മെഡിക്കൽ കോളജിൽ ഭക്ഷണത്തിന്​ സൗകര്യമില്ല

മു​ള​ങ്കു​ന്ന​ത്തു​കാ​വ്​: ഗ​വ. മെ​ഡി​ക്ക​ൽ കോ​ള​ജി​ൽ രോ​ഗി​ക​ൾ​ക്കും കൂ​ട്ടി​രി​പ്പു​കാ​ർ​ക്കും മ​റ്റും ഭ​ക്ഷ​ണ​ത്തി​ന്​ സൗ​ക​ര്യ​മി​ല്ല. ജീ​വ​ന​ക്കാ​ര​ന് കോ​വി​ഡ് പോ​സി​റ്റി​വ് ആ​യ​തോ​ടെ ഇ​ന്ത്യ​ൻ കോ​ഫി ഹൗ​സ് അ​ട​ച്ചു. ചൂ​ടു​വെ​ള്ളം മു​ത​ൽ രോ​ഗി​ക​ൾ​ക്കും കൂ​ട്ടി​രി​പ്പു​കാ​ർ​ക്കും ഭ​ക്ഷ​ണം​വ​രെ ല​ഭി​ക്കാ​ൻ മ​റ്റ്​ സൗ​ക​ര്യം ആ​ശു​പ​ത്രി കാ​മ്പ​സി​ലി​ല്ല. ര​ണ്ടു ദി​വ​സ​മാ​യി രോ​ഗി​ക​ളും കൂ​ട്ടി​രി​പ്പു​കാ​രും ക​ടു​ത്ത പ്ര​യാ​സം​നേ​രി​ടു​ക​യാ​ണ്. ഈ ​സാ​ഹ​ച​ര്യ​ത്തി​ൽ ആ​ശു​പ​ത്രി വി​ക​സ​ന സൊ​സൈ​റ്റി​യു​ടെ കാ​ൻ​റീ​ൻ തു​റ​ന്ന് പ്ര​വ​ർ​ത്തി​പ്പി​ക്കാ​ൻ അ​ടി​യ​ന്ത​ര​ന​ട​പ​ടി വേ​ണ​മെ​ന്ന് കേ​ര​ള എ​ൻ.​ജി.​ഒ അ​സോ​സി​യേ​ഷ​ൻ ആ​വ​ശ്യ​പ്പെ​ട്ടു.

കാ​ൻ​റീ​ൻ ഒ​ന്ന​ര​വ​ർ​ഷ​മാ​യി അ​ട​ഞ്ഞു​കി​ട​ക്കു​ക​യാ​ണ്. ടെ​ൻ​ഡ​ർ ന​ട​പ​ടി പൂ​ർ​ത്തി​യാ​ക്കി മാ​സ​ങ്ങ​ളാ​യി​ട്ടും തു​റ​ക്കാ​ൻ ന​ട​പ​ടി​യാ​യി​ട്ടി​ല്ല. കാ​ൻ​റീ​ൻ പ്ര​വ​ർ​ത്തി​പ്പി​ക്കാ​ൻ ആ​ശു​പ​ത്രി വി​ക​സ​ന​സ​മി​തി ചെ​യ​ർ​മാ​ൻ​കൂ​ടി​യാ​യ ക​ല​ക്​​ട​ർ ന​ട​പ​ടി​യെ​ടു​ക്ക​ണ​മെ​ന്ന്​ അ​സോ​സി​യേ​ഷ​ൻ ആ​വ​ശ്യ​പ്പെ​ട്ടു. കാ​ൻ​റീ​ൻ തു​റ​ക്കാ​ത്ത​ത്​ രോ​ഗി​ക​ൾ​ക്ക് മാ​ത്ര​മ​ല്ല, ആ​ശു​പ​ത്രി​യു​ടെ വ​രു​മാ​ന​ത്തെ​യും സാ​ര​മാ​യി ബാ​ധി​ക്കു​ന്നു​ണ്ട്. കോ​വി​ഡ് കാ​ല​ത്ത് രാ​പ്പ​ക​ൽ ജോ​ലി​ചെ​യ്യു​ന്ന ആ​​ശു​പ​ത്രി വി​ക​സ​ന​സ​മി​തി ജീ​വ​ന​ക്കാ​രു​ടെ നി​ല​നി​ൽ​പി​നും ഇ​ത്​ ഭീ​ഷ​ണി​യാ​ണെ​ന്ന്​ അ​സോ​സി​യേ​ഷ​ൻ ചൂ​ണ്ടി​ക്കാ​ട്ടി.

കാ​ൻ​റീ​ൻ തു​റ​ക്കാ​ത്ത​തി​നെ​തി​രെ ന​ട​ത്തി​യ പ്ര​തി​ഷേ​ധ​പ​രി​പാ​ടി സം​സ്ഥാ​ന സെ​ക്ര​​ട്ടേ​റി​യ​റ്റ് അം​ഗം കെ.​എ​ൻ. നാ​രാ​യ​ണ​ൻ ഉ​ദ്ഘാ​ട​നം ചെ​യ്​​തു. ബ്രാ​ഞ്ച് പ്ര​സി​ഡ​ൻ​റ്​ കെ.​എ​സ്. മ​ധു അ​ധ്യ​ക്ഷ​ത വ​ഹി​ച്ചു. ബ്രാ​ഞ്ച് സെ​ക്ര​ട്ട​റി പി. ​ബി​ബി​ൻ, ടി.​എ. അ​ൻ​സാ​ർ, എം.​എ. മു​ഹ​മ്മ​ദ് നി​ഷാ​ർ, എം.​ജി. ര​ഘു​നാ​ഥ്, കെ.​ടി. വി​നോ​ദ് തു​ട​ങ്ങി​യ​വ​ർ നേ​തൃ​ത്വം ന​ൽ​കി.