വീടുകളിൽനിന്ന് മാലിന്യം ശേഖരിക്കുന്നത് തൃ​ശൂ​ർ കോർപറേഷൻ നിർത്തി

തൃ​ശൂ​ർ: വീ​ടു​ക​ളി​ൽ​നി​ന്നും ഫ്ലാ​റ്റു​ക​ളി​ൽ​നി​ന്നും ഭ​ക്ഷ​ണാ​വ​ശി​ഷ്ട​ങ്ങ​ള​ട​ക്ക​മു​ള്ള മാ​ലി​ന്യം ശേ​ഖ​രി​ക്കു​ന്ന​ത് കോ​ർ​പ​റേ​ഷ​ൻ നി​ർ​ത്തി. നി​ക്ഷേ​പ കേ​ന്ദ്ര​ത്തി​ൽ സൗ​ക​ര്യ​മി​ല്ലാ​ത്ത​തി​നാ​ൽ ഇ​നി ഭ​ക്ഷ​ണാ​വ​ശി​ഷ്ട​ങ്ങ​ൾ അ​ട​ക്ക​മു​ള്ള​വ എ​ടു​ക്കാ​നാ​വി​ല്ലെ​ന്നും ‘നി​ങ്ങ​ൾ ത​ന്നെ എ​ന്തെ​ങ്കി​ലും മാ​ർ​ഗം ക​ണ്ടെ​ത്തി​ക്കൊ​ള്ളാ​നും’ ഹ​രി​ത​ക​ർ​മ സേ​നാം​ഗ​ങ്ങ​ൾ നി​ർ​ദേ​ശി​ച്ചു. മാ​ലി​ന്യം എ​ടു​ക്കാ​ൻ ക​ഴി​യി​ല്ലെ​ന്ന ഹ​രി​ത​ക​ർ​മ സേ​ന​യു​ടെ നി​ല​പാ​ട് ഫ്ലാ​റ്റു​ക​ളി​ൽ താ​മ​സി​ക്കു​ന്ന​വ​രെ​യാ​ണ് ഏ​റെ വ​ല​ച്ച​ത്.

അ​ടു​ത്ത ദി​വ​സ​മെ​ത്തു​മെ​ന്ന് ക​രു​തി കാ​ത്തി​രു​ന്ന​വ​രോ​ട് ക​ഴി​ഞ്ഞ ദി​വ​സ​മാ​ണ് ഹ​രി​ത​ക​ർ​മ​സേ​നാം​ഗ​ങ്ങ​ൾ ഇ​ക്കാ​ര്യ​മ​റി​യി​ച്ച​ത്. ഒ​രാ​ഴ്ച​യോ​ള​മാ​യി ഭ​ക്ഷ​ണാ​വ​ശി​ഷ്ട​ങ്ങ​ള​ട​ക്കം മാ​ലി​ന്യ​ത്തൊ​ട്ടി​ക​ളി​ൽ കി​ട​ക്കു​ന്ന​തി​നാ​ൽ ഫ്ലാ​റ്റു​ക​ളി​ൽ താ​മ​സി​ക്കു​ന്ന​വ​ർ ദു​രി​താ​വ​സ്ഥ​യി​ലാ​ണ്. കു​രി​യ​ച്ചി​റ​യി​ലെ സം​സ്ക​ര​ണ കേ​ന്ദ്ര​ത്തി​ലേ​ക്കാ​ണ് മാ​ലി​ന്യം കൊ​ണ്ടു​പോ​യി​രു​ന്ന​ത്. പ്രാ​ദേ​ശി​ക എ​തി​ർ​പ്പ് ഉ​യ​ർ​ന്ന​തോ​ടെ ഇ​ത് നി​ല​ച്ചു.

മാ​ലി​ന്യം കൊ​ണ്ടു​പോ​കാ​ൻ ക​രാ​ർ ന​ൽ​കി​യി​രി​ക്കു​ക​യാ​ണ്. ഇ​ത് ക​രാ​റു​കാ​ർ​ക്ക് കോ​ടി​ക​ൾ ത​ട്ടാ​നു​ള്ള മാ​ർ​ഗം മാ​ത്ര​മാ​യി. മാ​ലി​ന്യം പ​ല​യി​ട​ത്താ​യി കി​ട​ക്കു​ക​യും തീ​യി​ടു​ക​യു​മാ​ണ്. ലാ​ലൂ​രി​ലെ മാ​ലി​ന്യ പ്ലാ​ന്റ് പൂ​ട്ടി​യ​ത് ബ​ദ​ൽ മാ​ർ​ഗ​ങ്ങ​ളി​ല്ലാ​തെ​യാ​യി​രു​ന്നു. പി​ന്നീ​ട് ശ​ക്ത​നി​ലെ പ്ലാ​ന്റി​നെ​യാ​ണ് ആ​ശ്ര​യി​ച്ചി​രു​ന്ന​ത്. മാ​ലി​ന്യം താ​ങ്ങാ​നാ​വാ​താ​യ​തോ​ടെ ഇ​തും പ്ര​വ​ർ​ത്ത​നം നി​ല​ച്ച​തി​ന് സ​മാ​ന​മാ​ണ്.

നി​ല​വി​ലെ ഇ​ട​ത് ഭ​ര​ണ​സ​മി​തി അ​ധി​കാ​ര​ത്തി​ലെ​ത്തി​യി​ട്ട് ഒ​മ്പ​ത് വ​ർ​ഷ​ത്തോ​ട​ടു​ക്കു​ക​യാ​ണെ​ങ്കി​ലും മാ​ലി​ന്യ സം​സ്ക​ര​ണ​ത്തി​ന് ഇ​പ്പോ​ഴും കൃ​ത്യ​മാ​യ പ​ദ്ധ​തി​ക​ളി​ല്ല. മാ​ലി​ന്യ സം​സ്ക​ര​ണ പ​ദ്ധ​തി​ക​ളെ​ക്കു​റി​ച്ച് പ​ഠി​ക്കാ​ൻ ഒ​റീ​സ, ബം​ഗ​ളൂ​രു തു​ട​ങ്ങി രാ​ജ്യ​ത്തെ ഒ​ട്ടു​മി​ക്ക സം​സ്ഥാ​ന​ങ്ങ​ളി​ലും ‘വി​നോ​ദ​സ​ഞ്ചാ​രം’ ന​ട​ത്തു​ക​യ​ല്ലാ​തെ പ​ദ്ധ​തി​ക​ളൊ​ന്നും ന​ട​പ്പി​ലാ​യി​ല്ല. സ​മ്പൂ​ർ​ണ ശു​ചി​ത്വ ന​ഗ​രം ല​ക്ഷ്യ​മി​ട്ടു​ള്ള പ്ര​വ​ർ​ത്ത​ന​ങ്ങ​ളാ​ണ് കോ​ർ​പ​റേ​ഷ​നി​ലെ​ന്നാ​ണ് അ​ധി​കൃ​ത​രു​ടെ വി​ശ​ദീ​ക​ര​ണം.

വീ​ടു​ക​ളി​ൽ നി​ന്നും ഫ്ലാ​റ്റു​ക​ളി​ൽ നി​ന്നും ഭ​ക്ഷ​ണാ​വ​ശി​ഷ്ട​ങ്ങ​ള​ട​ക്ക​മു​ള്ള മാ​ലി​ന്യം എ​ടു​ക്കി​ല്ലെ​ന്ന നി​ല​പാ​ട് വ​ഴി​യോ​ര​ങ്ങ​ളി​ൽ മാ​ലി​ന്യം വ​ലി​ച്ചെ​റി​യാ​ൻ കാ​ര​ണ​മാ​യേ​ക്കു​മെ​ന്നാ​ണ് നാ​ട്ടു​കാ​രു​ടെ ആ​ശ​ങ്ക.