എ​ണ്ണ​പ്പ​ന രു​ചി തലക്കുപി​ടി​ച്ചു; തോട്ടം വീടാക്കി ആ​ന​ക്കൂ​ട്ടം

അ​തി​ര​പ്പി​ള്ളി: എ​ണ്ണ​പ്പ​ന കൃ​ഷി ആ​രം​ഭി​ച്ചതോടെ അ​തി​ര​പ്പി​ള്ളി, ഏ​ഴാ​റ്റു​മു​ഖം മേ​ഖ​ല​യി​ൽ കാ​ട്ടാ​ന​ശ​ല്യം രൂ​ക്ഷ​ം. കാ​ട്ടാ​ന​ക​ൾ​ക്ക് രു​ചി​ക​ര​മാ​യി അ​നു​ഭ​വ​പ്പെ​ടു​ന്ന പ​ന​യു​ടെ ഇ​ല​ക​ളും ത​ടി​യു​ടെ ഇ​ളം​മ​ധു​ര​മു​ള്ള ചോ​റും തേ​ടി​യാ​ണ് ഇ​വ വ​ന്നെ​ത്തു​ന്ന​ത്. വേ​ന​ൽ​ക്കാ​ല​ത്ത് ചാ​ല​ക്കു​ടി​പ്പു​ഴ​യി​ൽ​നി​ന്ന് വെ​ള്ളം കു​ടി​ക്കാ​നും നീ​രാ​ട്ടി​നു​മാ​യും കൂ​ട്ടം കൂ​ടി​യെ​ത്തു​ന്നു. കാ​ട്ടി​ൽ ഭ​ക്ഷ​ണം കു​റ​ഞ്ഞ​ത് നാ​ട്ടി​ലേ​ക്കി​റ​ങ്ങാ​ൻ മ​റ്റൊ​രു കാ​ര​ണ​മാ​യി. കാ​ട്ടാ​ന​ക്കൂ​ട്ട​ത്തി​ന്റെ ഇ​റ​ങ്ങി​വ​ര​വ് മ​ല​യോ​ര പ്ര​ദേ​ശ​ത്ത് ആ​ൾ​നാ​ശം, കൃ​ഷി​നാ​ശം, ഗ​താ​ഗ​ത​പ്ര​ശ്നം, വൈ​ദ്യു​തി ത​ട​സ്സം എ​ന്നി​വ​ക്ക് കാ​ര​ണ​മാ​കു​ന്നു​ണ്ട്.

വാ​ഴ​ച്ചാ​ൽ, അ​തി​ര​പ്പി​ള്ളി വ​ന​മേ​ഖ​ല​യി​ൽ​നി​ന്ന് മാ​ത്ര​മ​ല്ല, പു​ഴ​യു​ടെ മ​റു​വ​ശ​ത്ത് മ​ല​യാ​റ്റൂ​ർ ഡി​വി​ഷ​നി​ലെ വ​ന​മേ​ഖ​ല​യി​ൽ​നി​ന്ന് ഒ​റ്റ​ക്കും കൂ​ട്ടാ​യും കാ​ട്ടാ​ന​ക​ൾ ഭ​ക്ഷ​ണം തേ​ടി​യും വെ​ള്ളം തേ​ടി​യും കാ​ടി​റ​ങ്ങി വ​രു​ന്ന​ത് പ്ര​ദേ​ശ​വാ​സി​ക​ൾ​ക്കും തൊ​ഴി​ലാ​ളി​ക​ൾ​ക്കും വി​നോ​ദ​സ​ഞ്ചാ​രി​ക​ൾ​ക്കും പ​ല​പ്പോ​ഴും ജീ​വ​ന് ഭീ​ഷ​ണി​യാ​ണ്. 1992ലാ​ണ് കാ​ല​ടി പ്ലാ​ന്റേ​ഷ​ൻ കോ​ർ​പ​റേ​ഷ​ൻ ആ​ദ്യ​മാ​യി ഈ ​മേ​ഖ​ല​യി​ൽ എ​ണ്ണ​പ്പ​ന കൃ​ഷി ആ​രം​ഭി​ക്കു​ന്ന​ത്. 1993,95, 96, 2000 കാ​ല​ഘ​ട്ട​ത്തി​ൽ ഇ​ത് അ​ധി​കൃ​ത​ർ വി​പു​ല​പ്പെ​ടു​ത്തി.

അ​തി​ര​പ്പി​ള്ളി, ഏ​ഴാ​റ്റു​മു​ഖം എ​ന്നി​ങ്ങ​നെ ചാ​ല​ക്കു​ടി​പ്പു​ഴ​യു​ടെ തീ​ര​ത്ത് എ​റ​ണാ​കു​ളം, തൃ​ശൂ​ർ ജി​ല്ല​ക​ളി​ലാ​യി 1000ത്തി​ൽ​പ​രം ഹെ​ക്ട​റി​ലാ​ണ് എ​ണ്ണ​പ്പ​ന കൃ​ഷി ഇ​പ്പോ​ൾ ന​ട​ത്തു​ന്ന​ത്. ഈ ​കൃ​ഷി​ക്ക് ഈ​ർ​പ്പം ആ​വ​ശ്യ​മു​ണ്ടെ​ന്ന​താ​ണ് ഈ ​മേ​ഖ​ല തെ​ര​ഞ്ഞെ​ടു​ക്കാ​ൻ കാ​ര​ണം. 1996ൽ ​ആ​ദ്യ​ത്തെ വി​ള​വെ​ടു​പ്പ് ന​ട​ത്തി.

കാ​ട്ടാ​ന​ക​ൾ​ക്ക് ഇ​വ പ്രി​യ​ങ്ക​ര​മാ​യി മാ​റി​യ​തോ​ടെ എ​ണ്ണ​പ്പ​ന കൃ​ഷി​യി​ട​ങ്ങ​ളി​ൽ​നി​ന്ന് രാ​വും പ​ക​ലും അ​വ​യു​ടെ സാ​ന്നി​ധ്യം നി​റ​ഞ്ഞു. ആ​യി​ര​ക്ക​ണ​ക്കി​ന് പ​ന​ക​ളാ​ണ് കാ​ട്ടാ​ന​ക​ൾ കു​ത്തി ന​ശി​പ്പി​ച്ച​ത്. കാ​ട്ടാ​ന​ക​ൾ എ​ണ്ണ​പ്പ​ന​ക​ൾ ത​ള്ളി​യി​ടു​ന്ന​തു​മൂ​ലം മു​രി​ങ്ങൂ​ർ-​ഏ​ഴാ​റ്റു​മു​ഖം റോ​ഡി​ൽ മി​ക്ക​പ്പോ​ഴും ഗ​താ​ഗ​ത​ത​ട​സ്സ​വും പോ​സ്റ്റു​ക​ൾ ത​ക​ർ​ന്നും വൈ​ദ്യു​തി ക​മ്പി​ക​ൾ ത​ക​ർ​ന്നും മേ​ഖ​ല​യി​ൽ വൈ​ദ്യു​തി ന​ഷ്ട​വും പ​തി​വാ​ണ്. റ​ബ​റി​ന് വി​ല​യി​ടി​ഞ്ഞ​തോ​ടെ​യും എ​ണ്ണ​പ്പ​ന കൃ​ഷി​ക്ക് വ​ലി​യ ലാ​ഭം ല​ഭി​ച്ച​തോ​ടെ​യും പ്ലാ​ന്റേ​ഷ​ൻ അ​ധി​കാ​രി​ക​ൾ ഈ ​കൃ​ഷി​യി​ൽ ഉ​റ​ച്ചു​നി​ൽ​ക്കു​ക​യാ​ണ്. കാ​ട്ടാ​ന ന​ശി​പ്പി​ക്കു​ന്ന പ​ന​ക​ൾ​ക്ക് പ​ക​രം പു​തി​യ തൈ​ക​ൾ വെ​ച്ചു​പി​ടി​പ്പി​ച്ച് തോ​ട്ടം ന​വീ​ക​രി​ച്ചു​വ​രു​ന്നു​ണ്ട്.