തൃശൂർ പൂരം പ്രദർശനത്തിന് ‘പ്രതിഷേധ’ സമാപനം

തൃ​ശൂ​ർ: തൃ​ശൂ​ർ പൂ​രം പ്ര​ദ​ർ​ശ​ന​ത്തി​ന് ‘പ്ര​തി​ഷേ​ധ’ സ​മാ​പ​നം. പ്ര​ദ​ർ​ശ​ന ന​ഗ​രി​ക്ക് വ​ൻ നി​ര​ക്ക് ത​റ​വാ​ട​ക ഇ​ന​ത്തി​ൽ ഈ​ടാ​ക്കാ​നു​ള്ള കൊ​ച്ചി​ൻ ദേ​വ​സ്വം ബോ​ർ​ഡി​ന്‍റെ​യും പ്ര​ശ്ന പ​രി​ഹാ​ര​ത്തി​ന് സ​ർ​ക്കാ​ർ ത​ല​ത്തി​ലു​ള്ള ഇ​ട​പെ​ട​ൽ ഇ​ല്ലാ​ത്തി​ലുമുള്ള പ്ര​തി​ഷേ​ധ​മാ​യി​രു​ന്നു പ്ര​ദ​ർ​ശ​ന ന​ഗ​രി​യി​ലെ സ​മാ​പ​ന ച​ട​ങ്ങ്.

പ​രി​പാ​ടി​യി​ൽ​നി​ന്ന് പൂ​ര​ത്തി​ന്‍റെ മു​ഖ്യ പ​ങ്കാ​ളി​ക​ളും പൂ​രം പ്ര​ദ​ർ​ശ​ന​ത്തി​ന്‍റെ മു​ഖ്യ സം​ഘാ​ട​ക​രു​മാ​യ പാ​റ​മേ​ക്കാ​വ്-​തി​രു​വ​മ്പാ​ടി ദേ​വ​സ്വം ഭാ​ര​വാ​ഹി​ക​ൾ വി​ട്ടു നി​ന്നു. പ്ര​തി​ഷേ​ധ​മു​ണ്ടെ​ന്ന സൂ​ച​ന​യെ തു​ട​ർ​ന്ന് സ​മാ​പ​നം ഉ​ദ്ഘാ​ട​നം ചെ​യ്യേ​ണ്ട മ​ന്ത്രി കെ.​രാ​ജ​നും പ​ങ്കെ​ടു​ക്കേ​ണ്ട പി.​ബാ​ല​ച​ന്ദ്ര​ൻ എം.​എ​ൽ.​എ​യും നേ​ര​ത്തെ മ​ട​ങ്ങി. കൊ​ച്ചി​ൻ ദേ​വ​സ്വം ബോ​ർ​ഡ് പ്ര​സി​ഡ​ന്‍റ് ഡോ.​എം.​കെ സു​ദ​ർ​ശ​നും പ​ങ്കെ​ടു​ത്തി​ല്ല.

സ​മാ​പ​ന സ​മ്മേ​ള​നം ടി.​എ​ൻ. പ്ര​താ​പ​ൻ എം.​പി ഉ​ദ്ഘാ​ട​നം ചെ​യ്തു. പൂ​രം പ്ര​ദ​ർ​ശ​ന​ത്തി​ന് ഏ​ർ​പ്പെ​ടു​ത്തി​യ ഭീ​മ വാ​ട​ക ദേ​വ​സ്വം ബോ​ർ​ഡ് പു​ന:​പ​രി​ശോ​ധി​ക്ക​ണ​മെ​ന്ന് പ്ര​താ​പ​ൻ ആ​വ​ശ്യ​പ്പെ​ട്ടു. പൂ​രം പ്രോ​ൽ​സാ​ഹി​പ്പി​ക്കു​ന്ന​തി​ന് പ​ക​രം ദു​ർ​ബ​ല​പ്പെ​ടു​ത്തുകയല്ല വേ​ണ്ട​തെ​ന്നും അ​ദ്ദേ​ഹം പ​റ​ഞ്ഞു.

മേ​യ​ർ എം.​കെ. വ​ർ​ഗീ​സ് അ​ധ്യ​ക്ഷ​ത വ​ഹി​ച്ചു. കൊ​ച്ചി​ൻ ദേ​വ​സ്വം ബോ​ർ​ഡ് അം​ഗം എം.​ബി മു​ര​ളീ​ധ​ര​ൻ, കൗ​ൺ​സി​ല​ർ​മാ​രാ​യ പൂ​ർ​ണി​മ സു​രേ​ഷ്, റെ​ജി ജോ​യ്, പ്ര​ദ​ർ​ശ​ന ക​മ്മി​റ്റി പ്ര​സി​ഡ​ൻ​റ് കെ.​ച​ന്ദ്ര​ശേ​ഖ​ര​ൻ, സെ​ക്ര​ട്ട​റി പി.​രാ​ധാ​കൃ​ഷ്ണ​ൻ, വൈ​സ് പ്ര​സി​ഡ​ന്‍റു​മാ​രാ​യ വി.​എ​ൻ.​ഹ​രി, കെ.​സു​രേ​ഷ്, ജോ.​സെ​ക്ര​ട്ട​റി എ.​മോ​ഹ​ൻ​കു​മാ​ർ, ട്ര​ഷ​റ​ർ കെ.​ര​മേ​ഷ് എ​ന്നി​വ​ർ പ​ങ്കെ​ടു​ത്തു.

മി​ക​ച്ച പ​വ​ലി​യ​നു​ക​ൾ​ക്കും സേ​വ​ന​ദാ​താ​ക്ക​ൾ​ക്കു​മു​ള്ള അ​വാ​ർ​ഡു​ക​ളു​ടെ വി​ത​ര​ണ​വും എം.​പി നി​ർ​വ​ഹി​ച്ചു. സാ​ധാ​ര​ണ​യാ​യി പ്ര​ദ​ർ​ശ​നം ഉ​ദ്ഘാ​ട​ന​ത്തി​നും സ​മാ​പ​ന​ത്തി​നും പ്ര​മു​ഖ​രെ സ്വീ​ക​രി​ക്കാ​ൻ ആ​ന​യെ​ഴു​ന്നെ​ള്ളി​പ്പും മേ​ള​വും ഉ​ണ്ടാ​വാ​റു​ണ്ടെ​ന്നി​രി​ക്കെ, ഈ ​വ​ർ​ഷ​ത്തെ സ​മാ​പ​ന​ത്തി​ന് എ​ല്ലാം ഒ​ഴി​വാ​ക്കി.

ത​റ​വാ​ട​ക വി​വാ​ദം പൂ​ര​ത്തി​ന് മു​മ്പേ ഉ​ണ്ടാ​യ​താ​ണെ​ങ്കി​ലും പ്ര​ശ്ന പ​രി​ഹാ​ര​ത്തി​ന് സ​ർ​ക്കാ​ർ ത​ല​ത്തി​ലോ ബോ​ർ​ഡ് ത​ല​ത്തി​ലോ ശ്ര​മ​മു​ണ്ടാ​വാ​ത്ത​തി​ൽ ക​ടു​ത്ത പ്ര​തി​ഷേ​ധ​മാ​ണ് ദേ​വ​സ്വ​ങ്ങ​ളി​ലും പൂ​ര​പ്രേ​മി​ക​ൾ​ക്കി​ട​യി​ലു​മു​യ​രു​ന്ന​ത്. വി​ഷ​യം ച​ർ​ച്ച ചെ​യ്ത് പ​രി​ഹ​രി​ക്കു​മെ​ന്ന് മ​ന്ത്രി​മാ​രും ബോ​ർ​ഡ് പ്ര​സി​ഡ​ന്റും നി​ര​ന്ത​രം പ​റ​ഞ്ഞ​ത​ല്ലാ​തെ ഇ​തു​വ​രെ​യും തീ​രു​മാ​ന​മു​ണ്ടാ​യി​ല്ല.

ഇ​തി​നി​ടെ ക​ഴി​ഞ്ഞ ദി​വ​സം ത​റ​വാ​ട​ക ഇ​ന​ത്തി​ൽ 1.82 കോ​ടി അ​ട​ക്ക​ണ​മെ​ന്നാ​വ​ശ്യ​പ്പെ​ട്ട് കൊ​ച്ചി​ൻ ദേ​വ​സ്വം ബോ​ർ​ഡ് പൂ​രം പ്ര​ദ​ർ​ശ​ന ക​മ്മി​റ്റി​ക്ക് നോ​ട്ടി​സും ന​ൽ​കി​യ​തോ​ടെ​യാ​ണ് ക​ടു​ത്ത നി​ല​പാ​ടി​ലേ​ക്ക് ദേ​വ​സ്വ​ങ്ങ​ൾ ക​ട​ന്ന​ത്. തൃ​ശൂ​ർ പൂ​ര​ത്തി​ന്റെ ചി​ല​വി​നു​ള്ള പ്ര​ധാ​ന വ​രു​മാ​ന​മാ​ർ​ഗ​മാ​ണ് പ്ര​ദ​ർ​ശ​നം. വ​ൻ തു​ക ഈ​ടാ​ക്കു​ന്ന​തി​ലൂ​ടെ പൂ​രം പ്ര​തി​സ​ന്ധി​യി​ലാ​വും.

ഇ​ക്കാ​ര്യം പ​ല ത​വ​ണ ബോ​ർ​ഡി​നെ​യും സ​ർ​ക്കാ​രി​നെ​യും അ​റി​യി​ച്ച​തു​മാ​ണ്. ദേ​വ​സ്വം മ​ന്ത്രി ജി​ല്ല​ക്കാ​ര​നാ​യി​ട്ട് പോ​ലും ഇ​ട​പെ​ട​ലി​ല്ലാ​ത്ത​തി​ൽ ക​ടു​ത്ത അ​മ​ർ​ഷ​ത്തി​ലാ​ണ് ദേ​വ​സ്വ​ങ്ങ​ൾ. പൂ​ര​വും പ്ര​ദ​ർ​ശ​ന​വും ത​ക​ർ​ക്കാ​ൻ ശ്ര​മി​ക്കു​ക​യാ​ണെ​ന്നു​മു​ള്ള ആ​ക്ഷേ​പ​ത്തി​ലാ​ണ് പൂ​ര​പ്രേ​മി​ക​ൾ.