തൃശൂർ വിട്ടുതരില്ല, മോദിക്ക് മറുപടി നൽകാൻ ഖാർഗെ വരുന്നു

തൃ​ശൂ​ർ: ഇ​ത്ത​വ​ണ എ​ന്താ​യാ​ലും എ​ടു​ക്കു​മെ​ന്ന പ്ര​ഖ്യാ​പ​ന​ത്തോ​ടെ ബി.​ജെ.​പി വി​ജ​യം പ്ര​തീ​ക്ഷി​ക്കു​ന്ന തൃ​ശൂ​രി​ൽ, അ​ത​ത്ര എ​ളു​പ്പ​മാ​വി​ല്ലെ​ന്ന മു​ന്ന​റി​യി​പ്പു​മാ​യി കോ​ൺ​ഗ്ര​സും ക​രു​ത്ത് കാ​ട്ടാ​ൻ ക​ള​ത്തി​ലേ​ക്ക്. സ്ത്രീ ​ശ​ക്തി സ​മ്മേ​ള​ന​ത്തെ അ​ഭി​സം​ബോ​ധ​ന ചെ​യ്ത പ്ര​ധാ​ന​മ​ന്ത്രി​ക്ക് അ​തേ വേ​ദി​യി​ൽ മ​റു​പ​ടി ന​ൽ​കാ​നെ​ത്തു​ന്ന​ത് എ.​ഐ.​സി.​സി അ​ധ്യ​ക്ഷ​ൻ മ​ല്ലി​കാ​ർ​ജു​ൻ ഖാ​ർ​ഗെ​യാ​ണ്. ഫെ​ബ്രു​വ​രി നാലിനാ​ണ് മ​ല്ലി​കാ​ർ​ജു​ൻ ഖാ​ർ​ഗെ പ​ങ്കെ​ടു​ക്കു​ന്ന കോ​ൺ​ഗ്ര​സി​ന്റെ മ​ഹാ​സ​മ്മേ​ള​നം തീ​രു​മാ​നി​ച്ചി​രി​ക്കു​ന്ന​ത്.

ലോ​ക്‌​സ​ഭാ തെ​ര​ഞ്ഞെ​ടു​പ്പി​ൽ കോ​ൺ​ഗ്ര​സി​ന്റെ പ്ര​ചാ​ര​ണ തു​ട​ക്കം കൂ​ടി​യാ​യാ​ണ് തൃ​ശൂ​രി​ലെ സ​മ്മേ​ള​നം ആ​സൂ​ത്ര​ണം ചെ​യ്യു​ന്ന​ത്. പാ​ർ​ട്ടി​യു​ടെ കാ​ൽ ല​ക്ഷം ബൂ​ത്ത് പ്ര​സി​ഡ​ന്റു​മാ​രെ അ​ണി​നി​ര​ത്തി ക​രു​ത്ത് കാ​ണി​ക്കു​ക​യാ​ണ് സ​മ്മേ​ള​ന​ത്തി​ലൂ​ടെ ല​ക്ഷ്യ​മി​ടു​ന്ന​ത്. ലോ​ക്സ​ഭാ തെ​ര​ഞ്ഞെ​ടു​പ്പി​ൽ ബി.​ജെ.​പി കേ​ര​ള​ത്തി​ൽ ഏ​റ്റ​വും ശ്ര​ദ്ധ കേ​ന്ദ്രീ​ക​രി​ക്കു​ന്ന മ​ണ്ഡ​ലം തൃ​ശൂ​ർ ആ​ണെ​ന്നാ​ണ് കോ​ൺ​ഗ്ര​സി​ന്റെ വി​ല​യി​രു​ത്ത​ൽ.

സം​സ്ഥാ​ന​ത്തെ 25177 ബൂ​ത്തു​ക​ളി​ല്‍ നി​ന്ന് ബൂ​ത്ത് പ്ര​സി​ഡ​ന്റ്, വ​നി​ത വൈ​സ് പ്ര​സി​ഡ​ന്റ്, ബി.​എ​ല്‍.​എ​മാ​ര്‍ എ​ന്നി​ങ്ങ​നെ മൂ​ന്ന് പേ​ര്‍ അ​ട​ങ്ങു​ന്ന 75000 ത്തി​ല്‍പ്പ​രം പ്ര​വ​ര്‍ത്ത​ക​രും മ​ണ്ഡ​ലം മു​ത​ല്‍ എ.​ഐ.​സി.​സി ത​ലം വ​രെ​യു​ള്ള കേ​ര​ള​ത്തി​ല്‍ നി​ന്നു​ള്ള ഭാ​ര​വാ​ഹി​ക​ളും ഉ​ള്‍പ്പെ​ടെ ല​ക്ഷ​ത്തോ​ളം പേ​ര്‍ പ​ങ്കെ​ടു​ക്കു​മെ​ന്ന് കെ.​പി.​സി.​സി സം​ഘ​ട​നാ ജ​ന​റ​ൽ സെ​ക്ര​ട്ട​റി ടി.​യു. രാ​ധാ​കൃ​ഷ്ണ​ൻ പ​റ​ഞ്ഞു. വൈ​കീ​ട്ട് 3.30നാ​ണ് സ​മ്മേ​ള​നം. മ​ല്ലി​കാ​ര്‍ജു​ന്‍ ഖാ​ര്‍ഗെ ബൂ​ത്ത് പ്ര​സി​ഡ​ന്റു​മാ​രും വ​നി​ത വൈ​സ് പ്ര​സി​ഡ​ന്റും ബി.​എ​ല്‍.​എ​മാ​രു​മാ​യി നേ​രി​ട്ട് സം​വ​ദി​ക്കും.

ലോ​ക്‌​സ​ഭാ തെ​ര​ഞ്ഞെ​ടു​പ്പ് മു​ന്നൊ​രു​ക്ക​ങ്ങ​ളു​ടെ ഭാ​ഗ​മാ​യി എ.​ഐ.​സി.​സി അ​ധ്യ​ക്ഷ​ന്‍ മ​ല്ലി​കാ​ര്‍ജു​ന്‍ ഖാ​ര്‍ഗെ ന​ട​ത്തു​ന്ന പ​ര്യ​ട​ന​ത്തി​ന്റെ ഭാ​ഗ​മാ​യാ​ണ് കേ​ര​ള​ത്തി​ലും ബൂ​ത്ത് ത​ലം വ​രെ​യു​ള്ള ഭാ​ര​വാ​ഹി​ക​ളു​മാ​യി സം​വ​ദി​ക്കു​ന്ന മ​ഹാ​സ​മ്മേ​ള​നം വി​ളി​ച്ചു​ചേ​ര്‍ക്കു​ന്ന​ത്.