ട്ട ഹോ​ണു​ക​ള്‍ അ​ട​ക്ക​മു​ള്ള ശ​ബ്ദ മ​ലി​നീ​ക​ര​ണം മൂ​ലം നി​ര​വ​ധി ആ​രോ​ഗ്യ പ്ര​ശ്ന​ങ്ങ​ള്‍ റി​പ്പോ​ര്‍ട്ട് ചെ​യ്യു​ന്ന സാ​ഹ​ച​ര്യ​ത്തി​ല്‍ ശ​ബ്ദ മ​ലി​നീ​ക​ര​ണ​ത്തി​ല്‍നി​ന്ന്​ മു​ക്ത​മാ​കാ​നും ശ​ബ്ദ​ശു​ചി​ത്വം സം​ബ​ന്ധി​ച്ച ബോ​ധ​വ​ത്ക​ര​ണ​ത്തി​നു​മാ​ണ്​ ഇ​യ​ര്‍ ബ​ഡ്സ് ന​ൽ​കു​ന്ന​ത്.

വി​വി​ധ മേ​ഖ​ല​ക​ളി​ല്‍ നി​ന്നു​ള്ള അ​മി​ത ശ​ബ്ദം മൂ​ലം കേ​ള്‍വി സം​ബ​ന്ധ​മാ​യ പ്ര​ശ്ന​ങ്ങ​ള്‍ രൂ​ക്ഷ​മാ​കു​ന്ന സാ​ഹ​ച​ര്യ​ത്തി​ല്‍ ബോ​ധ​വ​ത്ക​ര​ണ​ത്തി​ലൂ​ടെ മാ​ത്ര​മേ ശ​ബ്ദ​ശു​ചി​ത്വം ഉ​റ​പ്പാ​ക്കാ​നാ​വൂ എ​ന്ന്​ ഫ​യ​ര്‍ ഭാ​ര​വാ​ഹി​ക​ളാ​യ ഡോ. ​സി​ന്ധു വി​ജ​യ​കു​മാ​ര്‍, നി​ര്‍മ​ല്‍കു​മാ​ര്‍, അ​രു​ണ്‍കു​മാ​ര്‍ എ​ന്നി​വ​ര്‍ വാ​ര്‍ത്ത​സ​മ്മേ​ള​ന​ത്തി​ല്‍ പ​റ​ഞ്ഞു.

വി​സ്മ​യ​ക്കാ​ഴ്ച​ക​ളു​ടെ ച​മ​യ​പ്പു​ര​ക​ള്‍ ഇ​ന്ന് തു​റ​ക്കും

• പാ​റ​മേ​ക്കാ​വ് വി​ഭാ​ഗം ച​മ​യ പ്ര​ദ​ർ​ശ​നം അ​ഗ്ര​ശാ​ല​യി​ല്‍; തി​രു​വ​മ്പാ​ടി​യു​ടേ​ത് കൗ​സ്തു​ഭ​ത്തി​ല്‍
• സു​രേ​ഷ്‌​ഗോ​പി​യും മ​ന്ത്രി കെ. ​രാ​ധാ​കൃ​ഷ്ണ​നും ഉ​ദ്ഘാ​ട​ക​ർ

തൃ​ശൂ​ര്‍: പൂ​ര​നാ​ളി​ൽ ക​രി​വീ​ര​ന്മാ​രെ സു​ന്ദ​ര​ന്മാ​രാ​ക്കു​ന്ന ആ​ന​യ​ല​ങ്കാ​ര​ങ്ങ​ളു​ടെ വി​സ്മ​യ​ച്ചെ​പ്പ് 'ച​മ​യ​പ്പു​ര' ഞാ​യ​റാ​ഴ്ച തു​റ​ക്കും. ആ​ന​ച്ചൂ​രും ആ​ന​ച്ചൂ​ടും ത​ട്ടാ​ത്ത മി​ന്നി​ത്തി​ള​ങ്ങു​ന്ന ആ​ന​ച്ച​മ​യ​ങ്ങ​ളു​ടെ അ​ത്ഭു​ത ക​ല​വ​റ​യാ​യി പാ​റ​മേ​ക്കാ​വ് അ​ഗ്ര​ശാ​ല​യും തി​രു​വ​മ്പാ​ടി കൗ​സ്തു​ഭ​വും മാ​റും. പി​ന്നെ ര​ണ്ടു​ദി​വ​സം ച​മ​യ​ക്കാ​ഴ്ച​ക​ള്‍ ക​ണ്ട് ക​ണ്ണും മ​ന​സ്സും നി​റ​ക്കാ​നു​ള്ള പൂ​ര​പ്രേ​മി​ക​ളു​ടെ ഒ​ഴു​ക്കാ​വും. പൂ​ര​നാ​ളി​ലു​ണ്ടാ​യേ​ക്കാ​വു​ന്ന വ​ന്‍ ജ​ന​ത്തി​ര​ക്ക് ക​ണ​ക്കി​ലെ​ടു​ത്താ​ണ് ഇ​ത്ത​വ​ണ തി​രു​വ​മ്പാ​ടി വി​ഭാ​ഗം ച​മ​യ​പ്ര​ദ​ര്‍ശ​നം ര​ണ്ടു ദി​വ​സ​മാ​യി ന​ട​ത്താ​ന്‍ തീ​രു​മാ​നി​ച്ച​ത്.

പാ​റ​മേ​ക്കാ​വി​ന്‍റെ ച​മ​യ​പ്ര​ദ​ര്‍ശ​നം ഞാ​യ​റാ​ഴ്ച രാ​വി​ലെ 10.30ന് ​അ​ഗ്ര​ശാ​ല​യി​ല്‍ ന​ട​നും എം.​പി​യു​മാ​യ സു​രേ​ഷ്‌​ഗോ​പി ഉ​ദ്ഘാ​ട​നം ചെ​യ്യും. തി​രു​വ​മ്പാ​ടി​യു​ടെ പ്ര​ദ​ര്‍ശ​നം ഷൊ​ര്‍ണൂ​ര്‍ റോ​ഡി​ലെ കൗ​സ്തു​ഭം ഓ​ഡി​റ്റോ​റി​യ​ത്തി​ല്‍ ദേ​വ​സ്വം മ​ന്ത്രി കെ. ​രാ​ധാ​കൃ​ഷ്ണ​ന്‍ ഉ​ദ്ഘാ​ട​നം ചെ​യ്യും. മ​ന്ത്രി​മാ​രാ​യ കെ. ​രാ​ജ​ന്‍, ഡോ. ​ബി​ന്ദു എ​ന്നി​വ​രും പ്ര​ദ​ർ​ശ​ന ഉ​ദ്ഘാ​ട​ന ച​ട​ങ്ങു​ക​ളി​ൽ പ​ങ്കെ​ടു​ക്കും. കു​ട​മാ​റ്റ​ത്തി​നാ​യി ഒ​രു​ക്കി​യ സ്‌​പെ​ഷ​ല്‍ കു​ട​ക​ളി​ല്‍ പ​ല​തും ച​മ​യ​പ്ര​ദ​ര്‍ശ​ന​ത്തി​ലു​ണ്ടാ​വും. രാ​ത്രി 10 വ​രെ​യാ​ണ് ച​മ​യ​പ്ര​ദ​ര്‍ശ​നം. പൂ​ര​ത്ത​ലേ​ന്ന് കൂ​ടു​ത​ല്‍ സ​മ​യം പ്ര​ദ​ര്‍ശ​ന​മു​ണ്ടാ​കും.

വ​ര്‍ണ​ക്കു​ട​ക​ളും സ്‌​പെ​ഷ​ല്‍ കു​ട​ക​ളും പീ​ലി​ക്ക​ണ്ണു​ക​ള്‍ വി​ട​ര്‍ത്തി ആ​ല​വ​ട്ട​ങ്ങ​ളും വെ​ണ്‍മു​ടി​യ​ഴ​കാ​യ് വെ​ഞ്ചാ​മ​ര​ങ്ങ​ളും സ്വ​ര്‍ണ​ത്തി​ള​ക്ക​ത്തി​ല്‍ നെ​റ്റി​പ്പ​ട്ട​ങ്ങ​ളും ച​മ​യ​പ്പു​ര​ക​ളി​ൽ ഒ​രു​ക്കു​ന്ന അ​വ​സാ​ന പ്ര​വൃ​ത്തി​ക​ളി​ലാ​ണ് സം​ഘാ​ട​ക​ർ.

വെ​ടി​ക്കെ​ട്ട് കാ​ണാ​ൻ സൗ​ക​ര്യ​മൊ​രു​ക്ക​ണം പൊ​ലീ​സി​ന് ദേ​വ​സ്വ​ങ്ങ​ളു​ടെ ക​ത്ത്

തൃ​ശൂ​ർ: പൂ​ര​ത്തി​ന്റെ സാ​മ്പ്​​ൾ വെ​ടി​ക്കെ​ട്ടി​ന്​ കാ​ണി​ക​ളെ നി​യ​മ​വി​ധേ​യ​മാ​യി സ്വ​രാ​ജ്‌ റൗ​ണ്ടി​ൽ പ്ര​വേ​ശി​പ്പി​ക്കാ​നാ​കു​മെ​ന്ന് ദേ​വ​സ്വ​ങ്ങ​ൾ. പാ​റ​മേ​ക്കാ​വി​ന്റെ സാ​മ്പ്​​ൾ വെ​ടി​ക്കെ​ട്ട് അ​വ​സാ​നി​ക്കു​ന്ന​ത് തേ​ക്കി​ൻ​കാ​ട്ടി​ൽ വി​ദ്യാ​ർ​ഥി കോ​ർ​ണ​റി​നു തൊ​ട്ടു​മു​ന്നി​ലാ​ണ്. മു​മ്പ് ഫി​നി​ഷി​ങ് പോ​യ​ന്റ് മ​ണി​ക​ണ്ഠ​നാ​ൽ ഗ​ണ​പ​തി കോ​വി​ലി​നു പി​റ​കു​വ​ശ​ത്താ​യി​രു​ന്നു. ഇ​ക്കു​റി ഇ​തു​മൂ​ലം കാ​ണി​ക​ൾ​ക്ക് 100 മീ​റ്റ​ർ അ​ക​ല​ത്തി​ൽ സ്വ​രാ​ജ്‌ റൗ​ണ്ടി​ൽ മാ​രാ​ർ​റോ​ഡ് മു​ൻ​വ​ശം മു​ത​ൽ ന​ടു​വി​ലാ​ൽ വ​രെ അ​ണി​നി​ര​ക്കാ​മെ​ന്ന്​ ദേ​വ​സ്വം സെ​ക്ര​ട്ട​റി​യും വെ​ടി​ക്കെ​ട്ട്​ ക​മ്മി​റ്റി ക​ൺ​വീ​ന​റു​മാ​യ ജി. ​രാ​ജേ​ഷ് ചൂ​ണ്ടി​ക്കാ​ട്ടി. ഇ​ക്കാ​ര്യം പൊ​ലീ​സി​നെ അ​റി​യി​ച്ചി​ട്ടു​ണ്ട്. അ​മി​ട്ടു​ക​ൾ പൊ​ട്ടി​ക്കു​ന്ന​ത് ഫി​നി​ഷി​ങ് പോ​യ​ന്റി​ന്റെ പി​റ​കി​ലാ​ണ്. വി​ദ്യാ​ർ​ഥി കോ​ർ​ണ​റി​നു തൊ​ട്ടു പ​ടി​ഞ്ഞാ​റു​ഭാ​ഗ​മാ​ണി​ത്.

അ​തി​നാ​ൽ, 100 മീ​റ്റ​ർ പ​രി​ധി​യി​ൽ കാ​ണി​ക​ളെ അ​നു​വ​ദി​ച്ചാ​ൽ രാ​ഗം തി​യ​റ്റ​റി​നു കി​ഴ​ക്കു​ഭാ​ഗ​ത്ത്​ സ്വ​രാ​ജ്‌ റൗ​ണ്ടി​ലും ജി​ല്ല ആ​ശു​പ​ത്രി പ​രി​സ​രം വ​രേ​യും ജ​ന​ത്തെ അ​നു​വ​ദി​ക്കാ​നാ​കു​മെ​ന്ന്​ ചൂ​ണ്ടി​ക്കാ​ട്ടു​ന്നു. ഇ​ക്കാ​ര്യം പെ​സോ അ​ധി​കൃ​ത​ർ ഇ​ന്ന് വ​രു​ന്ന അ​വ​സ​ര​ത്തി​ൽ ബോ​ധ്യ​പ്പെ​ടു​ത്ത​ണ​മെ​ന്നാ​വ​ശ്യ​പ്പെ​ട്ട് പാ​റ​മേ​ക്കാ​വ് ദേ​വ​സ്വം ക​ത്തു​ന​ൽ​കി. പൊ​ലീ​സ് അ​നു​കൂ​ല നി​ല​പാ​ടെ​ടു​ക്കു​മെ​ന്ന പ്ര​തീ​ക്ഷ​യി​ലാ​ണ് ദേ​വ​സ്വം.

സ​മാ​ന രീ​തി​യി​ൽ തി​രു​വ​മ്പാ​ടി​യു​ടെ ഭാ​ഗ​ത്തും ക്ര​മീ​ക​ര​ണ​ങ്ങ​ൾ വ​രു​ത്തി​യാ​ൽ റൗ​ണ്ടി​ൽ കൂ​ടു​ത​ൽ ഭാ​ഗ​ത്ത് ജ​ന​ക്കൂ​ട്ട​ത്തെ നി​ർ​ത്താ​നാ​കും. സ്വ​രാ​ജ്‌ റൗ​ണ്ടി​ൽ നി​ന്നു വെ​ടി​ക്കെ​ട്ടു കാ​ണാ​ൻ അ​നു​വ​ദി​ക്കാ​ത്ത​ത് വെ​ടി​ക്കെ​ട്ടു പ്രേ​മി​ക​ളെ നി​രാ​ശ​യി​ലാ​ക്കു​ന്നു. റൗ​ണ്ടി​ൽ വ​ള​രെ കു​റ​ച്ചു ഭാ​ഗ​ത്തു മാ​ത്ര​മാ​ണ് നി​ല​വി​ൽ പ്ര​വേ​ശി​പ്പി​ക്കു​ന്ന​ത്. ഇ​ട​വ​ഴി​ക​ൾ അ​ട​ച്ച് ജ​ന​ത്തെ മാ​റ്റി​നി​ർ​ത്തു​ക​യാ​ണ് പ​തി​വ്. ശ​ബ്ദം കു​റ​ച്ച് വ​ർ​ണം കൂ​ട്ടി​യ സാ​ഹ​ച​ര്യ​ത്തി​ൽ ജ​ന​കീ​യ അ​ഭി​പ്രാ​യം കൂ​ടി പ​രി​ഗ​ണി​ക്ക​ണ​മെ​ന്ന് ആ​വ​ശ്യ​മു​യ​ർ​ന്നു.

നഗരത്തിൽ ഇന്ന് ഗതാഗത നിയന്ത്രണം

തൃ​ശൂ​ർ: പൂ​രം സാ​മ്പിൾ വെ​ടി​ക്കെ​ട്ട് ന​ട​ക്കു​ന്ന ഞാ​യ​റാ​ഴ്ച രാ​വി​ലെ മു​ത​ൽ സ്വ​രാ​ജ് റൗ​ണ്ടി​ലും തേ​ക്കി​ൻ​കാ​ട് മൈ​താ​നി​യി​ൽ വെ​ടി​ക്കെ​ട്ട് പ്ര​ദേ​ശ​ത്തും വാ​ഹ​ന പാ​ർ​ക്കി​ങ് അ​നു​വ​ദി​ക്കി​ല്ലെ​ന്ന് പൊ​ലീ​സ് അ​റി​യി​ച്ചു. ഉ​ച്ച​ക്ക് മൂ​ന്നു മു​ത​ൽ സ്വ​രാ​ജ് റൗ​ണ്ടി​ലും സ​മീ​പ റോ​ഡു​ക​ളി​ലും വാ​ഹ​ന ഗ​താ​ഗ​തം നി​യ​ന്ത്രി​ക്കും. വെ​ടി​ക്കെ​ട്ട് തീ​രു​ന്ന​തു​വ​രെ ഒ​രു​ത​ര​ത്തി​ലു​ള്ള വാ​ഹ​ന​ങ്ങ​ൾ​ക്കും റൗ​ണ്ടി​ലേ​ക്ക് പ്ര​വേ​ശ​ന​മു​ണ്ടാ​യി​രി​ക്കു​ക​യി​ല്ല.

തേ​ക്കി​ൻ​കാ​ട് മൈ​താ​നി​യി​ൽ ഫ​യ​ർ​ലൈ​നി​ൽ നി​ന്നും 100 മീ​റ്റ​ർ അ​ക​ല​ത്തി​ൽ മാ​ത്ര​മേ കാ​ണി​ക​ളെ അ​നു​വ​ദി​ക്കു​ക​യു​ള്ളൂ. അ​തി​നാ​ൽ സ്വ​രാ​ജ് റൗ​ണ്ടി​ൽ, നെ​ഹ്റു പാ​ർ​ക്കി​നു മു​ൻ​വ​ശം, ആ​ലു​ക്കാ​സ് ജ്വ​ല്ല​റി, പാ​റ​മേ​ക്കാ​വ്, ആ​ശു​പ​ത്രി ജ​ങ്​​ഷ​ൻ, ഇ​ന്ത്യ​ൻ കോ​ഫി ഹൗ​സ് വ​രെ​യു​ള്ള ഭാ​ഗ​ങ്ങ​ളി​ൽ മാ​ത്ര​മേ, കാ​ണി​ക​ളെ അ​നു​വ​ദി​ക്കൂ. ബാ​ക്കി​യു​ള്ള സ്ഥ​ല​ങ്ങ​ളി​ൽ സ്വ​രാ​ജ് റൗ​ണ്ടി​ലേ​ക്ക് പ്ര​വേ​ശി​ക്കു​ന്ന റോ​ഡു​ക​ൾ വ​രെ മാ​ത്ര​മേ കാ​ണി​ക​ളെ അ​നു​വ​ദി​ക്കൂ. ജീ​ർ​ണാ​വ​സ്ഥ​യി​ലു​ള്ള കെ​ട്ടി​ട​ങ്ങ​ളി​ൽ കാ​ണി​ക​ൾ ക​യ​റു​ന്ന​ത് നി​രോ​ധി​ച്ചു.

നി​ർ​മാ​ണാ​വ​സ്ഥ​യി​ലു​ള്ള​തും ശ​രി​യാ​യി സു​ര​ക്ഷ ക്ര​മീ​ക​ര​ണ​ങ്ങ​ൾ പാ​ലി​ക്കാ​തെ നി​ർ​മി​ച്ച​തു​മാ​യ കെ​ട്ടി​ട​ങ്ങ​ളി​ൽ കാ​ണി​ക​ൾ പ്ര​വേ​ശി​ക്ക​രു​ത്. റോ​ഡ​രി​കി​ൽ വാ​ഹ​ന​ങ്ങ​ൾ നി​ർ​ത്തി​യി​ടാ​തെ സു​ര​ക്ഷി​ത​മാ​യി വാ​ഹ​നം പാ​ർ​ക്കു​ചെ​യ്യാ​വു​ന്ന ഗ്രൗ​ണ്ടു​ക​ളി​ൽ പാ​ർ​ക്ക് ചെ​യ്യ​ണം. ക്ര​മ​സ​മാ​ധാ​ന പാ​ല​ന​ത്തി​നും ഗ​താ​ഗ​ത ക്ര​മീ​ക​ര​ണ​ത്തി​നു​മാ​യി ര​ണ്ട് അ​സി. ക​മീ​ഷ​ണ​റു​ടെ കീ​ഴി​ൽ എ​ട്ട് സെ​ക്ട​റു​ക​ളാ​ക്കി തി​രി​ച്ച് പ്ര​ധാ​ന സ്ഥ​ല​ങ്ങ​ളി​ലെ​ല്ലാം പൊ​ലീ​സു​ദ്യോ​ഗ​സ്ഥ​രെ വി​ന്യ​സി​ച്ചി​ട്ടു​ണ്ട്.

മൊബൈൽ ജാമാവും; 'ഹാമു'കൾ ജാമാവില്ല

തൃ​ശൂ​ർ: എ​ന്ത്​ അ​ത്യാ​വ​ശ്യ​മാ​ണെ​ങ്കി​ലും തൃ​ശൂ​ർ പൂ​ര​ത്തി​ൽ മൊ​ബൈ​ൽ വി​ളി​ച്ചാ​ൽ കി​ട്ടി​ല്ല. വി​വി​ധ മൊ​ബൈ​ൽ ക​മ്പ​നി​ക​ളു​ടെ നെ​റ്റ്​​വ​ർ​ക്ക്​ കൂ​ടു​ത​ൽ പേ​ർ ഉ​പ​യോ​ഗി​ക്കു​ന്ന​തോ​ടെ 'ജാം' ​ആ​കു​ന്ന​താ​ണ്​ കാ​ര​ണം. പൂ​ര​ത്തി​നി​ടെ ദു​ര​ന്ത​മു​ണ്ടാ​യാ​ൽ പൊ​ലീ​സ്, ആ​ശു​പ​ത്രി, ഉ​ദ്യോ​ഗ​സ്ഥ സം​വി​ധാ​ന​ങ്ങ​ൾ പ​ര​സ്പ​രം ബ​ന്ധ​പ്പെ​ടു​ന്ന​ത്​ എ​ങ്ങ​നെ​യാ​ണ്.

'ഹാ​മു​ക​ൾ' എ​ന്ന​താ​ണ്​ മ​റു​പ​ടി. ഈ ​വ​യ​ർ​ലെ​സ്​ സം​വി​ധാ​നം വ​ഴി പൊ​ലീ​സ്​ -റ​വ​ന്യൂ - ആ​രോ​ഗ്യ സം​വി​ധാ​ന​ങ്ങ​ളെ പ​ര​സ്പ​രം ബ​ന്ധി​പ്പി​ക്കാ​ൻ ജി​ല്ല ഭ​ര​ണ​കൂ​ടം ന​ട​പ​ടി സ്വീ​ക​രി​ച്ചു​ക​ഴി​ഞ്ഞു.

റ​വ​ന്യൂ വ​യ​ർ​ലെ​സ്​ സം​വി​ധാ​ന​ത്തി​ന്​ പു​റ​മെ 14 ജി​ല്ല​ത​ല ഓ​ഫി​സ​ർ​മാ​രെ പ​ര​സ്പ​രം ബ​ന്ധി​പ്പി​ച്ച്​ സ​ന്ദേ​ശ​ങ്ങ​ൾ കൈ​മാ​റാ​ൻ ഹാ​മു​ക​ൾ ത​യാ​റാ​യി​ക്ക​ഴി​ഞ്ഞു.

ഇ​ത്ത​ര​ത്തി​ലു​ള്ള 21 ഹാം ​ഓ​​പ​റേ​റ്റ​ർ​മാ​ർ പ്ര​ത്യേ​ക യൂ​നി​ഫോ​മി​ൽ പൂ​ര​ത്തി​ലു​ണ്ടാ​കും. ക​ല​ക്ട​ർ​ക്കും പൊ​ലീ​സ്​ മേ​ധാ​വി​​ക്കു​മൊ​ക്കെ ഇ​വ​രെ കാ​ണാ​നാ​കും. പൂ​ര​ത്തി​ന്​ സ​ജ്ജ​മാ​യ ഹാം ​ഓ​പ​റേ​റ്റ​ർ​മാ​രു​ടെ പ​രേ​ഡ്​ ഞാ​യ​റാ​ഴ്ച വൈ​കീ​ട്ട്​ മൂ​ന്നി​ന്​ ന​ട​ക്കും. തെ​ക്കേ ഗോ​പു​ര ന​ട​ക്ക്​ സ​മീ​പം ഹാം ​പ്ര​വ​ർ​ത്ത​ന​ങ്ങ​ൾ ഏ​കോ​പി​പ്പി​ക്കാ​ൻ ക​ൺ​ട്രോ​ൾ റൂം ​സ​ജ്ജ​മാ​ക്കു​മെ​ന്ന്​ അ​ധി​കൃ​ത​ർ അ​റി​യി​ച്ചു.

പെ​സോ വ​ഴ​ങ്ങു​ന്നി​ല്ല, സ​മ്മ​ർ​ദ​വു​മാ​യി മ​ന്ത്രി​മാ​ർ

തൃ​ശൂ​ര്‍: സു​ര​ക്ഷ ചൂ​ണ്ടി​ക്കാ​ണി​ച്ച് പൂ​രം വെ​ടി​ക്കെ​ട്ടി​ന് സ്വ​രാ​ജ് റൗ​ണ്ടി​ലേ​ക്ക് കാ​ണി​ക​ൾ​ക്ക് പ്ര​വേ​ശ​ന​മി​ല്ല. മ​ന്ത്രി​മാ​രാ​യ കെ. ​രാ​ധാ​കൃ​ഷ്ണ​നും കെ. ​രാ​ജ​നും പെ​സോ​യു​ടെ അ​നു​മ​തി തേ​ടി​യി​രു​ന്നു​വെ​ങ്കി​ലും കാ​ണി​ക​ളെ റൗ​ണ്ടി​ന​ക​ത്തേ​ക്ക് പ്ര​വേ​ശി​പ്പി​ക്കു​ന്ന​ത് അ​നു​വ​ദി​ക്കാ​നാ​വി​ല്ലെ​ന്ന നി​ല​പാ​ടി​ലാ​ണ് അ​ധി​കൃ​ത​ർ. പെ​സോ​യു​ടെ നി​ർ​ദേ​ശ​മ​നു​സ​രി​ച്ച് സു​ര​ക്ഷ ക്ര​മീ​ക​ര​ണ​ങ്ങ​ളൊ​രു​ക്കു​ന്ന പൊ​ലീ​സ് മാ​ർ​ഗ​നി​ർ​ദേ​ശം പു​റ​പ്പെ​ടു​വി​ച്ചു. വെ​ടി​ക്കെ​ട്ട് ന​ട​ക്കു​ന്ന തേ​ക്കി​ന്‍കാ​ട് മൈ​താ​നി​യി​ല്‍ ഫ​യ​ര്‍ലൈ​നി​ല്‍നി​ന്നും 100 മീ​റ്റ​ര്‍ അ​ക​ല​ത്തി​ല്‍ മാ​ത്ര​മേ കാ​ണി​ക​ളെ അ​നു​വ​ദി​ക്കു​ക​യു​ള്ളൂ.

പൂ​രം വെ​ടി​ക്കെ​ട്ടി​ന്‍റെ തീ​വ്ര​ത മു​ൻ വ​ർ​ഷ​ങ്ങ​ളേ​ക്കാ​ൾ വ​ള​രെ​യ​ധി​കം കു​റ​ച്ചി​ട്ടും കാ​ണി​ക​ളെ വെ​ടി​ക്കെ​ട്ട് കാ​ണാ​ന്‍ സ്വ​രാ​ജ് റൗ​ണ്ടി​ലേ​ക്ക് ക​യ​റ്റി നി​ര്‍ത്താ​ത്ത​തി​നെ​തി​രെ വ്യാ​പ​ക പ്ര​തി​ഷേ​ധ​മു​യ​ർ​ന്നി​ട്ടു​ണ്ട്. തീ​രു​മാ​നം പു​നഃ​പ​രി​ശോ​ധി​ക്ക​ണ​മെ​ന്ന ആ​വ​ശ്യ​വും ശ​ക്ത​മാ​യി​ട്ടു​ണ്ട്.