ക്ഷേ​ത്ര​ങ്ങ​ളി​ൽ മോ​ഷ​ണം: മൂ​ന്നു​പേ​ർ അ​റ​സ്റ്റി​ൽ

കാ​ട്ടൂ​ർ: മേ​ഖ​ല​യി​ൽ ക്ഷേ​ത്ര​ങ്ങ​ളി​ൽ​നി​ന്ന് ദീ​പ​സ്തം​ഭ​ങ്ങ​ൾ, ഓ​ട്ടു​വി​ള​ക്കു​ക​ൾ തു​ട​ങ്ങി​യ​വ മോ​ഷ​ണം ന​ട​ത്തി​യി​രു​ന്ന പ്ര​തി​ക​ൾ അ​റ​സ്റ്റി​ലാ​യി. പൊ​ഞ്ഞ​നം സ്വ​ദേ​ശി​ക​ളാ​യ ക​ണ്ട​നാ​ത്ത​റ രാ​ജേ​ഷ് (50), ഇ​രി​ങ്ങാ​ത്തു​രു​ത്തി സാ​നു (36), വെ​ള്ളാ​ഞ്ചേ​രി വീ​ട്ടി​ൽ സ​ഹ​ജ​ൻ (49) എ​ന്നി​വ​രെ​യാ​ണ് റൂ​റ​ൽ എ​സ്.​പി ഐ​ശ്വ​ര്യ ഡോ​ങ്ഗ്രേ​ക്കു ല​ഭി​ച്ച ര​ഹ​സ്യ​വി​വ​ര​ത്തെ തു​ട​ർ​ന്ന് സ്പെ​ഷ​ൽ ബ്രാ​ഞ്ച് ഡി​വൈ.​എ​സ്.​പി ബി​ജു​കു​മാ​ർ, ഇ​രി​ങ്ങാ​ല​ക്കു​ട ഡി​വൈ.​എ​സ്.​പി ബാ​ബു കെ. ​തോ​മ​സ്, കാ​ട്ടൂ​ർ എ​സ്.​ഐ വി.​പി. അ​രി​സ്റ്റോ​ട്ടി​ൽ എ​ന്നി​വ​രു​ടെ നേ​തൃ​ത്വ​ത്തി​ലു​ള്ള പ്ര​ത്യേ​ക അ​ന്വേ​ഷ​ണ സം​ഘം അ​റ​സ്റ്റു ചെ​യ്ത​ത്.

ഈ ​മാ​സം 20ന് ​പു​ല​ർ​ച്ച​യാ​ണ് പൊ​ഞ്ഞ​ന​ത്ത് നീ​രോ​ലി, മ​തി​ര​മ്പി​ള്ളി കു​ടും​ബ ക്ഷേ​ത്ര​ങ്ങ​ളി​ൽ​നി​ന്നാ​യി ഒ​രു ല​ക്ഷം രൂ​പ വി​ല​മ​തി​ക്കു​ന്ന ദീ​പ​സ്തം​ഭ​ങ്ങ​ൾ മോ​ഷ​ണം പോ​യ​ത്. ഈ ​കേ​സി​ലാ​ണ് മൂ​ന്നു​പേ​രും അ​റ​സ്റ്റി​ലാ​യ​ത്. ഒ​ന്നാം പ്ര​തി രാ​ജേ​ഷും ര​ണ്ടാം പ്ര​തി സാ​നു​വു​മാ​ണ് ക്ഷേ​ത്ര​ങ്ങ​ളി​ൽ മോ​ഷ​ണം ന​ട​ത്തി​യി​രു​ന്ന​ത്. സം​ഭ​വം അ​റി​ഞ്ഞ ഉ​ട​നെ അ​ന്വേ​ഷ​ണം ന​ട​ക്കു​ന്ന​തി​നി​ട​യി​ൽ ഓ​ട്ടോ ടാ​ക്സി​യി​ൽ ഒ​രു സം​ഘം വി​ള​ക്കു​ക​ൾ വി​ൽ​പ​ന​ക്കാ​യി കൊ​ണ്ടു​ന​ട​ക്കു​ന്ന വി​വ​രം ല​ഭി​ക്കു​ക​യാ​യി​രു​ന്നു.

തു​ട​ർ​ന്ന് ഓ​ട്ടോ ടാ​ക്സി ക​ണ്ടെ​ത്തി ഡ്രൈ​വ​ർ സ​ഹ​ജ​നെ ചോ​ദ്യം ചെ​യ്ത​തോ​ടെ മ​റ്റു പ്ര​തി​ക​ളെ​യും പൊ​ലീ​സ് സം​ഘം പി​ടി​കൂ​ടു​ക​യാ​യി​രു​ന്നു. ആ​ദ്യം സം​ഭ​വം നി​ഷേ​ധി​ച്ച പ്ര​തി​ക​ൾ പൊ​ലീ​സി​ന്‍റെ ചോ​ദ്യം ചെ​യ്യ​ലി​ൽ കു​റ്റ​സ​മ്മ​തം ന​ട​ത്തു​ക​യാ​യി​രു​ന്നു. മോ​ഷ​ണ മു​ത​ലു​ക​ൾ രാ​ജേ​ഷി​ന്‍റെ പ​റ​മ്പി​ൽ പ​ല സ്ഥ​ല​ങ്ങ​ളി​ലാ​യി കു​ഴി​ച്ചി​ട്ട നി​ല​യി​ലാ​യി​രു​ന്നു. ഇ​വ​യെ​ല്ലാം ക​ണ്ടെ​ടു​ത്തി​ട്ടു​ണ്ട്. മോ​ഷ​ണ​ത്തെ തു​ട​ർ​ന്ന് പൊ​ലീ​സ് പ​ല സം​ഘ​ങ്ങ​ളാ​യി തി​രി​ഞ്ഞ് മു​ൻ ക​ള​വ് കേ​സി​ലെ പ്ര​തി​ക​ൾ, ആ​ക്രി വി​ൽ​പ​ന​ക്കാ​ര​ട​ക്ക​മു​ള്ള​വ​ർ എ​ന്നി​വ​രെ നി​രീ​ക്ഷി​ച്ച് വ്യാ​പ​ക​മാ​യ അ​ന്വേ​ഷ​ണ​മാ​ണ് ന​ട​ത്തി​യ​ത്. എ​സ്.​ഐ ബെ​ന​ഡി​ക്, എ.​എ​സ്.​ഐ​മാ​രാ​യ ഹ​രി​ഹ​ര​ൻ, പ്ര​സാ​ദ്, കെ. ​അ​ജ​യ്, സീ​നി​യ​ർ സി.​പി.​ഒ കെ.​വി. ഫെ​ബി​ൻ, ഇ.​എ​സ്. ജീ​വ​ൻ, സോ​ണി സേ​വ്യ​ർ, പി.​വി. വി​കാ​സ്, ശ​ബ​രി കൃ​ഷ്ണ​ൻ, ഷ​മീ​ർ, ജെ​യ്മോ​ൻ, സ​തീ​ഷ് കു​മാ​ർ, ടി.​സി. പ്ര​തോ​ഷ്, കി​ര​ൺ​ര​ഘു എ​ന്നി​വ​രാ​ണ് പൊ​ലീ​സ് സം​ഘ​ത്തി​ലു​ണ്ടാ​യി​രു​ന്ന​ത്.

പ​ത്താ​ഴ​ക്കാ​ട് മോ​ഷ​ണം: പൊ​ലീ​സ് പ​രി​ശോ​ധ​ന ന​ട​ത്തി

കൊ​ടു​ങ്ങ​ല്ലൂ​ർ: ശ്രീ​നാ​രാ​യ​ണ​പു​രം പ​ത്താ​ഴ​ക്കാ​ട്ട് മോഷണം ന​ട​ന്ന വീ​ട്ടി​ൽ വി​ര​ല​ട​യാ​ള വി​ദ​ഗ്ധ​രും ഡോ​ഗ് സ്ക്വാ​ഡും പ​രി​ശോ​ധ​ന ന​ട​ത്തി. മു​ള്ള​ൻ​ബ​സാ​ർ പ​ത്താ​ഴ​ക്കാ​ട് റോ​ഡി​ൽ കാ​ട്ട​ക​ത്ത് ബാ​ജു റ​ഹ്മാ​ന്‍റെ വീ​ട്ടി​ലാ​ണ് ക​ഴി​ഞ്ഞ ദി​വ​സം മോ​ഷ​ണം ന​ട​ന്ന​ത്. വീ​ടി​ന്‍റെ മു​ൻ​വാ​തി​ൽ കു​ത്തി​ത്തു​റ​ന്ന് അ​ക​ത്ത് ക​യ​റി​യ മോ​ഷ്ടാ​വ് കി​ട​പ്പു​മു​റി​യി​ലെ അ​ല​മാ​ര​യി​ൽ സൂ​ക്ഷി​ച്ചി​രു​ന്ന ഏ​ഴ് പ​വ​ൻ സ്വ​ർ​ണം ക​വ​രു​ക​യാ​യി​രു​ന്നു.

വീ​ട്ടി​ലെ സി.​സി.​ടി.​വി കാ​മ​റ​ക​ൾ ദി​ശ മാ​റ്റി​യ നി​ല​യി​ലാ​ണ്. വീ​ടി​ന്‍റെ മു​ൻ​വാ​തി​ലും പി​റ​കു​വ​ശ​ത്തെ വാ​തി​ലും കു​ത്തി​ത്തു​റ​ന്ന നി​ല​യി​ലാ​ണ്. നി​രീ​ക്ഷ​ണ കാ​മ​റ​ക​ളി​ലെ ദൃ​ശ്യ​ങ്ങ​ൾ സൂ​ക്ഷി​ച്ചി​രു​ന്ന ഡി.​വി.​ആ​റും മോ​ഷ്ടാ​വ് കൊ​ണ്ടു​പോ​യി.

ഇ​രി​ങ്ങാ​ല​ക്കു​ട​യി​ൽ​നി​ന്നെ​ത്തി​യ കെ ​ന​യ​ൻ ഡോ​ഗ് സ്ക്വാ​ഡി​ലെ സ്റ്റെ​ല്ല എ​ന്ന പൊ​ലീ​സ് നാ​യ് മ​ണം​പി​ടി​ച്ച് റോ​ഡ് വ​രെ പോ​യ ശേ​ഷം മ​ട​ങ്ങി​വ​ന്നു. വി​ര​ല​ട​യാ​ള പ​രി​ശോ​ധ​ന​യു​ടെ അ​ടി​സ്ഥാ​ന​ത്തി​ൽ അ​ന്വേ​ഷ​ണം ഊ​ർ​ജി​ത​മാ​ക്കു​മെ​ന്ന് പൊ​ലീ​സ് പ​റ​ഞ്ഞു. ബാ​ജു റ​ഹ്മാ​നും കു​ടും​ബ​വും ദു​ബൈ​യി​ലാ​ണ് താ​മ​സം. ശ​നി​യാ​ഴ്ച വൈ​കീ​ട്ട് ചെ​ടി​ക​ൾ ന​ന​ക്കാ​നെ​ത്തി​യ വീ​ടു സൂ​ക്ഷി​പ്പു​കാ​ര​ൻ രാ​ധാ​കൃ​ഷ്ണ​നാ​ണ് മോ​ഷ​ണം ന​ട​ന്ന​ത് ആ​ദ്യ​മ​റി​ഞ്ഞ​ത്.

തു​ട​ർ​ന്ന് മ​തി​ല​കം പൊ​ലീ​സി​ൽ വി​വ​ര​മ​റി​യി​ക്കു​ക​യാ​യി​രു​ന്നു.