തൃ​ശൂ​ർ മെഡിക്കൽ കോളജിലെ അകത്തെ കാന്റീൻ ‘തകർത്ത്’ മുൻ കരാറുകാരൻ പുറത്ത് കാന്റീൻ തുറന്നു

തൃ​ശൂ​ർ: മു​ള​ങ്കു​ന്ന​ത്തു​കാ​വ് ഗ​വ. മെ​ഡി​ക്ക​ൽ കോ​ള​ജ് ആ​ശു​പ​ത്രി കാ​ന്റീ​ൻ ന​ട​ത്തി​പ്പു​കാ​ര​നാ​യി​രു​ന്ന ക​രാ​റു​കാ​ര​നെ​തി​രെ അ​ന്വേ​ഷ​ണം ആ​വ​ശ്യ​പ്പെ​ട്ട് സൂ​പ്ര​ണ്ടി​ന് ആ​ശു​പ​ത്രി വി​ക​സ​ന സ​മി​തി​യം​ഗ​ത്തി​ന്റെ പ​രാ​തി. ക​രാ​ർ കാ​ലാ​വ​ധി പൂ​ർ​ത്തി​യാ​യ​തി​നെ തു​ട​ർ​ന്ന് ടെ​ണ്ട​ർ ന​ട​പ​ടി​ക​ളി​ൽ പു​റ​ത്താ​യ മു​ൻ ക​രാ​റു​കാ​ര​ൻ മാ​ലി​ന്യ ഓ​ട സി​മ​ന്റ് ഇ​ട്ട് അ​ട​ച്ചു​പൂ​ട്ടി​യെ​ന്നും മേ​ൽ​ക്കൂ​ര തു​ള​ച്ച് ന​ശി​പ്പി​ച്ചു​വെ​ന്നും ഇ​ല​ക്ട്രി​ക് വ​യ​ർ ന​ശി​പ്പി​ക്കു​ക​യും സി​ന്റെ​ക്സ് ടാ​ങ്ക് ത​ക​ർ​ത്തു​വെ​ന്നും ഇ​ക്കാ​ര്യ​ത്തി​ൽ അ​ന്വേ​ഷ​ണം വേ​ണ​മ​ന്നും ആ​വ​ശ്യ​പ്പെ​ട്ട് ആ​ശു​പ​ത്രി വി​ക​സ​ന സ​മി​തി​യം​ഗ​വും മെ​ഡി​ക്ക​ൽ കോ​ളേ​ജി​ലെ മു​ൻ ജീ​വ​ന​ക്കാ​ര​നു​മാ​യി​രു​ന്ന കെ.​എ​ൻ.​നാ​രാ​യ​ണ​നാ​ണ് സൂ​പ്ര​ണ്ടി​ന് പ​രാ​തി ന​ൽ​കി​യ​ത്. മ​ല​പ്പു​റം നി​റ​മ​രു​തൂ​ർ സ്വ​ദേ​ശി ഹ​സ​ൻ ആ​യി​രു​ന്നു ആ​ശു​പ​ത്രി വി​ക​സ​ന സ​മി​തി​യു​ടെ കീ​ഴി​ലു​ള്ള കാ​ന്റീ​ൻ ന​ട​ത്തി​പ്പി​ന് ക​രാ​റെ​ടു​ത്തി​രു​ന്ന​ത്.

പു​തി​യ ക​രാ​റി​നാ​യി ടെ​ണ്ട​ർ വി​ളി​ച്ച​തി​ൽ ഇ​യാ​ൾ പു​റ​ത്താ​യി. ഒ​ഴി​യു​ന്ന സ​മ​യ​ത്ത് ആ​ശു​പ​ത്രി​യി​ലെ കാ​ന്റീ​ന​യു​മാ​യി നി​ര​വ​ധി സാ​ധ​ന​ങ്ങ​ൾ ന​ശി​പ്പി​ച്ചു. കാ​ന്റീ​നി​ൽ നി​ന്നു​ള്ള മ​ലി​ന​ജ​ലം ഒ​ഴു​ക്കി വി​ടു​ന്ന ഓ​ട സി​മ​ന്റി​ട്ട് അ​ട​ച്ചു. ഇ​തോ​ടെ കാ​ന്റീ​ൻ നി​ന്നു​ള്ള മ​ലി​ന ജ​ലം പോ​കു​ന്ന​തി​ന് ത​ട​സ​മാ​യെ​ന്നും പ​റ​യു​ന്നു. മെ​ഡി​ക്ക​ൽ കോ​ള​ജി​ലെ കാ​ന്റീ​ൻ ക​രാ​റി​ൽ നി​ന്നും പു​റ​ത്താ​യ ഇ​യാ​ൾ മെ​ഡി​ക്ക​ൽ കോ​ള​ജ് കാ​മ്പ​സി​ലെ മോ​ർ​ച്ച​റി​യോ​ട് ചേ​ർ​ന്നു​ള്ള പ​ഴ​യ ഇ​ന്ത്യ​ൻ കോ​ഫി ഹൗ​സ് പ്ര​വ​ർ​ത്തി​ച്ചു​കൊ​ണ്ടി​രു​ന്ന കെ​ട്ടി​ട​ത്തി​ൽ മ​റ്റൊ​രു കാ​ന്റീ​ൻ ഏ​റ്റെ​ടു​ത്ത് ന​ട​ത്തു​ക​യാ​ണ്.

ഇ​തി​ന് ക​രാ​ർ ന​ൽ​കു​ന്ന​ത് മെ​ഡി​ക്ക​ൽ കോ​ള​ജ് പ്രി​ൻ​സി​പ്പ​ലാ​ണ്. 2021ൽ ​കാ​ന്റീ​ൻ ന​ട​ത്തി​യി​രു​ന്ന സ​മ​യ​ത്ത് ആ​ശു​പ​ത്രി​യി​ലേ​ക്ക് അ​ട​ക്കേ​ണ്ട തു​ക അ​ട​ക്കാ​തെ വീ​ഴ്ച വ​രു​ത്തി ന​ഷ്ട​മു​ണ്ടാ​ക്കി​യ​ത് ഏ​റെ വി​വാ​ദ​ത്തി​നി​ട​യാ​ക്കി​യി​രു​ന്നു. പി​ന്നീ​ട് ച​ർ​ച്ച‍യി​ലൂ​ടെ ഒ​ത്തു തീ​ർ​പ്പാ​വു​ക​യാ​യി​രു​ന്നു. അ​ടി​യ​ന്ത​ര​മാ​യി വി​ഷ​യ​ത്തി​ൽ ഇ​ട​പെ​ട്ട് അ​ന്വേ​ഷ​ണം ന​ട​ത്താ​നും ക​രാ​റു​കാ​ര​നെ​തി​രെ നി​യ​മ ന​ട​പ​ടി സ്വീ​ക​രി​ക്ക​ണ​മെ​ന്നും പ​രാ​തി​യി​ൽ ആ​വ​ശ്യ​പ്പെ​ടു​ന്നു.